الموضوع: معاناتى مع الفتيس الdsg ولحظات احتراقه

المشاركة الأصلية كتبت بواسطة egyptiandiver

الله يعوض حضرتك يا رب. معلش تيجي في فلوس أحسن ما لاقدر الله تيجي في حادثة وله مرض ليك أو للاسرة الكريمة. ولا حد يتحكم فيك ولا حاجة يا باشا بلا توكيل بلا خليجي بلا اشتغالات. أنا لما جبت عربية جبتها عادية و مش معقدة و قطع غيارها الاصلية برا و جوا التوكيل و أي حد بيصلحها.... هي لانوس. حضرتك شوف إيه موازي للفلكس في الفئة السعرية دي و فنفس الوقت قطعها الاوريجنال متوفرة بسعر مناسب و الفنين يصلحوها بدون وجع قلب.... أهي كلها عربية و كلها بتودي و تجيب بس ربنا يودينا و يجيبنا بالسلامة كلنا يا رب. بص للمستقبل و متفكرش كتير فاللي راح. من الاخر اردم يا معلم! ربنا يجعل مستقبلك مشرق ديماً انشاالله - أخوك أحمد سامي

والله عند الاستاذ احمد حق وكلنا عندنا مصايب
منا العربيه اتثتت منى من اتنين قطاع طرق بسلاح بعد ثورة 25 يناير على طريق اسيوط الصحراوى غرب وجبتها الحمد لله بعد مكعيت 5000 جنيه
من غير ما اهلى ما يعرفو ولا عملت قلق لاى حد حتى الان وربنا يعوض علينا جميعا
وكلام الاستاذ احمد مظبوط كله يهون طالما والديك واخواتك واسرتك بخير والفلوس دى تحت الجزمة
لما اتثبت قولتلهم انا اصلا شايل رقبتى على كفى وروح العب بعيد بالبتاع اللى انت شايله الراجل بلم قولتله انت مشبتعمل كدا عشان الفلوس انا الفلوس تحت الجزمة انا عايز كام ياعم قالى 5000 جنيه قلتله بكره هتكون عندك ياعم فلوس ايه جتك نيله وفعلا اتقبلنا اخد الفلوس وجبت العربيه وشكرا ميرسى
وقلت الله مااجرنى فى مصيبتى واخلفنى خيرا منها واقسم بالله ربنا عوضنى بنفس الفلوس فى زمن قياسى
يعنى كبر ونفض واشتغل برده بس من غير متتنرفز ولا تزعل على اللى فات
والله المستعان

يعنى اية عيب تصنيع زي كدة الشركة الام متصلحوش
انا هاحكى ليكو حكاية
انا كنت اشتريت جزمة من مصر تمبرلاند و بعد ما اشترتها بحوالى شهر اتقطعت من نفس المكان فى الفردتيين و طبعا طنشت عشان انا فى مصر و كدة و بعدين يشاء العليم انى اسافر امريكا اسبوع تبع الشغل بعد ما اشتريت الجزمة بستة شهور و انا هناك كنت لابس الجزمة
المهم جبت رقم خدمة العملاء و انا هنال و شرحت ليهم انى اشتريت جزمة من مصر تمبرلاند مش من امريكا و معييش ايصال ليها و لا اية حاجة غير انها اصلية و مش مضروبة
قالت لية ابعت الجزمة و احنا هنفحصها لو عيب تصنيع هانغير و لو استخدام ملناش دعوة
يومين بعد معا بعًتها كان عندى جزمة جديدة نوفىىىىىىىى
انا مش عارف احنا لية كدة ,هو احنا برضة مش بنى ادميين
هو انا مش دافع فلوس فشخ فى العربية
طب احنا الى ساكتيين عن حقنا و بنشترى و خلاص
احنا سلبيين و لا التجار الى حرامية و جشعيين و برة لا
ولا الدولة هناك الى بتجبلك حقك بالقانون و حماية المواطن
يا رب اكمل نعمتك علينا و جيب لينا رئيس يخاف اللة فينا