تجربة تويوتا كورولا 2008 جنوب أفريقى

**mohameduoser** · 25-05-2008 12:09 PM

انا مش فاهم لة الفتيس دة منزلش فى اليابانى حاجة غريبة برضوا

**hn_kamal** · 25-05-2008 12:33 PM

يا جماعة انا شايف ان نفس الكلام بيتكرر فى اكثر من موضوع فى المنتدى وعلشان نبقى واقعيين شوية أنا شايف ان فيه ناس عندها مشاكل فى الفتيس وأنا من ضمنهم ولغاية دلوقتى اتجمع تقريبا 4 عندهم مشاكل
ممكن نعرف لو فيه ناس معندهاش مشاكل فى الفتيس أو العربية عموما
وعلى فكرة انا على اتصال بالتوكيل فى العباسية وانا حاسس ان انشاء الله سيتم حل المشكلة قريبا

**medo_cars** · 25-05-2008 05:03 PM

ان شاء الله بسيطه وتتحل بالسوفت وير مع ان شا يف ان البعض بيبالغ قوى فى حكاية الفتيس دو
انا حاسس برضه بنفسك احساسك يا كاسبر اللى حسيته تجاه شاركى كانه مستنى عيوب تانيه تطلع فى العربيه والله اعلم

**Sharky** · 25-05-2008 05:08 PM

المشاركة الأصلية كتبت بواسطة medo_cars

ان شاء الله بسيطه وتتحل بالسوفت وير مع ان شا يف ان البعض بيبالغ قوى فى حكاية الفتيس دو
انا حاسس برضه بنفسك احساسك يا كاسبر اللى حسيته تجاه شاركى كانه مستنى عيوب تانيه تطلع فى العربيه والله اعلم

على فكرة أنا معايا ياريس يعنى تويوتا برضه
كل ما فى الأمر إنى مستغرب جدا من رد فعل التوكيل على مشكلة مش هينة فى عربية بـ 150 الف و كل إللى بقوله هل حيكون فيه عيوب أخرى و لا لإ ؟
هل دا معناه إنى مستنى عيوب فيها !!!!!!!!!
و حستنى ليه عيوب فيها إبه مصلحتى فى كده ؟؟؟؟؟؟؟

ياريت تراجعه ردود ملاكها نفسهم علشان تعرفه إنى مش أنا لوحدى إللى بقول الكلام دا

**Ramy.Gamal** · 01-06-2008 09:43 AM

انا شايف ناس بتقول ان عيب الفيتيس دة موجود بردة فى السيارات اللى نازله اوروبا من مصنع جنوب افريقيا بس اوروبا مش سوق مستهدف للسيارات اليابانى فمش هتفرق معاهم اوى انما احنا والخليج وامريكا رقم 1 عندنا العربيات اليابانى وتفرق معانا اى عيب فيها علشان كدة منزلوش الجنوب افريقى فى الخليج ولا فى امريكا

**medo_cars** · 02-06-2008 04:49 PM

والتاكسى اللى مالى اوروبا اللى اسمه تويوتا افينسيس ده يدل على ايه

**Ramy.Gamal** · 03-06-2008 12:59 AM

التويوتا افنسيس صناعه انجليزى مش يابانى وعلشان كدة منتشرة فى اوروبا انما نادرا ما تجد سيارة يابانى فى اوروبا ومنتشرة

**medo_2060** · 07-06-2008 12:48 AM

دي عربيه تعبانه والله ما تستاهل سعرها كفايه بقى الناس في مصر تجري ورا الاسم

ادي اخره جري الناس ورا تويوتا وبيشتروها بثقه عمياء واهم ندموا في الاخر

**mexmarine** · 07-06-2008 03:39 AM

العربيه دى سيئه لابعد درجه رغم سعرها الغالى جداو رغم فخامتها و تقفيل الصالون الرائع ,أعتقد المشكله محصوره فقط فى ناقل الحركه من الاول للثانى و الثانى للثالث
والعربيه بتنتش و انا سوقتها و جربتها بعد ما حمايا اشتراها و استغربت لما رحنا بها التوكيل فى الاسكندريه و كانت الاجابه ان العربيه دى Easy Tronic و كده عادى لانها مش اتوماتيك اصلا ( رد غريب جدا)
و علمت ان السبب ده اللى خلى الميجان سعرها ينزل اول ما طلعت
وقالوا ان الموضوع ده مالوش حل, انا شايف ان الحل ان العربيه تتسحب من السوق و يرجعوا للناس فلوسهم . علشان ما يخسروش سمعة العربيه , واحلى حاجه الاستاذ خالد اباظه اللى وصف العربيه انها معجزه على ارض افريقيه "حسبى الله و نعم الوكيل فيه"