كل سنة و حضرتك طيب أولاً
سيدي الفاضل أذكرك و أذكر نفسي إن إحنا في مصر أم الدنيا ، بالتالي الخطأ خطأك فقط لعدم التشبث
بحقك . ما تاخدش كلام من موظف الإستقبال أياً كان مؤهله العلمي ... الكلام مش مقتنع بيه عليك و على
خدمة العملاء (م / عمرو أبو الفتوح) بالمقطم .
حصل نفس الموقف معايا أواخر رمضان اللي فات بالنسبة للفتيس ... روحت يوم الوقفة و بدون حجز
(على أساس إنه موقف طارئ) نفس التناكة ... دخلت على خدمة العملاء و المهندس عمرو وقتها ما كانش
في المكتب ، قابلتني من تحل محله .
بداية كلامها إن كنت بعمل الصيانة بإنتظام (الفتيس عندي لسه في الضمان و العربية مو 2008 كانت
عامله 69000 كم) ، إديتها الرخصة في إيدها و قلت لها إن لقيتي العربية صياناتها خارج أي فرع للتوكيل
أو عملت أي صيانة في مركز خدمة معتمد ما تدخليش العربية .
لما لقت كلامي صح ندهت مهندس من الورشة يكشف على العربية بره الورشة عند الإستراحة
قالت لو في مشكلة العربية حتبات و تاخدها بعد العيد ... لما لاقيتني مستبيع و وافقت سابتني مع المهندس و مشيت .
فعلا كان في سلونويد واحد محتاج يتغير .... المهندس حب يهتني إني حدفع تمن الزيت و المصنعية
و السلونويد عليهم ، بردو إستبيعت .
العربية دخلت و أخدت ساعة و شوية و خلصت ، روحت عالخزنة أدفع .... لقيت جواب الخروج جاهز
و ما أخدوش ملّيم .
بالمرة (بلطجة ببلطجة) أخدت ميعاد لعمل الصيانة في الفترة المسائية و عملت الصيانة .
إبتسم .... أنت في "جمهورية مصر العالمية" .
لو الفتيس عندك لسه في الضمان ما تسيبش حقك .
المفضلات