فتيس dsg حقائق ومعلومات !

**M.Mostafa80** · 12-10-2011 05:11 PM

موضوع مميز جدا
واللى عاجبنى اكثر النقاش المحترم بين الأعضاء ربنا يدومها علينا نعمه
تحياتى لصاحب الموضوع ولكل المشاركين

**omar-saad** · 12-10-2011 06:07 PM

موضوع ممتاز
ربنا يباركلك يا استاذ فرحات
فعلا الفتيس ثورة فى عالم النواقل
بس لللاسف لسة محتاج تعديلات كتير علشان يناسب الظروف بتاعتة القيادة فى مصر او فى بلد فيها ازدحام شديد زينا

**hany63** · 12-10-2011 07:06 PM

استاذ فرحات
فيه ملحوظه نسيت اقول لحضرتك عليها
لو قدامك عربيتين زيرو 2011 dsg واقفين فى نفس المعرض وارد انك تلاقى واحده كويسه و التانيه عامله زي 2009 يعني الواحد لازم يجرب العربيه قبل ما يدفع قبل ما يدفع والا المعاناه مع التوكيل
السؤال الفيصل فى الموضوع هل بعد تغيير طقم الدبرياج على 25000 كم العربيه ترجع بطعم الزيرو ولا لأ
على العموم هاجرب عربيه واحد صاحبي يوم الجمعه القادم و اقول لسيادتك على النتيجه بكل امانه تقبل تحياتى

**MOUSTAFA_SAAD** · 12-10-2011 07:45 PM

شكرا علي المعلومات القيمه

**elysmeen** · 14-10-2011 02:47 AM

عاوز اعرف الموضوع دة موجود في موديلات باسات 2011 ولا لا واعرف ازاي ان الفتيس فية اسطوانة واحدة ولا اتنين

**farahat** · 14-10-2011 10:21 AM

المشاركة الأصلية كتبت بواسطة hany63

استاذ فرحات
فيه ملحوظه نسيت اقول لحضرتك عليها
لو قدامك عربيتين زيرو 2011 dsg واقفين فى نفس المعرض وارد انك تلاقى واحده كويسه و التانيه عامله زي 2009 يعني الواحد لازم يجرب العربيه قبل ما يدفع قبل ما يدفع والا المعاناه مع التوكيل
السؤال الفيصل فى الموضوع هل بعد تغيير طقم الدبرياج على 25000 كم العربيه ترجع بطعم الزيرو ولا لأ
على العموم هاجرب عربيه واحد صاحبي يوم الجمعه القادم و اقول لسيادتك على النتيجه بكل امانه تقبل تحياتى

الفكرة هل العربيتين نفس الانتاج ؟ وطالعين من نفس الخط في نفس التاريخ ؟ ، لأن ببساطة لو جايين من مصادر مختلفه (خليجي بأنواعه وتوكيل وغيره )، يبقى تاريخ التجمع غير برضه ، ودة معناه إن ممكن يكون واحدة فيها فتيس إنتاج 2009 والعربية نفسها تجميع 2010 ، ووحدة تانية جنبها فيها فتيس 2010 وهي تجميع 2010 ، ودة إلي بيعمل الفرق.

أعتقد بعد تغيير مجموعة الدبرياج الفتيس هيكون طبيعي تماماً ، ذي زمان لم كنت بتغير الدبرياج في المانوال بتحس إن العربية فاقت ورجعت ذي الاول ، وبرضه منتظرين نتيجة تجربتك :)

**farahat** · 14-10-2011 10:28 AM

المشاركة الأصلية كتبت بواسطة m.mostafa80

موضوع مميز جدا
واللى عاجبنى اكثر النقاش المحترم بين الأعضاء ربنا يدومها علينا نعمه
تحياتى لصاحب الموضوع ولكل المشاركين

شكراً لك على ذوقك ، ويا رب نقدر نقدم دايماً ما يفيد المنتدى الجميل دة واعضاؤه

المشاركة الأصلية كتبت بواسطة omar-saad

موضوع ممتاز
ربنا يباركلك يا استاذ فرحات
فعلا الفتيس ثورة فى عالم النواقل
بس لللاسف لسة محتاج تعديلات كتير علشان يناسب الظروف بتاعتة القيادة فى مصر او فى بلد فيها ازدحام شديد زينا

صدقني دي مش مشكلة مصر بس ، الملاحظات دي في كل حتة في الدنيا ، ودي مسالة وقت في كل منتج جديد ،
لكن يمكن احنا هنا في مصر عشان تمن العربية بيكون كبير جديد مقارنةً بالداخل فبنحس بصعوبة الموقف ، لأن الناس عايزة تدفع تمن العربية مرة واحدة وتعيش معها العمر كله ، لكن الطبيعي إن طالما العربية دي منتج استهلاكي يبقى ليها عمر ، وبالتالي ممكن أقبل إن فيها حاجات تبوظ وتتغير ويحسنوها في المنتج الجديد ويكون أحسن وفيه مشاكل أقل ... ، لحد ما ينزل المنتج الاحدث وياخد نفس الدورة ... وهكذا

المشاركة الأصلية كتبت بواسطة moustafa_saad

شكرا علي المعلومات القيمه

شكراً على مرورك الكريم

**farahat** · 14-10-2011 10:29 AM

المشاركة الأصلية كتبت بواسطة elysmeen

عاوز اعرف الموضوع دة موجود في موديلات باسات 2011 ولا لا واعرف ازاي ان الفتيس فية اسطوانة واحدة ولا اتنين

كل العربيات الباسات المنتجة حالياً فيها الفتيس ال-dsg

**osa92003** · 14-10-2011 12:48 PM

المشاركة الأصلية كتبت بواسطة farahat

كل العربيات الباسات المنتجة حالياً فيها الفتيس ال-dsg

اعتقد انه ليس هناك داعى لتحمل نتائج الاختبار فى المواطن المصرى العربيه بتعدى 200000 حنيه لازم نستنى لحد مايخلصوا الاختبارات دى ومانكونش احنا حقل التجارب .....بره فى حمايه مستهللك محترمه لكن هنا عليك العوض فى فلوسك

**farahat** · 14-10-2011 01:39 PM

اسمحلي يا عزيزي اختلف معك قليلاً ، ذي ما برة في حماية مستهلك لم حد يبيعله شيء تالف ، فيه كمان مستهلك واعي عارف بيشتري إيه ، المستهلك برة بيدور ويعرف ويقرا ويتعلم عن أي منتج بيشتريه قبل ما يشتريه عشان يشوف هل دة مناسب ليه ولا لأ .
وهو دة الهدف من مواضيع ذي دي ، عشان الناس تشوف إيه المنتج دة وهل ينفع معاه ولا لأ ، لأن فيه ناس مش هتحب تدفع المبلغ دة وتجيب حاجة جديدة وتقول أحسن أجيب حاجة بدون تكنولجي وما تكلفنيش ، وناس هتفضل انها يكون عندها أحدث تكنولجي وأقوى أداء حتى لو مكلف ، وناس هتفضل تجيب الجديد بس تستنى شوية لم يكون أكثر إستقرار .. وهو دة حال السوق ، مش بس في العربيات .. في كل حاجة .

أهم حاجة كل الناس تعرف إيه المتاح وإيه عيوبه وإيه مميزاته وبعدين تقرر صح حسب احتياجها مش بناءً على إشاعات وكلام من دة ومن دة .

اتمنى أكون وضحت وجهة نظري ، وتقبل تحياتي