الموضوع: فتيس dsg حقائق ومعلومات !

المشاركة الأصلية كتبت بواسطة ahmadm

اخى المهندس فرحات عفوا حضرتك رديت على كل اسئلتى و جزاك الله خيرا بس ساعات انا بعلق و اذكرك بالخير فااكيد انت مش بتاخد بالك و ربنة يديم المعروف و ينفع بعلمك الجميع و يزيدك من العلم دا انت انقذتنى يا اخى و الله ولاوينى كل ما اشوف العربية الباسات الجديدة معدية قلبى بيهفف ولاكن الحلو ما يكملشى

تقبل تحياتي

أستاذ أحمد، أشكرك جداً على ذوقك ، بجد حضرتك انسان محترم جداً ورابنو يبارك فيك ،

وبعتذر ليك مرة تانية إذا كنت في أي وقت ما أخدتش بالي ولم أرد التحية على حضرتك ، الفكرة إن بسبب ضيق الوقت أول ما بدخل المنتدى و-beykoon feeh mawadee3 keteer مشترك فيها، بكون عايز أرد أو اشارك في أكبر عدد وبالتالي ساعات بتفوتني بعض المشاركات ، أرجو انك تعذرني ، ومرة تانية بشكرك على ذوقك .


أما بخصوص العربية فالحمدلله انك أخدت القرار عن إقتناع ، على الاقل في الوقت الحالي ، وممكن بعد فترة تحس إنه مناسب ليك أو تلاقي عربية تانية مناسبة ليك أكتر وتشتريها ، أنا شايف إن أهم حاجة الواحد يشتري المناسب ليه وساعتها هيكون متفهم ومتقبل التعامل مع الشيء عشان المزايا إلي شايفها فيه حتى لو فيه عيوب

انا عندي نفس المشكله ديه وعايز حد يقولي اعملها فين

اولا شكرا على التقرير الهايل دة بصراحه مجهود رائع بس فيه استفسار فنى بالنسبه للفتيس دة محير لان الفتيس مش بيبوظ بالكيلو متر ذى ما الاستاذ فرحات بيقول اعتقد ان المشكله تتعلق بصيانته وتغير الزيت لان الموضوع دة سببه التوكيل لانه اصر انه الزيت مش بيتغير وعمرة من عمر الفتيس والكاتلوج بيقول كل 60 الف يتغير فاكيد لو مغيرنهوش هنغير الفتيس كله لانه هيعمل مشاكل ولا اة الحقيقه نفسى ابعت المانيا عشان حد يفهمنا الفتيس سعرة كبير جدا

انا اسف فى ردى دا.............................ولو حتى هيعيش 120 الف كيلو ودا استحاله وانا ايه اللى يكبرنى انى ادفع 82 الف جنيه بعد ما عربيتى تخرج من الضمان كل 120 الف كيلو لو اعتبرنا ان دى عربيه العمر ليه وانا لاقى الفلوس فى الشارع.................فتيس فاشل مهما حاولتو تعيدو الثقه فيه مميزاتو 2% من عيوبو.............وشكرا

شكرا يا أستاذ فرحات على الموضوع الجميل ده

أنا قدامى دلوقتى جيتا 2007 و مش عارف هل الفيتيس بتاعها فيه عيوب ولا لأ فكنت عايز أسأل حضرتك فى الموضوع ده

عامة هى ماشية 120 كم و سعرها 102.5 ألف ولسه هكشف عليها بس عايز أتأكد ان الموديل ده كويس و مفيهوش عيوب

المشاركة الأصلية كتبت بواسطة drheshamreda

شكرا يا أستاذ فرحات على الموضوع الجميل ده

أنا قدامى دلوقتى جيتا 2007 و مش عارف هل الفيتيس بتاعها فيه عيوب ولا لأ فكنت عايز أسأل حضرتك فى الموضوع ده

عامة هى ماشية 120 كم و سعرها 102.5 ألف ولسه هكشف عليها بس عايز أتأكد ان الموديل ده كويس و مفيهوش عيوب

الفتيس ال-dsg في الجيتا من أول 2010 فقط ، قبل كدة الفتيس العادي الستيبترونك ، ودة كل إلي بيحتاجه صيانة وتغيير زيت كل 60 ألف، غير كدة مفيش أي مشاكل
بالتوفيق إن شاء الله