الموضوع: بلا جواز بلا هم

المشاركة الأصلية كتبت بواسطة mohamed_mohsen

لما العريس يجيب للعروسه فستان فرح ب5000 جنيه عشان تلبسوا يوم واحد ب و يترمي في الدولاب بعد كده يبقي ده اسمه ايه؟

انا ضد فكرة الأفراح بصراحه و ان شاء الله مش هعمل فرح بس فين البنت اللي تقتنع بفكرة اني اطلع انا و هي مثلاً نتفسح في تركيا مثلاً بدل الفرح اللي مهما اتكلف برضه فيه ناس هيبقي مش عاجبها و فيه لحظات او مواقف ممكن تبقي مش عايز تسترجعها او تتفرج عليها في الفيديو

فى بنات كتييييييييييييييييييييير جدا تقتنع بكده وتفضل تتفسح بره وده اتجاه ماشى دلوقتى وبتأجر فستان فرح ولو اول لبسة ممكن يبقى بألف ويتصوروا للذكرى وزفة عربيات وخلاص

الأسوأ عندى من خلع الحجاب اللى بحجابها وبتدى وصلة رقص بلدى بتقسيم مش فهمة ايه فليدة الحجاب اللى على راسها !! والموضة الآن فى المنصورة احضار راقصات للأفراح انا مش مصدقة ان حد عنده استعداد يشيل ذنوب كل المعازيم بالشكل ده لأ وذنوب اللى هيقلدوه كمان لأن اللى بيبتدى حاجة ناس هبلة بتخاف تبقى اقل منه وبتقلده

معلش فلى كلامم واقف فى زورى سامحونى عشان مشرقش

1=بطلوا نغمة بهدلته لما جابلها وعملها لأن مش مشكلتها ابدا ان سيادتك حالتك المادية ضعيفة ومتقدرش تجيب شقة ولو طلباتها كتير من وجهة نظرك ما تشوف غيرها على قدك مش انتو برضه اللى بتقولوا سيبها تعنس وجنب امها تونس والكلام المستفز ده
حضرتك الجواز فى الأسلام بيشترط قدرة مادية معينة انت بقى كافحت عشان تحققها متتجباش عالبنية دى مش مشكلتها خالص

2= انتو دايما تعيبوا عالبنات انهم مش بيضحوا طب وانتو بقى بتضحوا بايه لفوا كده فى مواضيعكو عالمنتدى هنا اللى انتو كاتبينها بايديكو وشوفوا ولما البنت تعرف ان اللى قدامها مش هيضحى باى حاجة لو شكلها اتغير او لو عيت او او تضحى ليه

المواضيع هنا واحد لقى واحدة من عيلة وجميلة واخلاق ومؤهل وثقافة وكل حاجة فيها مناسبة
وايه المشكلة اصل جمالها مش خارق لأ فعلا بتضحوا

واحد هنا كان بيسألكو عنده 32 ومتقدم لواحدة 30 هجوم ارض جو ازاى فرق السن سنتين بس امال هى تتجوز واحد عنده كام سنة يعنى امال لو واحدة اكبر ولسه صاحبتى متجوزة واحد اصغر منها ب 5 سنين راجل بجد ومهموش حد الأفكار دى عندكو هنا بس
لما واحد هنا عالمنتدى اجيب له عروسة 24 سنة وهو اكبر منها ب 3 سنين ومواصفاتها ممتازة يقوللى ايه اللى مقعدها لغاية دلوقتى من غير جواز لأ فعلا بتضحوا ونسيتوا ان الرسول قدوتكوا اتجوز واحدة اكبر منه ومش بقولكوا اعملوا كده على فكرة
بس انتو كمان مش بتتنازلوا عن حاجة فى المواصفات خالص انا ليا صاحبتى الأنتيم اتجوزت راجل بجد عارفين انا شايفاه راجل ليه لأن عندها بتر فى دراعها انتو مش بتبصوا للحاجات دى اصلا مع ان طول مانتو ماشيين فى الحياة هتلاقوا ست جنب جوزها المشلول او اللى من غير رجلين او اللى مبيخلفش ومبتحسسوش ان عنده اى مشكلة لكن هنا اصل جمالها مش خارق اصل الفرق بيننا سنتين بس كلام عجييييييييييييييب
لكن ان رجل يقف جنب مراته فقدت جمالها ولا صحتها حاجة نادرة جدا ولا يرضى يتجوز مطلقة او ارملة حتى لو هو نفسه سبق له الزواج لأ لازم بنت بنوت عشان يكيد الأولانية ويثبتلها انه جاب احسن منها


كل واحدة عارفة انها يوم ما تفقد جمالها او تطلع مبتخلفش او صحتها تروح 99% هتترمى فى الزبالة وجوزها هيشوف غيرها هى عارفة ده كويس

انا واحدة اعرفها جوزها كان عنده مشكلة كبيرة فى الخلفة استحملته 6 سنين وبعدين الدكتور مع العلاج عمل محاولة اتسبب انه فجر لها قناة فالوب وده قلل فرصة انجابها هى بنسبة النص وشوية وجوزها خف خالص اول حاجة عملها مستناش سنة واحدة من ال 6 سنين اتجوز فى السر عشان يخلف مع ان هى هتخلف عادى واتطلقت منه بعد كده وخلفت وعلى فكرة قبل ما تهجموا عليها متطلقتش عشان اتجوز وخدعها وكل ده لأ عشان لما اكتشفت انه اتجوز هى كانت معيشاه فى شقتها ببلاش فقالت من العدل انه يدفع لها ايجار للشقة زى التانية فرفض وقال لها بنتى اولى بكل قرش

ومن المواقف دى كتير لما البنات تسمع ده مفروض تقبل عالتضحية فعلا بنفس مفتوحة

وعلى فكرة البنات فعلا بتضحى لأن شرعا المهر ليها ومش مفروض تجيب عفش خالص بس هى بتساعدك وبتجيب واحيانا اكتر منك

ففكرة التضحية عندكو بتتمحور حول توفير مسكن الزوجية والعفش والشبكة اللى هنعتبرها المهر اللى ربنا امر بيه!!!!!!!!!!!!!!!!!!! ودى حقوقها لو شايفها بتبالغ شوف غيرها بتطلب طلبات اقل محدش ضربك على ايدك
لكن سيادتك اتبهدلت فى دول الخليج عشان تجيب شقة تمليك باسمك ده لنفسك متخنقناش بقى
مش ذنبنا ان بابا مكانش غنى ومبناش ليك :)

فكرتوني باللذي مضي

المشاركة الأصلية كتبت بواسطة azmeralda

1=بطلوا نغمة بهدلته لما جابلها وعملها لأن مش مشكلتها ابدا ان سيادتك حالتك المادية ضعيفة ومتقدرش تجيب شقة ولو طلباتها كتير من وجهة نظرك ما تشوف غيرها على قدك مش انتو برضه اللى بتقولوا سيبها تعنس وجنب امها تونس والكلام المستفز ده
حضرتك الجواز فى الأسلام بيشترط قدرة مادية معينة انت بقى كافحت عشان تحققها متتجباش عالبنية دى مش مشكلتها خالص

لو الموضوع مشي كده يبقي بلاش منها احسن لان بدايتها مش حلوة لو هو جايب الحاجة و شايفها بهدلة و مش شايف انه جايبلها هيا و هيا بتجبروا فوق طاقته و هيا عارفة كده يبقي لو مشي في الاول بل عافية مش هيمشي في الاخر غير لو بقت عيشة لا تطاق

2= انتو دايما تعيبوا عالبنات انهم مش بيضحوا طب وانتو بقى بتضحوا بايه لفوا كده فى مواضيعكو عالمنتدى هنا اللى انتو كاتبينها بايديكو وشوفوا ولما البنت تعرف ان اللى قدامها مش هيضحى باى حاجة لو شكلها اتغير او لو عيت او او تضحى ليه

لو عيت دي هتلاقي الراجل هيقف معاها و انا مش شايف الموضوع ده مشكلة لانه هو كمان ممكن يجيله مرض او حاجة و الموضوع هنا مش راجل او بنت دي شخصية و معرفة و عشرة ما بينهم الموضوع ده ممكن يكون منتشر شوية في جواز الصالونات و انا مش بقتنع بيه لكن غير كده هتبقي قله اصل من النحيتين

موضوع شكلها اتغير ده مشكلة... مش هقول زي ما الراجل المفروض يشتغل و يصرف علي البيت و ده واجب عليه يبقي المفروض هيا تهتم بشكلها لان الموضوع مش واحدة قصاد واحدة..
المفروض انها تهتم بنفسها ده مش لزوجها بس ده ليها و ده الطبيعي..مش بعد ما تجيب 30 سنه ولا حاجة تلاقي الشكل اتغير 1000%...يا ريت يشوفوا الستات برة بيهتموا بنفسهم ازاي



المواضيع هنا واحد لقى واحدة من عيلة وجميلة واخلاق ومؤهل وثقافة وكل حاجة فيها مناسبة
وايه المشكلة اصل جمالها مش خارق لأ فعلا بتضحوا

الجمال ده حاجة نسبية انا ممكن اشوف واحدة اجمل بنت في العالم و غيري مش شايف كده...كل واحد حر طلما مش مقتنع بيها يبقا احس ليه و ليها


واحد هنا كان بيسألكو عنده 32 ومتقدم لواحدة 30 هجوم ارض جو ازاى فرق السن سنتين بس امال هى تتجوز واحد عنده كام سنة يعنى امال لو واحدة اكبر ولسه صاحبتى متجوزة واحد اصغر منها ب 5 سنين راجل بجد ومهموش حد الأفكار دى عندكو هنا بس
لما واحد هنا عالمنتدى اجيب له عروسة 24 سنة وهو اكبر منها ب 3 سنين ومواصفاتها ممتازة يقوللى ايه اللى مقعدها لغاية دلوقتى من غير جواز لأ فعلا بتضحوا ونسيتوا ان الرسول قدوتكوا اتجوز واحدة اكبر منه ومش بقولكوا اعملوا كده على فكرة

الرسول زي ما تزوج من السيدة خديجة اتزوج من السيدة عائشة...و بعدين برده المشكلة هنا في البنات ان مفيش اهتمام بنفسهم البنت لو بتفضل مهتمة بنفسها زي برة مش هيبقا في مشاكل بس هنا الشاب بيتجوز و هو عارف علي 30 35 سنة كده هيلاقي حد مختلف في البيت.. و الموضوع ده بتاع الشخص نفسه زي اللي فيه مش عايز واحدة كبيرة فيه اللي مش بيفرق معاه...

بس انتو كمان مش بتتنازلوا عن حاجة فى المواصفات خالص انا ليا صاحبتى الأنتيم اتجوزت راجل بجد عارفين انا شايفاه راجل ليه لأن عندها بتر فى دراعها انتو مش بتبصوا للحاجات دى اصلا مع ان طول مانتو ماشيين فى الحياة هتلاقوا ست جنب جوزها المشلول او اللى من غير رجلين او اللى مبيخلفش ومبتحسسوش ان عنده اى مشكلة لكن هنا اصل جمالها مش خارق اصل الفرق بيننا سنتين بس كلام عجييييييييييييييب
لكن ان رجل يقف جنب مراته فقدت جمالها ولا صحتها حاجة نادرة جدا ولا يرضى يتجوز مطلقة او ارملة حتى لو هو نفسه سبق له الزواج لأ لازم بنت بنوت عشان يكيد الأولانية ويثبتلها انه جاب احسن منها

الكلام ده كله انا شايف انه بسبب جواز الصالونات....طلما كده كده الولد ما يعرفش البنت ايه اللي يجبره علي بنت مش جميلة/كبيرة في السن او او او....ما هو كده كده ما يعرفهاش و هيلاقي بنت تانية ما يعرفهاش احسن انا مش مقتنع بل مرة من جواز الصالونات و ده رأي شخصي

كل واحدة عارفة انها يوم ما تفقد جمالها او تطلع مبتخلفش او صحتها تروح 99% هتترمى فى الزبالة وجوزها هيشوف غيرها هى عارفة ده كويس

انا واحدة اعرفها جوزها كان عنده مشكلة كبيرة فى الخلفة استحملته 6 سنين وبعدين الدكتور مع العلاج عمل محاولة اتسبب انه فجر لها قناة فالوب وده قلل فرصة انجابها هى بنسبة النص وشوية وجوزها خف خالص اول حاجة عملها مستناش سنة واحدة من ال 6 سنين اتجوز فى السر عشان يخلف مع ان هى هتخلف عادى واتطلقت منه بعد كده وخلفت وعلى فكرة قبل ما تهجموا عليها متطلقتش عشان اتجوز وخدعها وكل ده لأ عشان لما اكتشفت انه اتجوز هى كانت معيشاه فى شقتها ببلاش فقالت من العدل انه يدفع لها ايجار للشقة زى التانية فرفض وقال لها بنتى اولى بكل قرش
ومن المواقف دى كتير لما البنات تسمع ده مفروض تقبل عالتضحية فعلا بنفس مفتوحة

مصر كلها نا كويسة؟ امريكا و دول الغرب كلهم ناس مش كويسة؟
ده موقف من شخص واحد ما اظنش انك تقدري تعمميه علي الباقي...في تربية و عيشة و عادات و اراء الناس اللي حولين الواحد كل ده بيفرق في شخصيته و تفكيره..

وعلى فكرة البنات فعلا بتضحى لأن شرعا المهر ليها ومش مفروض تجيب عفش خالص بس هى بتساعدك وبتجيب واحيانا اكتر منك

ففكرة التضحية عندكو بتتمحور حول توفير مسكن الزوجية والعفش والشبكة اللى هنعتبرها المهر اللى ربنا امر بيه!!!!!!!!!!!!!!!!!!! ودى حقوقها لو شايفها بتبالغ شوف غيرها بتطلب طلبات اقل محدش ضربك على ايدك

لو الجواز هيبقي كل طرف شايف ان اللي بيعمله تضحية يبقا بلاش منها احسن علشانهم هما مش اكتر لا الموضوع مش هيبقي حلو بعدين و هتبقا عيشة روتين و كئابة...و فعلن محدش ضربوا علي ايدوا ولا هي حد ضربها علي ايدها مفيش توافق في الموضوع من الاول ما بينهم يبقي بلاش منها مش بتكلم علي طلبات الاهل بتكلم عليها هيا

لكن سيادتك اتبهدلت فى دول الخليج عشان تجيب شقة تمليك باسمك ده لنفسك متخنقناش بقى
مش ذنبنا ان بابا مكانش غنى ومبناش ليك :)

ههههههههههههههه علي الفكرة في الدول المحترمة برة زي امريكا و اوربا و كاندا و استراليا عمرك ما بتلاقي فكرة الاهل يساعدوا في الجواز....حضرتك بعد الhighschool اللي هي الثانوية العامة الشاب بيعيش لوحده و بيشتغل و بيصرف علي نفسه...و لما بيجي يتجوز بيبقا نفس النظام...ف مش من الطبيعي ان الاهل هما اللي يصرفوا علي الواحد...بيحصل هنا عشان المستوي المعيشة اللي زي الزفت و المرتبات اللي زي الزفت برده
لو كل بنت هتقول مش ذنبي بابا مكنش غني و ما باناش ليك يبقي تعد في البيت زي ما هي قاعدة دلوقتي و لما تكبر تعد تتنازل في حقوقها دي لغاية ما تتجوز واحد اقل من كل اللي كانوا متقدمين
انا مش بعمم علي كل البنات برده لان عارف ان في شخصيات مختلفة و في بنات ليها تفكير مختلف