الموضوع: هديه لزوجتك

المشاركة الأصلية كتبت بواسطة OmMalek

شوفتوا بقى فى كلام استاذ كريم اول ما يكون الراجل تعبان او زهقان شويه فى شغله بينفجر فى زوجته وهى المفروض انها تستحمل زوجها وتحتويه ايا كان حالتها المزاجيه فى هذا الوقت
يبقى مين بقى بالله عليكم اساس العكننه فى البيت

هيا طبعا لانهم ما بيقدروش امتي بيكون هو مخنوق وتضايق وامتي بيكون كويس وتقدر تطلب منه او يجيبلها او يستحملها
مش اول ما يكون متضايق يا اخت ام مالك
ماهو بيشيل كتير برة وجوة
مش ناقصة نكدة وعكننة كمان
وفي الاخر ترجعو تقولو ما بيجيبش هدايا ليه
الا ممكن تبعتيلنا تليفون الاخ ابو مالك عشان حاجزينلة مكان معانا في قهوة المتزوجون
-------

المشاركة الأصلية كتبت بواسطة Ahmed A.Maksoud

كريم باشا
أنا كنت بسأل على مكان فاضى على الدكة لو أمكن :-)

يا باشا الدكة تساع من الحبايب الف
بس يكونو رجالة بس ويكون عدى على جوازهم اكتر من 6 شهور
مش شرط الخلف وان كان بيديلك مكان مميز على الدكة باعتبار انك بتعاني الامرين(من المر يعني)
المستندات المطلوبة
1-قسيمة جواز
2-شهادة ميلاد طفل (مكان مميز)
3-شهادة ميلاد طفلين(مكان سوبر)
4-اثبات عكننة (هايبقي باين على وشك خلقة)
5-20 جنيها رسم استضافة (اول مرة مجانا)

وتنور يا باشا من بعد 8 الى تاني يوم الصبح حسب وقتك وشغلك
العنوان ممكن رسالة على الخاص عشان الحزب النسائي مراقب المنتدي اليومين دول
وزيادة اطمئنان ابعتلي رقم موبيلك وهابعتلك رسالة مشفرة بالمكان
وكلمة سر الليل (كفارة يا ريس)
نييييييييييييهههههههههههه ههههههههههههههههههههههههه