مياه الموتور صدت كيف نعالجها؟

**wael_power** · 16-10-2011 02:31 PM

انا شاري السيارة مستعملة من 8 شهور تقريبا لانوس موديل 2008 وكان صاحبها الاول للأسف كان مستخدم مياة عادية للرادياتر
طبعا اول ماشترتها قولت ديه مش مشكله تعيب العربيه خاصة انها كانت كالجديدة 25 الف كم وبحالة ممتازة
فقولت عادي اغير لمياه خضرا
روحت لمحل للرادياتير وغسل دورة المياه ووضع مياه خضراء وقالي تغيرها كمان شهر علشان الماتور مش نضيف من جوه
وعملت كده كمان شهر ونزلت المياه مصدية تماما
وغسل وغير مياه وكذلك كل شهر والموتور مش بينضف
والمياه اللي بستخدمها اول مرة السعودي
بعد كده موبيل
وبعد كده الامريكى الصغيرة حط اربعة كل مرة واستمرت عليه
بس للاسف مافيش فايدة مابكملش شهر والمياه تصدي وتعمل طبقات سميكة من الصداء حوالي 2 سم في الاربة مش طبيعي وبحس ان كتل الصداء ديه بتقصر علي اداء وصوت الموتور,وده بيبان اول ماغير المياه الصوت بيهدي وكفائة الموتور بتكون ممتازة
انا مش عارف ازاي ازيل الصداء ده تماما من دورة المياه بالموتور
يارايت استشاريون الدايو يفيدونى بمادة معينة تكون كويسة في ازاله الصداء بدون ضرر لدورة المياه بالموتور
او مركز يكون متخصص ومتميز في هذا المجال
ولكم جزيل الشكر

**MMamdouh** · 16-10-2011 02:40 PM

لازم تغسل دورة التبريد فى محطة بنزين من اللى بيبقى فيها ماكينة الغسيل ثم تستعمل منظف دورة التبريد ثم تستعمل مية خضراء

MMamdouh

**maka** · 16-10-2011 03:17 PM

انت بتشترى المياه الخضرا منين ؟؟؟

**wael_power** · 16-10-2011 04:22 PM

كنت باشتريها من الشيمي بتاع الزيوت او من بنزينه شيل . اوموبيل

**MMamdouh** · 16-10-2011 05:05 PM

اعتقد المكن كلة واحد

MMamdouh

**wael_power** · 17-10-2011 10:47 AM

المشاركة الأصلية كتبت بواسطة blazer

مشكله غريبه!
اصل شهر دى مده قليله اوى اوى على الكلام دا!
عموما جرب تحط منظف دوره التبريد ومزيل للصدأ على الميه اللى موجوده تانى بس شتريه من مكان مضمون وماركه مشهوره

هو فعلا شهر وتكون المياه صدت ولونها بقي بنى ولو سيبتها شويا بعدها تعمل ريم صداء عجيب
المهم يا باشا انت قاصدك بعد مانغسل ونضيف المياه الجديدة يتحط عليها مزيل صداء؟ هل قاصدك دبيلو دي 40 ؟ولا في مزيل صدا تانى متخصص في دورة التبريد
وياريت لو تعرف مكان مضمون وماركة كويسة.
وشكرا لأهتمامك