بالصور والفيديو: أول تجربة قيادة للأودي a6 الجديدة 2012

**medo_msmsa** · 29-10-2011 12:43 PM

المشاركة الأصلية كتبت بواسطة horas3000

تمام يا زعيم و لو جربت الجديده يبقي اعملنا المقارنه

حضرتك شفت ال a8 الجديده ؟؟؟؟
مش فاهم ازاي متاكلش عيش مع ال s و ال 7 ده تاكل و نص
انا سقت الثلاته علي فكره و اقدر اقولك بكل ثقه الاودي احسنهم لانها بتجمع بين راحه و فخامه ال s و رياضيه و ديناميكيه ال 7 بل بتتفوق في بعض الكماليات بس ده عادي لانها احدثهم

اما الكايين فمش هتكلم عليها لان شهادتي مجروحه
بس عشان تعرف قيمتها و امكانيتها سوق العربيات المنافسه و انت تعرف
و متنساش انها suv في الاول و الاخر يعني لازم وزنها يكون عالي و علي الرغم من كده بتعمل العجب
و هي فعلا طلعتها تقيله بس ده عشان بتطلع من الغيار التاني لكن مع السبورت مود الوضع بيتحسن كتير

بالظبط كده انت بتقارن الـ s مع A8 وفي فرق 5 سنين تقريبا .. انت متخيل بقي في 2013 لما تنزل الـ S الـ A8 هتبقي عاملة ازاي هي دلوقت بتبع شوية انما في 2013 الدنيا هتضلم لأن مرسدس بتركز اوي في S وديما لما ينزل الشكل الجديد بيبقى معاه امكانيات جديدة مش موجودة في المنافسين

**horas3000** · 29-10-2011 03:16 PM

المشاركة الأصلية كتبت بواسطة medo_msmsa

بالظبط كده انت بتقارن الـ s مع a8 وفي فرق 5 سنين تقريبا .. انت متخيل بقي في 2013 لما تنزل الـ s الـ a8 هتبقي عاملة ازاي هي دلوقت بتبع شوية انما في 2013 الدنيا هتضلم لأن مرسدس بتركز اوي في s وديما لما ينزل الشكل الجديد بيبقى معاه امكانيات جديدة مش موجودة في المنافسين

عادي يا زعيم
المقارنه ما بينهم مفيهاش حاجه لان الفئه دي من العربيات فيها اعلي و احدث تكنولوجيا و دايما في فرق في توقيتات طرحهم للاسواق و ال a8 لسه نازله السنه دي و ال 7 السنه اللي فاتت فمش هيبقي في فرق كبير زي ما انت متخيل
كمان انا في مقارنتي مركزتش علي الكماليات علي قد ما ركزت في اسلوب قياده كل عربيه و ده الاهم و ده اللي بيميز كل واحده عن التانيه
و انا في انتظار ال s الجديده زيك و خصوصا ال amg بس مش لدرجه انها تظلم الدنيا

**SAMEH_FOUAD** · 29-10-2011 03:49 PM

المشاركة الأصلية كتبت بواسطة medo_msmsa

لا يا افندم لو راجعت الكتالوج بتاع الفئة الخامسة هتلاقي ال 528 ماتورها 3.0 بيطلع 268 حصان والتسارع بتاعه 0-100 خلال 6.6 وده طبعاً أفضل بس في نقطة أهم تخليك تحترم الفئة الخامسة اكتر ان الاداء ده كله والعربية وزنها 1710 كيلو هنا التريب
لو عايز تنزل الكاتالوج من هنا
bmw 5 series sedan : Images and videos#

طيب كويس حضرتك راجع كدة بنفسك هتلاقى ان

528 : سعة محركها 2000 سى سى , وقوتة 245 حصان , وعزمة 35 كجم ,. نسبة الانضغاط 10:3

وزن العربية 1685

التسارع من صفر الى 100 فى 6.2 ثانية

حضرتك اتاكد بنفسك من الموقع

**BUNSH** · 17-01-2012 08:09 PM

ماشاء الله ,, يارب اوعدنا بحتة زى دى (امييييين) ,,
وتسلم على تقرير :)
مفرووووض مواضيع اللى زى كدة تثبت ؟!!!

**Ahmed Selim** · 28-01-2012 10:26 AM

تسلم أيدك يا باشا على التقرير........العربية أكيد تحفة

بس كنت عاوز أعرف رأيك فى الثبات مع ال quatrro أخباره أيه.........هل حاسس بفرق ثبات عن الفئة الخامسة كتير ولا قليل و لا مش فارق ؟

و بالنسبة للموضوع........للأسف زى ما قالك حورس باشا.........لو عملت تقرير عن عربية عالية الموضوع بيموت سريعاً...........عندك ساحة تجارب القيادة تشهد على كلامى ( ليا فيها بتاع 6 أو 7 مواضيع )

أنت عارف لو كنت عملت تقرير عن الألنترا أو الأكسنت أو أى عربية فى الفئة دى.........كان الموضوع زمانه مولع الدنيا :)
أبقى نقى تقاريرك بقى و بلاش العربيات الأى كلام دى :)))