الموضوع: اثنين حينفصلوا او بمعني اوضح حيطلقوا بسبب.......

المشاركة الأصلية كتبت بواسطة marimmarum

بجد ربنا يكتر من امثالك وربنا يزيدك براجحة عقلك واتزان اراءك,
في كلمة قولتيها حلوة اوي

لما قلتي طيب واهلها ???
انا فعلا مش بعتب عليها اد ما بعتب علي اهلها , مهما كان هي لسه صغيرة و معندهاش خبرات , وطبيعي يكون عندها قصور ولازم علي الراجل يستحمل ويستحمل بتسامح وحب مش علي مضض
ولكن فين بقي الاهل الناس الكبار العاقليين فين النصايح اللي تلم الشمل مش اللي تفرق
سيدة نساء اهل الجنة فاطمة البتول بنت اعظم الخلق اشتكت الرسول من كثرة شغل البيت ومن كثرة العمل مع الفارق الرهيب بينا وبينهم في وسائل الراحة ومع ذلك قال لهم الحبيب المصطفي فاطمة مسئولة عن الداخل وعلي ابن ابي طالب مسئول عن الخارج ( خارج البيت ) لان ربنا قسمها كدة حتي في البنيان الجسماني للذكر والانثي, ومع كامل التقدير لدور كلا منهم واعتقد ان المراءة في نظري تفوق الرجل تقديرا.
وفعلا ما يكون الموضوع معروض علي طرف محايد كل ما كان اصوب واصح, وخاصة بهتم جدا بالاراء النسائية لانهن حيفكرو من وجهة نظرها ويحسوا بيها اكتر.

وجزاكي الله خيرا كثيرا.

اولا اخواتنا الاعضاء ما شاء الله قالولك نصايح بما فيه الكفاية و ناسف للى حصل مؤخرا من تشاحن بين الاعضاء

لكن نصيحتى المرة دى لاخواتنا اللى لسه مااتجوزوش
و هى انك بعد ما تختار البنت لادبها و جمالها و سمعة اهلها و انها من بيت محترم و و و و و و ............
انك تبص فى وش ابوها و امها لو حسيت انهم زى والدك ووالدتك و حسيت براحة توكل على الله و كمل
مفيش حاجة اسمها انك مختار البنت بس .......................لأ انت مختار ابوها و امها و اهلها كمان
وربنا يرزق صاحب الموضوع بما فيه خير و ان شاء الله يسمعنا عنه خير و ربنا يهدى النفوس

المشاركة الأصلية كتبت بواسطة eng_hatemfathy

طب انا لو اتكشفت محلوله طب لو العروسة سمعت من مامتها الاخت نونيتا حاجه من الكلام ده هتعمل ايه
لازم تحافظ على صورتك امام العروسه -حماتك مهمه اه لكن هتحميك لالالالالالالا

والله وبقى لينا هيبة يا ولاد
تصدقوا احساس جميل اوي

المشاركة الأصلية كتبت بواسطة m000dy

هو الرجالة بقت كلها كده محتاجين حماية دولية :)
عموما انا هاتفق مع حماتى نونيتا على اتفاق
هى تحمينى من بنتها
وانا احميها من كل حاجه تانيه الا حاجه واحده بس هى تتعامل فيها
البرص
ما بحبوووووووووووووووووووووو وش
مره والدتى طلعت تصرخ من المطبخ
برررررررررررررررررص يالهوووووووووووووووووى
وماكانش حد غيرى فى الشقه
قمت انا زى الباشا عشان احفظ ماء الوجه بس وروحت على المطبخ
بس للاسف الماء اتبخر وماعادش فى حاجه الواحد يبقى عليها :)
قمت قفلت عليه باب المطبخ وسديت تحت عقب الباب بمشاية
وقولتلها حد يعمل كده عشان حتت برص بردو
سيبيه ياكل ويشرب المطبخ مطبخه واعتبريه ضيف يعنى :)
انما انا مؤدب ما اطردش حد ( طبعا هى كانت واقفه هاتتشل من ردودى:) )
قالتلى نعم وهو انت هاتطرده
اقتلللللللللللللللله
قولتلها واعيش ازاى وانا ايديا غرقانة بدمه :(
وسبت المطبخ لحد ما الحاج جه ودخل اتعامل بقى ويومها ماكانش فى وجبة غدا لان الحاجه ما دخلتش المطبخ لحد بالليل اما جه الحاج طبعا ( ونعم الرجالة انا مش كده ) والنعمه يا عم كنت بجرى ناحية ضرب النار ايام الثورة انما ما قدرتش اتقدم ولو خطوة قدام برص
بعد ما الحاج قتله قاللى هاتعمل ايه لما تتجوز ومراتك تقوللك الحقنى فى برص
قولتله ها خدها واقفل الشقه عليه واجى اقعد عندكو يومين لحد ما يزهق هو أما يلاقى نفسه قاعد فى البيت لوحده ويمشى :)
ملحوظة بس عشان محدش يفهمنى غلط
انا ما بحبووووووووووش ولا بحب شكله لكن مش بخاف منه
احب الفيران :) خصوصا لو صغير
كان فى واحد فى اوضتى وانا صغير كنت احطله المصيده اخر الليل وفيها الجينه ومارضاش اعلقها واقعد اتفرج عليه وهو بياكل
عسسسسسسسسسسسسسسسسسوله
لحد ما طلع لماما فى يوم وراح الحاج قافشه
قاللى خده غرقه فى البانيو وهو فى المصيدة ( طبعا البانيو بتاعى - اصل انا محتفظ بالبانيو بتاعى وانا صغير - وعلى الله حد يتريأ ماشى )
سهيته وقمت خارج بره وفتحتله المصيدة وسيبته يخرج

بالنسبة للبرص
مش مشكلة انا سدادة
صحيح انا بقرف منه جدا
بس مستحيل اسيب حاجة تؤذيني او تؤذي بيتي في البيت ممكن اتعامل
بس اعتقد انه مش بينزل دم
وبعدين اول مرة اشوف حد يحب الفيران
خلاص جيب لك حتة هامستر صغنن يسليك في اوضتك

المشاركة الأصلية كتبت بواسطة eng_hatemfathy

مش عارف زوجة المستقبل هتتعامل مع الحنية المفرطة دى ازاى اكيد قلبك مش هيطاوعك تخرج دبانه دخلت يوم التنفيض او تموت ناموسه واقفه على الحيطه وهى على لحم بطنها اكيد هتعزمها على بقين دم

فكرتني بحكاية قريتها على احد المنتديات ضحكتني جدا
واحدة بتكتب طلبات عشان تديها لجوزها يشتريها وكانت عاوزة فراخ وبط
قالها مش قادر كسلان
قالت له مش مشكلة خليهم عايشين يوم كمان؟
قال لها تصدقي نبهتيني صعبوا عليا
انا مش هاشتري فراخ ولا بط تاني
حرام يتدبحوا بسببي
هاشتري مجمد الفكرة انهم ما يتبحوش بسببه

شايفين الجمال :D










:D