تجربة تويوتا كورولا 2008 جنوب أفريقى

**midnightman_74** · 17-04-2009 09:03 PM

المشاركة الأصلية كتبت بواسطة waleed001

يا جماعة اعتقد ان الناس بتتكلم من غير متجرب العربية انا معايا العربية دى موديل 2009 عمل بيها لحد دلوقتى 3400 كم فى 3 شهور لان استخدامى بسيط للعربية لان معايا عربيه للشغل العربية اللى معايا كاملة مانوال عربية فوق الممتازة وانا سافت بيها مرتين لحد دللوقتى العربية على طريق الكريمات الجديد ثبات فوق العادى وانا كنت ماشى على سرعة 190 ومتحسش ان انت ماشى 80 بامانة والله اعربية محترمة جدا وفيها كماليات كتير انا كان بقالى حوالى 6 شهور بدرس اجيب ايه والحمد لله وفقنى فى العربية دى وانا لو رجع بيا الاختيار برضه هختارها تانى وانا على فكرة طلبت الموديل المانوال من التوكيل واستنيت استلمه 3 شهور لان انا اصلا بحب السواقة المانوال اسف على الاطالة عليكوم بس انا حبيت اوضح للناس الحقيقة كاملة

انا بيتهيلى ان معاك مفيش مشكة عشان مانيوال
الكلام كلة على الاتوماتيك

طب اية مواصفات المانيوال وبكام؟؟

**waleed001** · 17-04-2009 10:00 PM

المانوال فيها جميع الكماليات بالاضافة الى طارة مالتى فانكشن وفوج لايت وباقى الكماليات الموجودة فى البروفشنال وهى بتيجى بالطلب وثمنها بيبداء من 129900

**midnightman_74** · 18-04-2009 10:12 AM

المشاركة الأصلية كتبت بواسطة waleed001

المانوال فيها جميع الكماليات بالاضافة الى طارة مالتى فانكشن وفوج لايت وباقى الكماليات الموجودة فى البروفشنال وهى بتيجى بالطلب وثمنها بيبداء من 129900

بس كدة الكورولا المانيوال الكاملة هتبقى تقريبا بسعر الاوكتافيا المانيوال A5؟؟

**ashrafabulfotooh** · 21-04-2009 11:16 PM

[]أنا بألى سنة معايا الكورولا و واحد صاحبى بألو سبع شهور و أحب أقول إن تجربتى معاها إيجابية جدا جدا و مبسووط بيها أخر حاجة. أنا بتاعتى مانيوال و كان نفسى أجيب الmmt بس الفلوس قصرت. الخلاصة العربية محترمة جدا جدا و واسعة و مريحة و بتشم بنزين. و كفاية إنها مبدورة فى الشوارع كأنها ببلاش.

**ashrafabulfotooh** · 21-04-2009 11:23 PM

أخرخبر يا جماعة تويوتا جنوب أفريقيا أبتداء من 2009 هالغى الmmt و هاتجيب 4 speed automatic عادى زى الخليجى. بالنسبة لل1400 تم أستبدالها ب1330 جديد. check out the toyota south africa webpage for more info.
salam

**cerebrum** · 26-07-2009 02:08 AM

المشاركة الأصلية كتبت بواسطة thunder_are

للأسف عمرنا ماحنبقى حياديين طول أما احنا بنسمع كل كلمة ونرد بدون تجربة.
أولا: تويوتا كورولا 2008 سيارة خارج المنافسة مع لانسر 2008 وطبعا كورولا الأفضل باكتساح وكلامي حيكون للأسباب الاتية :
1.الناس اللي بتقول (بدون علم) إن مصنع جنوب أفريقيا سيء وإننا أصبحنا ضحية تويوتا (سبحان الله احنا الدولة الوحيدة اللي تويوتا بتكرها ونزلتلها تكنولوجيا جديدة سيئة)

أحب أقولهم إننا مش الدولة الوحيدة اللي بتتعامل مع مصنع جنوب أفريقيا اللي هوا والله من أفضل مصانع تويوتا في العالم وللعلم فهو المصنع الوحيد لتويوتا اللي مفيهوش أي إنسان ( كل المصنع يعمل اليا بالروبوتس).

2.الوحيدة اللي نازلة بموتور dual vvti وده أفضل بكثير من الموتور السابق ولمعلوماتكم إ التويوتا الياباني مفيهاش الموتور ده والخليجيين بيشتكو من إن الكورولا عندهم مفيهاش فتيس mmt ولا موتور جديد ولا عدادات أوبتيترون الجديدة الموجودة لدى نسجة جنوب أفريقيا.

3.نيجي للمشكلة الأساسية واللي اشتكى منها الأعضاء وهو الفتيس الجديد ومشكلة النتش.
أولا: دي طريقة سواقة جديدة وطبيعي جدا إنها تاخد وقت لحد منتأقلم عليها.
ثانيا: مع مرور الوقت كل اللي معاهم العربية اعتادو التعامل مع الفتيس الجديد.

ثالثا: معظم الناس اللي بيذمو السيارة بيقولو : (أصل الناس اللي جابتها بتقول كذا.... أصل واحد صاحبي بيقول كذا...أصل شركة تويوتا معتبرانا فئران تجارب)
يعني كلام منقول عن كلام... وقصدي بكلامي بدون زعل اسألو الناس اللي معاهم السيارة فعلا مش الناس اللي سمعو من ناس أو سمعو في الموضوع الفلاني...

عيب السيارة الوحيد هو الغلاء النسبي لها..
ولكن والله هي لاتقل عن الكورولا السابقة بل هي أفضل منها بكثير ..
وأحب أقول لأي حد متردد والله مش حتندم لو جبت الكورولا لأنها السيارة الأكثر مبيعا في العالم لعدة أعوام...
وحتفتكروا لما ينزل موديل 2009 كلام الناس وحتلاقوهم بيشكروا في موديل 2008 لأنهم حيكونوا اعتادو عليه..
أتمنى محدش يزعل من كلامي أنا مش بدافع عن تويوتا وخلاص بس خبراء تويوتا عارفين إن كلامي صح

بارك الله فيك

وفعلا العربية غالية نسبيا

وهذا الأمر بقاله مدة في تويوتا حتى في الخليج أغلى من غيرها

أنا مقدم على الشراء قريبا ومتردد بسبب ال mmt بس كل ماأقف في إشارة أسأل إللي جنبي لو كرولا mmt

لغاية دلوقتي كل الناس بتشكر جامد في العربية

**محمد محمد** · 26-07-2009 01:03 PM

المشاركة الأصلية كتبت بواسطة cerebrum

بارك الله فيك

وفعلا العربية غالية نسبيا

وهذا الأمر بقاله مدة في تويوتا حتى في الخليج أغلى من غيرها

أنا مقدم على الشراء قريبا ومتردد بسبب ال mmt بس كل ماأقف في إشارة أسأل إللي جنبي لو كرولا mmt

لغاية دلوقتي كل الناس بتشكر جامد في العربية

حاول تعمل اختبار قيادة للعربية سواء من التوكيل او من اى حد تعرفه.
ملحوظة:لو حضرتك كنت سايق اوتوماتيك وجيت اشتريت الmmtهاتحس بفرق فى الأحساس بالنقلات لأن اصل هذا الفتيس مانيوال مش اوتو ماتيك مش زى ألأستبترونيك مثلا ولو حضرتك سايق مانيوال ومتعود عليه ماعتقدش ان حضرتك هاتحس بفرق جامد وهاتاخد على الفتيس بسرعة وعلى فكرة الفتيس لسة بينزل فى اوروبا انا شفته على الموقع بتاعهم امبارح.