الموضوع: مركز الصفا لتحليل و معالجة العوادم وصيانة الكربراتير والانجكشن

دى معاملة دى حرام عليكم
بعد ما تغيروا الطلمبة والريجلاتور وتقولوا لى العربية بقيت مظبوطة وكنت جى اشتكى من استهلاك بنزين عالى
العربية ماتدورش خالص ومفيش مشكلة كهرباء ولا اى شىء
الموتور مش راضى يدور
واتصل بيكم بدل ماترسلوا حد يحل المشكلة
تقولوا اقطر العربية بونش
لية كدة لية المعاملة دى دة انا بثنى عليكم وبعملكم دعاية كويسة
دى اخرتها معندبيش غير اقول الله يسامحكم
الله يسامحكم الله يسامحكم

تردوا او لم تردوا
انا عايز اعرف العربية بتاعتى كانت عندكم وفحصتوها وقولتوا احتاج ريجلاتور وطلمبة بنزين
ودفعت حقهم وغيرتوهم.
والسلك ساح بتاع العوامة والعربية كانت هتولع بيا حرام عليكم
ازاى ماكشفتوش على العربية كويس
وجايين تقولوا ادفع كمان 100 جنية ونغير لك العوامة كاملة دى مساومة ولا اية بالظبط
انا هجيب العربية وهتصلحهوا واحملكم هذا الاهمال الجسيم
ارواااح الناااس مش لعبة فى ايديكم
حسب الله ونعمة الوكيل

المشاركة الأصلية كتبت بواسطة مركز الصفا

السلام عليكم الاستاذ الفاضل المحترم ارجو من سيادتكم ان تكتب عن الموضوع بالكامل
1 حضرتك تقريبا كنت تتابع عملية الاصلاح بالكامل و شوفت قوة ضغط الطلمبة على الجهاز و مفيش راجع بسبب الريجيليور و بعد الاصلاح تحققت من الضغط و الراجع بنفسك
2 حضرتك موضحتش اننا رحنالك ميدان ترينف مع مدير المركز بنفسه لمعرفة سسب التوقف و حتى مقدرتش هذه الخدمة و تعاملنا معك بكل الاحترام
3 حضرتك مذكرتش العربية عطلة علشات فيشة العوامة الرئيسة غير صالحة ووصلناهة مباشر بالسلك الخارجى و بلغناك اننا مش السبب فى ده و ماخدناش اى مصنعية او قيمة اصلاح خارج المركز
4 حضرتك سالتنا عن سعر هذه القطعة و قلنا لسادتك سعرها و ماجبرتكش على شرائها من عندنا و لو كنت مستغل عطلة سيادتك فى الشارع مكنتش وصلتها لك مباشر لغاية متيجى نركبهالك
5 اظن ان حضرتك جبت الريجليتولر من الحرافيين بنفسك ب80 ج فقط مش ب100ج اشترى حضرتك الفيشة زى مشتريت الريجليتور بس و الموضوع مش مستاهل الحضرتك قلته ده


عموما شكرا على الاحترام و الصراحة
و حسبنا الله و نعم الوكيل
للعلم ان عمل كشف الكمبيوتر 35ج و العادم 25ج و تغيير الطلمبة 75ج و كشف على الضغط و فك و تركيب مسترة الرشاشات و الريجيلتور 50ج ياعنى المجموع 185ج و ده الى فى قائمة التكاليف الموجودة النيت و المركز و حضرتك دفعت 150جنيه فقط برده مذكرتش الحقيقة الله يجازيك على القلته علينا

الاستاذ المحترم الفاضل

دة رابط موضوعى هنا اقرى وشوف كاتب عنكم اية اقرى يافندم
وشوف كل اللى بتقولوا حضرتك كتابتة

وكاتب انكم جيتم تعملوا كوبرى مؤقت

http://www.nilemotors.net/Nile/423109-a.html

ودة رابط موضوعى التانى اقرى يافندم مش بظلم حد انا حضرتك

http://www.nilemotors.net/Nile/423530-a.html

ودة الرابط وواضح فية انكم جيتم عملتوا كوبرى

http://www.nilemotors.net/Nile/423576-a.html

الريجلاتور اللى جبتة ب 100 لان مخلوع من مسطرة ال ب 80 جنية دة كان مرمى يخوف

ان اجيبة ويطلع بايظ

كلة مذكور فى الراوبط والموضيع شوف بنفسك كاتب اية
كل تكلفة كاتبها

حضرتك يافندم

انا لم اتكلم فى تكلفة خالص بس اتكلفت من حقى عربيتى اخدها مظبوطة
مش اروح بيها سلك يولع فيها

اخر حاجة اقولها لحضرتك
ازاى تفك عوامة عشان تركب موتور جديد للعوامة بدون ان تراجع كهرباء العوامة وفيش العوامة
وعدم مراجعة حضرتك ادى الى ان السلك ساح

وجيتم عملتوا كوبرى وتقول تعالى نغيرلك وش العوامة بسلك جديد وفيشة وتدفع 100 جنية
بجيب انا عوامة حتة حتة
ماكنت غيرت العوامة كلها وريحت دماخى

حضرتك كلمتنى تعاتبنى على ما كتبت ولو اى حد حضرتك نفسك حصل معاك كدة هتكتب اكتر من كدة

مفيش عذر لحضرتك لى ان اتحرق دمى ونشف دمى ان سلك كهرباء بجوار بنزين يسيح

حضرتك هتقول لا مش هيحصل حاجة دة حضرتك اللى تعرفة

لكن واحد مثلى مش فنى يعرف ازاى ها

وفى الاخر بتقول اسف مش هشتغل فى عربيتك بعد اللى كتبتة

يعنى لا راعيت حرقة اعصابى ولا اى شىء

ويلا اغور انا بقة

اشكركم الف شكر

ملحوظة هامة حضرتك قولتى اصل ماشوفتش السلك بتاع عومتك والفيشة انهم عايزين يتغيروا اها

لاتمام كدة صح حضرتك يافندم كان لازم انا اشوف بنفسى مش حضرتك

الف شكر لكم وربنا يزيدكم

حسبنا الله و نعم الوكييييل بجد فى كل مهمل مش بيشوف شغله كويس و مستهون بارواح الناس
و الف حمدالله على سلامتك يا استاذ ادوارد

المشاركة الأصلية كتبت بواسطة lutenit030

حسبنا الله و نعم الوكييييل بجد فى كل مهمل مش بيشوف شغله كويس و مستهون بارواح الناس
و الف حمدالله على سلامتك يا استاذ ادوارد

الله يسلمك اخى احمد

والله يسامحهم وخلاص