تركيب لمبات كشاف

**M.Nabeeh** · 30-11-2011 12:43 AM

المشاركة الأصلية كتبت بواسطة ahmazong

بالنسبة لموضوع الزيت هيبقى على مسئوليتك لإن حضرتك مفيش توكيل نيسان في مصر بيستخدموا .. مع إنه احسن من موبيل وشيل وكل الزيوت المصرية .. فـبيقولك كده عشان يخوفك وتحط من عنده الزيت .. متقلقش حطوا وتوكل على الله .. في ناس كتير جدا مستخدمة الزيت ده ومحدش اشتكى منه ابدا ..

بالنسبة للمض .. طب ماتحط اللمض اللي موجودة في مودرن .. لمض محترمة جدا و قوية و عن تجربة .. مابتحتجش كتاويت .. يبقى إنت كده ضربت عصفورين بحجر .. ركبت لمض محترمة .. ومالعبتيش في كهربة العربية .. اسمها orsam night breaker plus

تحياتي لحضرتك ونورت القسم ..

أحمد

بالنسبه للحساسات بتطلع ضمان الكهربا بره

**Youssef.Awad** · 30-11-2011 01:11 AM

يا باشا دى سياسة السبع وباحترمها فيهم فى موضوع الاكسسوارات ده
لو فعلا عاوز تركب لمبات عالية الاضاءة يبقى خليك فى اوسرام نايت برايكر بلاس ونفس وات الستوك وبدون تغيير كتاوت ولعب فى الكهرباء
اما موضوع الزيت ده قتل بحثا ولو فعلا هاتمشى بتوصيات نيسان مصر يبقى كل مراكز الخدمة تغير لموبيل 1 زى ما هو مكتوب على شاسيه العربية ورا الموتور مش مودرن تحط موبيل والسبع يحط شل ويقولك احسن من موبيل واتوايجيبت تحط توتال وتقولك ده الاصل !!!!!!!!!!
مفيش نوع زيت بيخرج عربية من الضمان وكل اللى بيعمله فى دفتر الضمان انه بيكتب عبارة (زيت طرف العميل) وبس لا بيكتب اسمه ولا نوعه

**Youssef.Awad** · 30-11-2011 01:58 AM

المشاركة الأصلية كتبت بواسطة m2018

اول حاجة الف شكر على ردكم بالنسبة لموضوع الزيت طمنتني استاذ يوسف ربنا يكرمك وحضرتك اخبارك ايه يا رب تكون بخير
موضوع اللمبات انا فعلا قررت ان مركبش غير اللمبات اللي نفس الوات فيه غير الاوسرام نايت بريكر في فيلبس اكستريم بور مكتوب انها بتدي 80% ايه رايكم مين الاحسن ولون اضائة الاثنين ايه
وحاجة تانية كمان يا يوسف باشا انا لو هجيبهم من المنصورة احسن مكان فين؟
والف شكر مرة تانية

انا كويس وبخير الحمد لله
انا اللى اعرفهم مجربين اوسرام نايت برايكر او فيليبس رالى اللى بتحتاج كتاوت
انما النوع التانى من فيليبس ده مش عارف ايه نظامه وغالبا هايكون اغلى من اوسرام
بصراحة مش عارف ممكن يتباعو عندك فين
عالعموم خلال شهر باذن الله ناوى اغير وممكن اشتريلك جوز معايا من القاهرة واجيبهوملك المنصورة زى الريموت كده هههههههههههههههههه
بس المرة دى ما تقولش اخويا هايقابلك

**Ahmed.TV** · 30-11-2011 02:24 AM

مع ان اى حاجة كهرباء ولو كانت صغيرة تركب فى العربية تخرج من الضمان .. الا وان سنسور الركن مش بيخرج من الضمان .. لانه مش بيلعب فى الضفيرة .. ومفيش منه خطر

واللمض خاليك فى الاسورم قوية وارخص من الفيلبس .. وتجبهم نفس الوط بالظبط

وحضرتك وقت ما تنزل فى القاهرة فى اى يوم سهل العثور عليهم .. او يوم مقابلة القسم لو حضرتك حتشرفنا .. قولنا ونجهزهالك

والزيت لازم يقولك طبيعى بمعرفة العميل .. ده الطبيعى .. ومتقلقش .. الزيوت اللى بتحطها زى فالفولين وليكوى مولى وكاسترول .. زيوت عالمية ومعروفة جدا فى العالم

**Youssef.Awad** · 01-12-2011 12:32 AM

المشاركة الأصلية كتبت بواسطة m2018

على العموم انا هسال عليهم في قسم الاضائة بس حضرتك يا استاذ يوسف كان عندك ايه وناوي تغير لايه وانا بجد كان نفسي اقابلك بس حضرتك اجلت لتاني يوم وانا بردو بسافر

حصل خير وتتعوض باذن الله قريب
انا عندى الاستوك وعاوز اغير لاوسرام نايت برايكر عشان اضاءة العربية ضعفت وباسافر كتير باليل