موضوع اكثر من رائع.....
بس السؤال بأه... ممكن يكون غريب شوية؟
ليه عملوا الفتيس ده مع ان الفتيس الاوتو شغال و زي الفل؟ بمعني اصح ايه الاضافة؟
و مشاكل الdsg في مصر كلها بدأت من 2009؟ يعني قبل كده مكانشي فيه مشاكل؟
عرض للطباعة
موضوع اكثر من رائع.....
بس السؤال بأه... ممكن يكون غريب شوية؟
ليه عملوا الفتيس ده مع ان الفتيس الاوتو شغال و زي الفل؟ بمعني اصح ايه الاضافة؟
و مشاكل الdsg في مصر كلها بدأت من 2009؟ يعني قبل كده مكانشي فيه مشاكل؟
عملوا الفتيس دة عشان دة التطور الطبيعي للفتيس ، يعني أداء أعلى كتير ، عشان توقيت النقل أقل بكتير ، ودة معناه نعومة أكتر في الناقلات وسرعة في النقل
وفي نفس الوقت كفاءة وإستهلاك وقود أقل ب-8% من الفتيس الاوتو ، وفي أوروبا دي أهم حاجة دلوقتي ، توفير الوقود والحفاظ على البيئة مع الأداء العالي .
مشاكل dsg في مصر بدأت في 2009 .. عشان دي أول سنة تم فيها طرح الفتيس دة في مصر أصلاً :)
مساء الخير يا جماعه
كنت وعدتكم بنتيجة اختبار باسات 2010 تم تغيير طقم الدبرياج لوجود نتشه ما بين الاول و الثانى
المهم اتفقت مع صاحبي يجيلي اليوم عشان اجرب العربيه بعد الاصلاح لقيته ما استلمش العربيه اصلا لان العربيه بنفس العيب برضه بالطقم الجديد و التوكيل قرر يغير الفتيس بالكامل!!!!!!!!!!!!!!!!!!!!! و ياعالم حيعرفوا يظبتوطها ولا لأ
المهم اللي في الموضوع ان العربيه هاتخرج من الضمان كمان شهر وضمان الفتيس 6 شهور يعنى بعدهم لو حصل حاجه تمن الفتيس الجديد 82000 جنيه عشان باشوات التوكيل ما بيعرفوش يحددوا العيب فين وعلى فكره لسه عربيه جيتا مغيره ميكاترونيك بسبب ان الفتيس فصل و بعد 3 ايام ظهرت الرعشه فرجعت التوكيل عشان قالوا ان طقم الدبرياج محتاج يتغير
استاذ فرحات
احييك على الموضوع بس بصراحه الفتيس فاااااااااااااااااااااااش ل بالتجربه العمليه لموديلات 2009 و 2010
و ارجو انك ما تزعلش مني
و على فكره لسه واحد صاحبى معاه باسات 2010 (غير اللي حكيت عليهم) كلمني امبارح و قال لي على مشكلة الرعشه الجامده ظهرت عنده وعربيته عامله 24500 كم
بالنسبه لسؤال حضرتك كنت عايز اقول ان العربيتين نفس الشحنه و واقفين حنب بعض فى التوكيل نفسه
السلام عليكم,
شكرا جزيلا على المعلومات المفيدة دي يا باشمهندس فرحات , و يا ريت لو بعض الرسومات اللي ممكن تعزز الشرح أكتر لكل نوع من أنواع الفتيس و لو معاهم الأوتوماتيك العادي يبقى كتر خير حضرتك
انا معايا باسات 2011 مشكلة الفتيس دى موجودة فيها ولا لا واعمل اية لتجنب تلف الفتيس
الفتيس في حد ذاتو مفيشش مشكلة ، حضرتك لو قريت الموضوع هتلاقي إن دي مش مشكلة دة نظام مختلف ، وبالتالي فيه بعد نقاط الضعف مقابل المميزات إلي فيه ، ودة إلي الشركة بتحول تحله في كل تصميم عن إلي قبله .
لو حضرتك إتعاملت معاه من هذا المنطلق إنه مختلف هتحافظ عليه ، يعني على سبيل المثال حضرتك لو واخد بالك إنه منوال وليه اتنين دبرياج ، ما تنتظرش منه إنه في الإشارة يفصل، الاحسن تجيبه على n لو هتقف فترة ، حول قدر الامكان تمشي على سرعة منتظمة مش عمل تقرص جامد وتنزل هادي وتقرص تاني وكدة ، لأ الافضل تكون سرعة منتظمة بزيادة منتظمة عشان يكون النقل قليل على الغيارات .. وهكذا
وربنا يحافظلك على العربية ويباركلك فيها
هو زي ال dual logic بتاع فيات؟
و هل هو نفس فتيس الاوكتافيا و الاودي؟ (االي اعرفه انهم فولكس جروب)
لو ال Audi وسكودا الموديلات إلي حضرتك بتسأل عليها فيها DSG يبقى أيوة هو نفس الفتيس ، لأن الشركة بتستخدم نفس الفتيس في كل موديلاتها ، خصوصاً مع المواتير الصغيرة (1200 حتى 2000 CC ) .
belnesbah ل-dual logic فالإجابة لأ هو مش زيه ، بس نقطة الشبه إن الاتنين فيهم فكرة تشغيل الدبرياج بالكهربا ، لكن ال-DSG ٢ دبرياج واتنين فتيس في حين إن ال-dual logic دبرياج واحد وفتيس واحد .
الاوكتافيا فتيس اوتو عادي 6 نقلات نفس فتيس الجيتا القديم وزياده تأكيد اللي يشتري يتأكد ان كلمة dsg مش مكتوبه على عصاية الفتيس ويدور العربيه ويجيب عصاية الفتيس على +\- ويتأكد ان الفتيس 6 نقلات
و نصيحه لوجه الله لكل واحد معاه dsg تجنب السواقه في وسط البلد عشان العربيه هاتنقل مئات المرات غصب عنك يعنى خليها عربيه السفر و ممكن تستعملها ايام الاجازات (الجمعه و السبت)