مياه الموتور صدت كيف نعالجها؟

**popahly** · 17-10-2011 12:25 PM

بص انا هقولك على تجربتى بعد نصيحة أخونا طارق بعد مظبط المياه ومبقتش تنقص، وطبعاً كانت المياه بالقربة كلها صداء، المهم جبت الفلش بتاع اللى بينظف الصداء علبة صفيح كدا مش فاكر والله كانت بـ 12ج باين، وعملت زى مالأخ طارق قالى بالظبط حطيتها مع المياه اللى موجودة فى الدورة كلها ودورت العربية وسيبتها ربع ساعة وبعد كدا سقطت المياه كلها وحطيت مياه مقطرة وسيبتها برضوا ربع ساعة والعربية دايرة، وسقطها وحطيت بعد كدا مياه خضراء، الحمد لله بقالى حوالى 3 شهور دلوقتى المياه خضراء زى مهى..

**Lord of the flies** · 17-10-2011 12:51 PM

المشاركة الأصلية كتبت بواسطة tarek_2005

كدا فيه شك كبير جداً في جوان وش السلندر تاكد ان ده صدا مش زيت

الله ينورعليك يا استاذ طارق, ياريت صاحب العربيه يراجع على مستوى زيت الموتور و المياه هل فى واحد فيهم بيقل او بيزيد.
دخان الشكمان ليه لون ولاعادى.
العربيه بتسخن عن العادى ولا مظبوطة و ان شاء الله خير

**wael_power** · 17-10-2011 01:53 PM

المشاركة الأصلية كتبت بواسطة lord of the flies

الله ينورعليك يا استاذ طارق, ياريت صاحب العربيه يراجع على مستوى زيت الموتور و المياه هل فى واحد فيهم بيقل او بيزيد.
دخان الشكمان ليه لون ولاعادى.
العربيه بتسخن عن العادى ولا مظبوطة و ان شاء الله خير

بالنسبة للمياه اللي في الاربة مش فيها زيت ,صدي بس
ومستوي الزيت والمياه مش بينقص ودخان الشكمان مافيش لون خالص
والعربيه الحمد لله بالنسبة للحرارة مش بتعدي النص ومظبوطة
هو المشكلة ان قلب الموتور والرادياتير والطلمبة والخراطيم كله شبع صدي من مياه الحنفيه قبل ما اشتري السيارة.

**tarek_2005** · 17-10-2011 02:15 PM

يبقي استخدم طريقة الفلاش مع ملحوظة يجب انبهك ليها ان طالما الصدا كدا زيادة مع الفلش ممكن تحتاج تغيير طبب موتور بعده بفترة وجيزة

**tarek_2005** · 18-10-2011 12:01 PM

بيبقي في اربع طبب امامية واربع طبب خلفية والامامية بتبقي خلف الفرن بتاع الشكمان اما الخلفية بتبقي اسفل المانفو من الخلف وصعب تغيرهم شوية الخلفي طبعاً الامامية سهل تغييرهم