الموضوع: لاول مرة صيانة اتو ايجيب ابورواش

السلام عليكم،
طبعا محتاجين شوية وقت زى ما الأخ الفاضل ذكر ..لكن من وجهة نظرى محتاجين حصوصا فى الأول يكسبوا زبون او عميل يعنى طبعا زى ما بيهتموا بالمزايا المعنوية زى توصيلك لكارفور بسيارة خاصة والرجوع والباتيه والسخن .. العميل محتاج برضه بالمقام الأول سيارته .. انا رحت صيانة 15000 الوقت التقريبى 2 ساعة لكن اما اضفت قبل الدخول حزام الأمان (2) يتشدوا عشان مبيرجعوش زود ساعة وطبعا بدونهم الأستلام كان 12 لكن عشان فيه راحة ساعة من 12 (طبعا من حقههم) لأن ده بيزود الأنتاجية من وجهة نظرى بقى الأستلام 2 ظهرا .. فطبعا كان ردى الحزام ياخذ ساعة ، كمان لما اضفت كرسى السائق (القاعدة) عاوز يتربط عشان فيه شوية لقلقة كانت الأجابة ساعة كمان ، طبعا الغيت حكاية الكرسى كمان الغيت حكاية ان الفتيس وقع فيه عملة عشان تنشال عشان برضه عاوز وقت مع ان .. لكن برضه حرام المقارنة عشان لسة المركز بالأول .عموما انا فهمت ان يمكن عشان فيه عرض الشهر ده متكترش فى الطلبات مع ان المهندس لم يلمح بذلك لكن حكاية الساعة عشان كل طلب ضيعت منى شوية حاجات كمان الحزام منشدش كويس ..كانت الآنوس احسن فى رجوعه ...
المزايا طبعا ساعة واحدة كانوا خلصوا عمل الصراحة 100% فكوا الطنابير ونضفوا وزيتوا وفى النهاية بيدوا تقرير بحالة العربية كلها من 30 نقطة انا دفعت ثمن التوتال 10000 كم 250 شاملة 5 كم جلبة الزيت و15 تنضيف موتور .. طبعا انا رحت كارفور عشان ال2 ساعة ومكفتنيش طبعا واضطريت ارجع بسرعة عشان ميعاد الأستلام . بالنسبة لى انا حكرر الزيارة لكن يمكن المرة الجاية عشان احتمال بفكر ارجع بيتى السبع عشان اضبط الحزام (بيرحع لكن بطىء ومش مشدود فى الرجوع زى الآنوس اللى كانت معايا ) المعاملة محترمة لكن برضه بكرر العميل محتاج طلباته بالعربية بالمقام الأول وهروح بعد العرض يمكن اما ادفع بدون عرض ميزودوش الساعات لكل طلب .اما الطريق انا حافظه من زمان عشان بروح هايبر لكن حكاية المحور دى يا جماعة خليتنى الف والف الطريق سهل جدا من المنيب المعادى 30كم .وربنا يوفقكم