حدث فى الطائرة

**mmtronic** · 26-11-2011 11:22 PM

المشاركة الأصلية كتبت بواسطة eng\ahmed

هقول لحضرتك
انا مهندس طيران فى الشركة ومع احترامى لكل الاراء اللى اتقالت والنقد انا ممكن اقولك اضعافة لأنى شغال فيها ولأن فى الاخر وبمنتهى البساطة شركة حكومة صحيح فيها تطوير بس فكر الحكومة مسيطر ولو بنسبة ودة سبب الانتقادات

بالنسبة لموضوع اختلاف التعامل حسب جهة السفر فا دة مش صحيح لأن اللى بيسافر هنا بيسافر هنا وفى الاخر طباع بشر ولكن اللى ممكن يفرق التعامل حسب الجنسية واعتقد مصر كلها كدة , وانا متفق تماما من ناحية الضيافة ان فيهم نسبة بتتعامل بعجرفة وغير مؤهلين للتعامل مع الركاب وفى منهم المحترمين وفى منهم اللى تصرفات بعض الركاب بتستفزهم وبالاخص ركاب الدول العربية وافريقيا والامثلة دى كلها بشوفها كتير جدا
واقول لحضرتك على حاجة متأكد ان مفيش حد يعرفها ان مش اى طيارة بتطلع اوروبا او امريكا , طيارات معينة بس اللى بتطلع والسبب فى كدة ان بيبقى فى تفتيشات دورية من سلطة الطيران المدنى الاوروبى على كل الطيارات اللى بتنزل فى مطارات اوروبا وتحديدا الشركات اللى واخدة اعتمادات دولية زى مصر للطيران

مشكلة مصر للطيران بالنسبة لمستوى الطيارات ان معظم الاسطول قديم ودى نقطة فاقولها مؤخرا وابتدوا يحدثوا ويجيبوا طيارات جديدة

اما عن تعليقى على موضوع الصيانة لأن بشوف اودام عينى ناس بتبقى طالعة مرعوبة من ركوب الطيارة ولما الطيارة بتتأخر لأى سبب سواء فنى ولا لأ بيتشائموا وبيلغوا السفر , فى ناس عندها قلق طبيعى من ركوب الطيارات فا مش لازم نزودة من لاشئ ومش بقول كدة علشان انا شغال فى الشركة او ان الصيانة بدون اخطاء او مشاكل لأ الصيانة فيها مشاكل ممكن تكون فى ضغط وقت الكشف على طيارة , تأخر بعض قطع الغيار وفى الحالة دى من حق المهندس وضع العيب كعيب مؤجل وطبعا حسب توصيات صانع الطائرة بحيث لا يؤثر على السلامة ولو فى عيب يؤثر على السلامة من حق المهندس المسئول عن الطيارة انة يوقفها ويقرر عدم صلاحيتها لحين اصلاح العيب وفى الحالة دى مش من حق اى حد انة يرغمة على اقلاع الطيارة
يعنى مشاكل الصيانة تقدر تقول ادارية اكتر منها فنية لأن ببساطة انسى ان حد هيطلع طيارة غير امنة لأن ابسط حاجة هو اول واحد هيروح فى داهية والمسئولية هنا جنائية يعنى حبس فالموضوع هنا مش شنطة اتأخرت او مضيفة كشرت فى وش راكب

متشكر لايضاحك و ربنا يسلمنا جميعا

**shaddadfalcon1** · 27-11-2011 12:14 AM

انا عمري ماسافرت علي مصر للطيرات بس دايما بسمع كلام وحش عنهم بس ناس زمايلي بتسافر عليها من القاهره لدبي وبيقولو كويسه وانا اخر مره كنت بتخانق مع الشركه عشان تسفرني علي مصر للطيرات بدل فلاي دبي

انا سافرت علي فلاي دبي - الأمارات - لوفتانزا - اير كندا

بصراحه احسنها وارقاهم وانظفهم كان الأمارات

**mohkhattab** · 27-11-2011 12:54 PM

المشاركة الأصلية كتبت بواسطة mohamed_selim

معلش انا بسافر بمعدل مره او مرتين كل سنه و عادة مواعيدى بتتناسب مع لوفتهانزا بس جربت السويسريه و اير فرانس و مصر للطيران و الاماراتيه كذا مره... شهادة لله مصر للطيران اتحسنت قوى ... لو هقارن الخدمات الارضيه مصر للطيران نمره 3 (بس مش سيئه ... مره كان فى ترانزيت وقته ضيقو شنطتى مرجعتش معايا من الجزاير و عملت محضر الساعه 7 مساء... على 11 صباحا تانى يوم كانو مبلغينى انها فى الجزائر و اتحملت على طيارة اليوم و رحت اخدتها على الفجر) ....
الاكل بلا منازع مصر للطيران احسنهم
الضيافه اتحسنت جدا ممكن احط الاماراتيه اول ناس بفرق كبير و يليهم لوفتهانزا و بعدها مصر للطيران بحاجه بسيطه و بعديها اير فرانس
الطيارين مفرقتش قوى ...

ممكن يكون فى تفضيل للكفاءات لخطوط معينه يعنى مثلا طيران اوروبا ال staff بتاعه مختلف عن طيران الدول العربيه مثلا و الله اعلم

المشاركة الأصلية كتبت بواسطة Hacker5

لا و يقولك احمد شفيق كان مظبط كل حاجة و الوزارة فى عهده كانت تمام

يا باشا خلى بالك ان احمد شفيق كان مستلم مصر للطيران و هى واقعة و فعلا لو مصر للطيران متحنتش عن الاول كان عمر ترتيبها العالمى بين الشركات هيتحسن و لا كانت مصر للطيران انضمنت لتحالف ستار

**i_Am_Legend** · 27-11-2011 01:01 PM

ياباش علشان نص الناس دي في مصر للطيران شغالة بالواااااااااسطةةةةةةةةةة ة

**mohamed_selim** · 27-11-2011 01:31 PM

هو فى سبب للتحسن النسبى اللى حصل ... عشان يخشو فى star alliance لازم يكون فى حد ادنى لحاجات معينه و بيكون فى تفتيش عليها ... هل ده حصل عشان فى مصلحه شخصيه لحد او عشان ربنا ... الله اعلم بس عن تجربه الدنيا مختلفه كتير عن زمان فى رحلات اوروبا ... معرفش نظام الخليج ايه ... بالنسبه للسعوديه جربتهم فى الحج و العمره ... معقول بالرغم من الضغط (بس ده ميمنعش انى سمعت عن مهازل مع ناس تانيه)

**mohkhattab** · 27-11-2011 02:06 PM

المشاركة الأصلية كتبت بواسطة i_am_legend

ياباش علشان نص الناس دي في مصر للطيران شغالة بالواااااااااسطةةةةةةةةةة ة

طبعا انا معاك فى الكلام دا ، بس بلدك كلها ماشية بالواسطة

المشاركة الأصلية كتبت بواسطة mohamed_selim

هو فى سبب للتحسن النسبى اللى حصل ... عشان يخشو فى star alliance لازم يكون فى حد ادنى لحاجات معينه و بيكون فى تفتيش عليها ... هل ده حصل عشان فى مصلحه شخصيه لحد او عشان ربنا ... الله اعلم بس عن تجربه الدنيا مختلفه كتير عن زمان فى رحلات اوروبا ... معرفش نظام الخليج ايه ... بالنسبه للسعوديه جربتهم فى الحج و العمره ... معقول بالرغم من الضغط (بس ده ميمنعش انى سمعت عن مهازل مع ناس تانيه)

انا معترف معاك ان احنا لسه موصلناش لمستوى بره ، بس على الاقليلة فى تقدم ملحوظ و فى علمك اللى بيدخل التحالف دا لازم ليه مواصفات و لو فتشوا عليه و لاقوه مش محقق المواصفات دى بطلع بره التحالف

**mohamed_selim** · 27-11-2011 02:55 PM

المشاركة الأصلية كتبت بواسطة mohkhattab

طبعا انا معاك فى الكلام دا ، بس بلدك كلها ماشية بالواسطة

انا معترف معاك ان احنا لسه موصلناش لمستوى بره ، بس على الاقليلة فى تقدم ملحوظ و فى علمك اللى بيدخل التحالف دا لازم ليه مواصفات و لو فتشوا عليه و لاقوه مش محقق المواصفات دى بطلع بره التحالف

ده بالظبط اللى كنت بقوله :)

**samcar** · 27-11-2011 03:15 PM

هم على فكره - اتعدلوا شويه - بصراحه هم ارحم من السعوديه - بس هو فعلا المضيفات والمضيفين - فاكرين نفسهم طبقه والناس طبقه- مع انهم مفروض يفهموا انهم جرسونات بس فى الجو- اما الطيارين- فيهم وفيهم - وبنبان من الاقلاع والرحله - باستنتج الهبوط حيبقى ازاى - بس ارحم من الهنود طبعا - فى الخطوط العربيه والخليجيه - بيوقعوا قلب الواحد