ال Rpm والسنتر والتيل

**Youssef.Awad** · 23-11-2011 10:31 PM

1000 مبروك يا باشا ع الصيانة وحل المشاكل اللى كانت مضايقاك
وبالنسبة لموضوع الجنط ده انا مريت بيه برضه عند 8500 كم كلت نقرة محترمة ع الزراعى عوجتلى الجنط الامامى شمال والخلفى شمال حاجة بسيطة وبعد الاستعدال والترصيص برضه الامامى كان مأثر بس لما عملت تدوير والسبع رجعهولى ورا بقى احسن وفى التدوير اللى بعده ريحت دماغى وبدلت الجنط مكان جنط الاستبن وخليت كاوتش الاستبن جديد ما باركبهوش الا لو مؤقت فى حال وجود خرم ولا حاجة بس دلوقتى عند 56000 كم الجنط اللى بدلته ده فى كل ترصيص الراجل يقولى بيعمل رفة معاك خفيفة بعد 110-120 وده فعلا صح وغالبا وزن الحديد فيه مش مزبوط والله اعلم

**Youssef.Awad** · 24-11-2011 03:02 AM

المشاركة الأصلية كتبت بواسطة essa

هى العربيه تقيله اوى كده ولا خامت الجنط هى اللى تعبانه !

لا بالعكس خامة الجنوط الحديد حلوة ومتينة وانا اتعرضت لكذا موقف تانى غير ده ومتخيل لو كنت راكب غير الصنى كان زمان الخساير اكبر بكتير من اللى حصلت ولاقدر الله كانت العربية كلها ضاعت
وفعلا الصنى تقيلة جدا ومهما حصل على الطريق العربية ما شاء الله مسماااااااااااااار وراشق فى الاسفلت وثبات مذهل

المشاركة الأصلية كتبت بواسطة essa

يعنى انت شايف يا دوك اني اغير الجنط اللى ورا ده بـ جنط الاستبن عادي
وبالنسبه للتحجير اللى فى العجل ده مع المطبات والنقر الصغيره ده عادي وطبيعى ولا ايه
واخيرا انا عارف اني تعبتك معايا

بس انا قولتلك انا لازم استشيرك فى اى حاجه تحصل معايا وحزرتك

شكراااا يا دوك

انا فعلا شايف انك تغير الجنط اللى مضايقك ده بالاستبن عادى جدا
وموضوع نشفان العفشة ده عادى بعد تربيطها لكن لو فيه تحجير جامد راجع ضغط الكاوتش لأنك عملت تدوير فى الصيانة واكيد هايكون مع 36-33 اكتر تحجير من 32-29 وكمان النيتروجين بيفرق فى نعومة الاحساس بالمطبات والطريق والنقرات وكل حاجة
واخيرا لا تعب ولا حاجة اسأل عن اى حاجة ولا يهمك
------------------------------
ملحوظة : لسهولة الرد على تعليقاتك ومشاركاتك منى او من غيرى برجاء عدم كتابة رد حضرتك داخل الاقواس [Quote] بين تعليق الغير ويكتفى بالرد مجمع بعد اقتباس المشاركة المراد الرد عليها
اتمنى ان اكون قدرت اوصلك اللى اقصده

**Ahmed.TV** · 24-11-2011 04:49 AM

المشاركة الأصلية كتبت بواسطة essa

الحمد لله يا جماعه انا عملت الصيانه وسبحان الله الحاجه الوحيده اللى كنت خايف منها وهى سنتر الزجاج ويشاء القدر انه مايشتغلش خالص اول ماجيت اركن قدام السبع ! ( فرحت اووى انه عملها فى الوقت ده )
طلع مهندس الاستقبال وقولتله على كل الاعطال والشكاوى وحددلى ميعاد الاستلام
وبعد ما استلمت كانت النتيجه :
1/ ال rpm يعمل بشكل صحيح , ( غير الاول خالص وبقى البنزين فيه بركة ! )
2/ موضوع سنتر زجاج الابواب اتحل وكل الابواب حاليا شغاله بس خايف تعملها معايا تانى , ربنا يستر
3/ بالنسبه للتيل هو فعلا اتسنفر والصفارة راحت بس اول ما طلعت بالعربيه وبدوس فرامل لقيتها تقيله اووى وده طبعا علشان لسه مطبعش والطاره تقلت مع المشى متهيقلى علشان بدل العجل بس العفشه حاسس انها محجره او كانى ماشى على طوب ! مع اني مرصص وظبط العجل عندهم
وفى حاجه قالى عليها المهندس اول ما جيت استلم وهى :
* ان فى عجله معووجه وكانت قدام يمين واتنقلت بقت ورا يمين *
الجمله دي عرفتى فعلا انهم بيفهموا لانى كنت واخد نص قالب طوب كده ع الطريق وانا ماشى بسرعه 100كم وقالى يا اما تغيرها يا اما تحط الاستبن مكانها وانا بفكر انقل الجنط بس مستحرم احط الاستبن كله ايه رايكم

الحمد لله انك عملت الصيانة على خير
وحط الاستبن مكان الجبنط المعوج
وروح لحد يستعدله .. وخاليه استبن

تحياتى

-

-

-

الموضوع: ال Rpm والسنتر والتيل

LinkBack

أدوات الموضوع

عرض

-

-

-

المواضيع المتشابهه

البريك والتيل

صوت خشونه مع الفرامل قدام والتيل سليم

ايه رائيكم في الطنابير والتيل ده

ايه الفرق بين التيل الـ ebc والتيل العادي في الميجان

حكايتى انا والتيل

الكلمات الدلالية لهذا الموضوع

المفضلات

المفضلات

ضوابط المشاركة