الموضوع: العزم والقوه والتسارع

تسلم ايديك يا هندسة .. بجد بجد موضوع ممتاز.
وتفكير سليم جدا ... يابني انت مدخلتش سيارات ليه؟؟؟
بعد إذنك عندي إضافة بسيطة..

المشاركة الأصلية كتبت بواسطة yoko

نخلي بالنا إن ننا هنا مثبتين كل حاجة دواسه البنزين والحمل والنقله الي العربيه عليها

الشيء الوحيد اللي مثبتينه هنا هو ال (full load) يعني دواسة البنزين عالاخر
لكن النقلة اللي العربية عليها .. ولا تفرق أول من تاني لتالت عشان الcurve ده بتاع المحرك مش الفتيس.
الفتيس له curve تاني خاص (بالعزم لكل غيار Vs سرعة السيارة)
يعني المتغير هنا(dependent variable) هو ال PRM وتبعا له تتغير القدرة والعزم.

المشاركة الأصلية كتبت بواسطة yoko

الأبيض للحمل (العربيه)
طول ما عزم الموتور أعلى من عزم الحمل (العربيه) العربيه بيحصلها تسارع

هو بصراحة محدش بيدخل العامل ده معانا في الدراسة دي ، لكن أعتقد بيتم اعتباره كمتغير في المواتير الكهربا
وبلغة السيارات بيعرفوه بال tractive effort وفعلا لازم يكون عزم الموتور أكتر منه عشان العربية تقدر تقوم ... وبما انك كهربا باور فهو حاجة كده زي ال lock-up torque condition بتاع ال DC machines
وال minimum tractive effort ده بيساوي مجموع المقاومات المؤثرة على السيارة ككل (مش الموتور بس .. لأن الموتور هيقووم العربية مش هيقووم نفسه) ، وهم 4 مقاومات (الهواء والميل والقصور الذاتي ومقاومة تدحرج الإطارات rolling).

المشاركة الأصلية كتبت بواسطة yoko

طيب إمتى سرعة العربيه تثبت لما العزمين يبقوا متساويين الي هيا النقطة دي

طيب لو السرعة زادت بعد النقطة دي لأي سبب خارجي (منزل مثلا)
أو ما السبب دي بيروح بيبقى عزم الحمل أعلى من عزم الموتور وبالتالي التسارع يبقى بالسالب والعربيه سرعتها تقل

بس دايما بيراعوا عند اختيار الموتور المناسب للسيارة دي ان النقطة دي ميوصلوش ليها أبدا.
يعني يكون عندك Surplus torque لصالح الموتور .. وميحصلش تقاطع للكيرفين نوهاااائي.
إلا إذا كانوا مركبين موتور موتوسيكل صيني على عربية سيدان.

المشاركة الأصلية كتبت بواسطة yoko

وبالتالي تلاقي العربيات التربو مع أقل دوسه بنزين في ال rpm الواطي تلاقيها عاوزه تجري وتسارعها عالي قوي

نظريا صح ، لكن عمليا على ال RPM القليل بيكون كمية العادم قليلة فالتربو مبيعطيكش الأداء اللي انتا منتظره فورا من أقل دوسة بنزين .. ولكن بيكون في تأخر بعض الشيء في إستجابته Turbo lag .. إنت محتاج تكبسله صح عشان تحصل عالأداء المناسب (أو بمعنى تاني: محتاج تخلي ال RPM يكون دايما في مدى معين مثلا من 1500 إلى 4000) ساعتها هتاخد أعلى تسارع من العربية على جميع النقلات وهتلاحظ الكلام ده في حركة عداد السرعة.
مؤخرا تم التغلب على ال Lag بعمل تعديلات في مانيفولد السحب وتوقيت الصمامات وكمان حقن الوقود.
وبعد التعديلات دي اتغير منحنى العزم وأصبح فلات على مدى كبير من ال RPM
[IMG] Uploaded with ImageShack.us[/IMG]
وده هيخليك بتحصل على أقصى عزم (يعني أعلى تسارع) من بداية كل نقلة إلى اخرها (اللهم إلا إذا كنت بتنقل فوق 4.5 - ساعتها التسارع هيقل بالرغم من السرعة مازالت بتزيد).(فاهم قصدي !!)
ملحوظة: في الموتور العادي أقصى عزم (أعلى تسارع )بيكون في بداية النقلة فقط وبعد كده يقل تدريجيا لحد ماتوصل لأعلى RPM

وده يخلينا نعرف ان المواتير اللي أصبح فيها منحنى العزم فلات أو قريب من كونه فلات عند الماكسيمم
هتلاقي العربية بتعطيك أعلى تسارع (سحبها عالي جدا) من بداية النقلة إلى اخرها بشرط متحرقش عالغيار فوق 4.5

والله الموفق.