حسبى الله و نعم الوكيل فى التوكيل

**Col. Eng. Khaled** · 10-11-2011 06:18 PM

إتأكد الأول من المكتوب في كتيّب الضمان بتاع العربية و مختوم بختم التوكيل .

الله أعلم قبل موديل 2008 نفس ضمان الفتيس و لا لأ .

بشرط كل الصيانات الدورية في التوكيل / مركز خدمة معتمد .

**mero100** · 11-11-2011 11:31 AM

تحياتي للاعضاء المحترمين و تحياتي لحواركم الراقي المهذب المفيد
و تحياتي لكل انسان بيعرف يدور ععلي حقه وياخده بأادب و احترام
خصوصا ان الموظفين اللي في التوكيلات ( جميع التوكيلات ) بيتعاملوا بحقد و غل مع ملاك السيارات معرفش ليه .... و تييجي تدخل االعربيه لمهندس الاستقبال ...زي ما يكون بيعقدك .....
المهم نصيحه لكل انسان مصري عنده عربيه و في الضمان وبيتعامل مع توكيل و يواجه أي سوء معامله او محاوله لإهدار حقه ....انه : ( يدخل علي الكبير ) .... يعني أعلي موظف في مكان وما يسيبش حقه .....و أخيرا جهاز حمايه المستهلك : خط ساخن 19588 ....ايميل : info@cpa.gov.eg عنوان : 96 شارع أحمد عرابى – المهندسين - الجيزة

فيه ناس تقول ايه؟....محدش بيعمل حاجة و...و....و....... عاوز اقول انا اغلب مشاكل ملاك السيارات مع التوكيلات لو متحلتش في التوكيل بتتحل في جهاز حمايه المستهلك .... و ياريت نبقي ايجابيين ( مع عدم قصدي اتهام احد بالسلبيه لا سمح الله ) .... لان بلدنا مش كلها وحشه ....و الله فيه موظفين بتبقي عاوزة تعمل شغلها بما يرضي الله .... بس احنا منسيبش حقنا .....عذرا للاطاله
تحياتي لكم جميعا و خصوصا العضو المحترم / col.eng.khaled
عمرو ابراهيم

**abdallasoliman** · 11-11-2011 02:17 PM

السكوت عن الحق شيطان اخرس وكما كتبت سابقا بعدم التنازل عن حقلك مادمت صاحب حق وليس السلبية التى عشناها لسنوات العهد البائد ان تستمر وكما ذكر المهندس خالد وعدم التنازل عن حقة وانة يوجد امتداد ضمان وعلمت بة من مدبر الصيانة بالتوكيل مثل الجيربوكس واشياء اخرى سوف اعرفها .. وطالما دفعت ماطلب منك فلاتتنازل عن حقل واما موضوع التلاعب فى عداد الكيلومتر فهذا كلام شفوى وليس عندهم المقدرة على استيضاح ذلك كانوا عرفوها فى سيارتى وارى ان تقوم بارسال شكواك الى الشركة الام بفرنسا بالاميل وسيكون رد الفعل ايجابى اكتر من حماية المستهلك ولاتستسلم لانك دافع 950ج اما موضوع تغيير الطنابير وتيل الفرامل فيمكن تغييرهم خارج التوكيل ومحدش حيعرف والطنابير رميسا اسبانى ب425ج والتيل نفس المنشاء 180ج وانا لسة مغيرهم برة ومصنعية 50ج وعندك رينوهوم .. واكرر ان لاتتنازل عن حقك طالما العربية كانت بتتعامل مع التوكيل للفترات الاخيرة

**MuhammadAOmar** · 12-11-2011 03:20 PM

الأولى ان تيل الفرامل و الطنابير محتاجيين يتغيروا و التكلفة 2500 جنيه تقريباً !!!!
التانية ان الجير بوكس محتاج سولونويد (solenoid) وده تكلفته مع تغيير زيت و فلتر الجير بوكس حتخش فى 3000 جنيه !!! و تركيبة محتاج 3 أيام !!!!!!

طب انا عندى سؤال مهم. هل فعلا دى اسعار القطع الحقيقي ولا الراجل ده كان بيهس على حضرتك عشان يمشيك وكده؟؟ وبعدين لو حتى حقيقي بره التوكيل بتبقى بكام القطع دي؟؟؟

**abdallasoliman** · 12-11-2011 06:34 PM

تيل الفرامل فى التوكيل الامامى 550ج والطنابير850ج وبرة كما ذكرت 450ج طنابير اسبانى واتيل 180ج اسبانى

**waelamin123** · 13-11-2011 05:06 AM

المشاركة الأصلية كتبت بواسطة ragaee

بدايةً شكراً يا باشا على الرد، هى العربية ضمانها انتها لأنها عدت 3 سنوات، لكن أنا معرفش ضمان الفتييس ده ايه حدودوه، بس أنا جايب العربية مستعملة من الميكانيكيون العرب و كانوا لاعبين فى العداد و طبعا أنا بمنتهى الطيابة قلت الكلام ده للتوكيل على أساس انهم يخدوا موقف معاهم لكن كان الرد انهم مش مسؤليين عنهم فى المستعمل، فمعرفش هل الكلام ده يخرجها برة الضمان ولا ايه
أنا الصراحة مش طايق أصلاً أعتب التوكيل ده برجلى تانى، خصوصاً ان أسعار قطع الغيار مبالغ فيها، فيريت اذا كان فى مكان أجيب منه قطع غيار و مكان موثوق فيه فى التركيب غير التوكيل

الميكانيكيون العرب ناس فعلا مش كويسيين انا روحت أعمل صيانة العربية عندهم لاقيتهم يقولولى العربية مفيهاش فلتر تكييف راكب مع انه كان راكب فيها معنى كدة انهم ايه