شكرا للايضاح يعني بيستخدم فتيس زي بتاع اودي
والله حضرتك انا اعرف ان ستيبترونيك تطلق علي امكانية التحكم في النقلات مع الفتيس الاتوماتك من خلال + و - اسف لو كنت فاهم غلط وبرده من معلوماتي ان S-Tronic بتاع اودي برده دوال كلتش
عرض للطباعة
شكرا للايضاح يعني بيستخدم فتيس زي بتاع اودي
والله حضرتك انا اعرف ان ستيبترونيك تطلق علي امكانية التحكم في النقلات مع الفتيس الاتوماتك من خلال + و - اسف لو كنت فاهم غلط وبرده من معلوماتي ان S-Tronic بتاع اودي برده دوال كلتش
الفيتيس ستبترونيك صرف بدون اي لعب
اخي الفاضل
انا لسه سايق امبارح Audi A1 ملك زميل ليا وفتيسها S-Tronic فعلا بس الملحوظه المهمه ال S-Tronic هوا هوا فعلا ال DSG مع اختلاف التركيب الداخلي كل حااااجه موجوده في ال DSG لاقيتها في ال S-Tronic من رجوع السياره لو على طلعه لطريقة النقل في الحرق لكل حاااجه من الأخر اركب الإثنين مش حاتلاقي فرق بينهم تماما
خبر الموسم لجميع عملاء فولكس فاجنشركة فولكس فاجن الصين
تمديد فترة الضمان على الجير بوكس دي اس جي لمدة 10 سنوات او 160 الف كم
وده اللينك بتاع الخبر
Car owners revved up over VW gearbox glitch | Top News | chinadaily.com.cn
المفروض ان الوكيل بمصر يتبع نفس الإجراء مع باقي الوكلاء على مستوي العالم
[OVERLINE][/OVERLINE]
حضرتك التوكيلات في مصر بتيقي واخدة ضمان أكتر من سنة في بعض السيارات وبتديلك ضمان سنة
غير كده لما حاجة بتبوظ في الضمان بيلففك حوالين نفسك قبل ما يغيرها رغم انها مش حتكلفه غير مصنعية وجمارك القطعة ( وهو واخد حقهم في تمن السيارة من ألأول و عاملين مندبة علشان العربيات الأستيراد بيبقي تمنها أقل بحجة انهم بيزودا السعر علشان مصاريف الضمان ومركز الصيانة )
والله يا جماعة الحمد لله انا معايا جيتا 2010 dsg 7كامله خليجي الحمدلله عملت 100000 كم ومغيرتش فيها غير ديسك واسطوتنه عند 95000 وكله تمام و الحمد لله بس انا ديما مش عتيف علي الفتيس و مشي علي طريق سريع مش وسط البلد ومش بمشي علي الاستبترونيك غير مرات معدوده و في الاشارات بجيبو علي n مش بسيبه علي d بس والحمد لله ماشي معايا زي الفل اللهم لا حسد و اطلع عي طريق الساحل او العين السخنه اجيب 200 زي الفل تقيمي ليه فتيس محترم بس يحتاج لتعامل معين مش زي اللانسر ونفس المعامله بتكون في كل العربيات الالماني حتي المرسيدس و ال bmw
شكرا استاذ فرحات على هذا الموضوع القيم و على ردود الاعضاء المفيدة و المحترمة
أنا لسه مكلم التوكيل في الاسكندرية و قالي معلومة جديدة لما سالته هو لسه فيه مشاكل في فتيس ال dsg ...... قام رد و قالي ده كان في سنة واحدة فقط منذ 3 أو 4 سنين و المشكلة إنتهت خلاص....
ده كلام الراجل بتاع المبيعات......
بس المعلومة الجديدة اللي قالها لي إن فولكس فاجن علشان ترجع الثقة في سيارتها.... زودت فترة الضمان ل 3 سنين أو 100 الف كم
أيه رأيكم في الكلام ده....؟؟؟؟
بقدر ما انا سعيد جد بالحوار مع حضراتكما و مقدر قيمه هذه المعلومات ، بقدر ما انا حزين جدا على سماع هذا الكلام ، انا كنت ناوى اشترى باسات موديل 2007 اوتوماتيك بس بعد ما سمعت كلامكم ده خوفت جدا و مش عارف اعمل اى و خاصه و انى من اشد المعجبين بالباسات 2007
ياريت لو حد عنده اى حل او فكره لمشكله الفتيس دى يقولها لى ، مع الشكر
أ/فرحات انت منور المنتدى و انت بجد بذلت مجهود كبير
باشا انا كان عندى ليك سؤالين
الاول : اعرف منين ان الفتيس اللى راكب فى السياره الباسات او الجيتا او الاوكتافيا انه استبترونيك عادى مش dsg
الثانى : هل يحدث اى مشاكل للموتور ال fsi or tsi لو انا استخدمت البنزين ال 92 معاه على طول
مع خالص تحياتى