الموضوع: هديه لزوجتك

المشاركة الأصلية كتبت بواسطة OmMalek

انا بسجل اعتراضى على كثره التريقه على الزواج وعلى الزوجات
انا نفسى اسئلكم سؤال وتجوبونى عليه بكل صراحه
مين اساس العكننه والنكد فى البيت الزوج ام الزوجه؟ :boxing_smiley:

ده سؤال سهل جدا

اساس العكننة هى الحكومة و زيادة الأسعار

المشاركة الأصلية كتبت بواسطة karim_monir

الحكوووووووووووووومة
يبقي كدة عرفنا الاجابة يا سيادة اللواء:):)

أيووووووون الحكومة، انا اقول كلمة الحق و ميهمنيش لا أعتقال و لا غيره، لحد امتى هنفضل سلبيين و متكتفين و ساكتين، لازم كلنا نتحرك علشان نوقف الحكومة عند حدها، ياريت كلكم يا اخوانى تتجمعوا علشان نقف وقفة رجل واحد و أنا هخلص المواعين و احصلكم

عمري ما جبتلها هديه علشان انا مش متجوز :):)

أولا تحية كبيرة أوى لحبيبى شريف شاكـــــــــــــر :)

يا رافع من معنوياتى بس خلى بالك ماتقولش الكلام ده كثير أحسن ناس هاتحسدك هههههههه

بالنسبة لسؤال أختنا أم مالك الإجابة عليه بسيطة جدا :
-----------------

هو مفيش حد هو السبب الأساسى فى العكننة و النكد لأن أحيانا ممكن يكون أى طرف من الطرفيين

لكن إحقاقا للحق الطرف الأكثر نكدا عادة بيكون الزوجة لأن الست بطبعها متقلبة المزاج ممكن تصحى من النوم مقريفه لوحدها كده بدون سبب مجرد إنها مكتئبة
هنا بيظهر دور الرجل إنه يحتويها و مش يثقل عليها

يعنى المفرود إنه حبل رايح جاىُ حبة يرخى و حبة يشد المهم مايتشدش كثير ولا يترخى كثير