الموضوع: لاول مرة صيانة اتو ايجيب ابورواش

أنا عملت صيانة عندهم 15000 يوم السبت الي فات
أنا متفق تماما مع الأستاذ / ahmed_rahem و أحب أن أضيف الأتي
1 - الأتفاق انهم عاملين ان 2 فنيين يشتغلوا في العربية عشان تخلص أسرع و دي حاجة طبيعية " مش خدمة ليا يعني" و الي حصل ان واحد بس الي أشتغل في العربية .... رجعت للمهندس قالي معلش الخدمة دي أتلغت النهاردة و دة ترتب علية ان العربية اتخرت أكتر من نص ساعة عن المتفق علية و بقي الأجمالي ثلاث ساعات و نص !!!!!!! علي الرغم ان انا مكنش عندي شكوي زيادة.
2- انا كنت شايف العربية و هيا بيتعملة صيانة طول الوقت ما عدا 5 دقائق كنت عند ال info Desk بسأل علي حاجة المهم انا مشفتوش بيعمل صيانةلفرامل للعجل الخلفي ,,,, و انا بستلم العربية سألت المهندس هل الفني عمل صيانة للعجل الخلفي فرجع للتقرير و وجد انه كاتب انه عمل فقلتلة انا مشفتوش و للأمانة انا غبت عن العربية 5 دقائق بس انا معتقدش ان ده وقت كافي لعمل صيانة الفرامل الخلفية فأكدلي انه ما دام كتب في التقرير انه عملها يبقي أكيد عملها و ألا هتبقي مشكلة كبيرة بالنسباله " الفني يعني"
3 - المهم كانت تكلفة الصيانة 17.5 جنية بس عشان انا حاطط زيت 10000 فمغيرتش المهم دفعتهم و استلمت العربية من المهندس و مشيت و لا تصريح ولا حاجة
4- العربية لمل بتخرج من الورشة بيسيبوا المتاح في باب العربية و بالتالي أي واحد يجي من الشارع ممكن يدخل المركز و ياخد العربية و يمشي ولا حد يعرف
5- المهم بعد مطلعت بشد الهاند برييك لاقيتها زي ما هيا " انا متعود من السبع بعد كل صيانة بلاقي الهاند برييك أتقل" بيني و بينكم ابتديت اشك فيهم و خفت أرجعلوا تاني عشان يشدها يقوم يشد الوير جامد يقطعوا
6- بعد ما مشيت ببص في مرايا الصالون لاقيهم لازقين Auto Egypt 16666 علي الزجاج الخلفي "طيب مييضرش"
7- معرفش سبحان الله إية الي خلاني انزل ابص علي اللوجو بتاع المصرية للسيارت الي كان مكتوب تحت كلمة صني علي الشنطة لقيتهم شالوها أديقت.بدقق لاقيت الشال اللوجو شال حتة من البوية لحد ما وصل للصاج حوالي نص سم في نص سم هي مش كبيرة بس انا شششششششششط كلمت المهندس بقولوا هوا انتوا بيتشيلوا اللوجو بتاع الموزعين التانيين قالي أه فرديت علية كده من نفسكم علي فكرة دي عربيتي انا مش بتاعتكم فرد عليا المفروض اني ابلغك الأول بس انا نسيت و قعد يتأسف قلتلوا في مشكلة تانية ان الشال اللوحو شال حتة من البوية قالي معقول طب معلش أرجع تاني و هندخلها لمدير الصيانة المهم انا كنت بعدت عنهم و اتخنقت منهم و قلتلوا مش هينفع قالي أي وقت تعدي عالينا نعملها علي طول
8- تاني يوم عديت عليهم دخلها الورشة قالي هيتعملها مرمة بس المشكلة اللون مش موجود "انا عربيتي لونها أسود !!!" و هنطلبه و هيجي بكرة "المرمه دي هيرش حوالين الحتة الي طلعت مربع بمساحة 20 في 20 سم"
9- الوقت الي هتخدة المرمه من 3 إلي 4 ساعات عشان لسة معندهمش الجهاز الي بينشف البوية بسرعة
10 -كلمتة عي الهاند بريك دخل العربية الصيانة تاني و عمل صيانة للفرامل الخلفية فسألتة كانت معمولة ولا لأ قالي لأ الفني مكنش يعرف ان الفرمل الخلفية بيتعملها صيانة في ال 15000 كنت ههههه ما عالينا قولتيلو يعني هو بيعمل صح صح صح علي كل حاجة و خلاص ده الي كان باين قدامي امال و هوا غطسان في الكبوت عمل إية و معملش إيه !!!!!!!!!!
.المهم انا تقريبا حسدتهم لأني كنت منبهر جدا بيهم بالنظام و حسن المعاملة بس بصراحة انا مش هروحلهم تاني و هرجع تاني للسبع علي الرغم اني من سكان 6 اكتوبر و المشوار ده أكتر من 50 كيلو
محتاج رأيكم أعمل المرمة دي ولا أسيبها كده أحسن العبية موديل 5/2011 و زي ما انتوم عرفتم لسة عاملة 15000