الكلام كتر عن رينو داستر؟

**Dr'AhmZZong** · 07-12-2011 11:26 PM

الداستر عربية ممتازة و توكيلها زي الفل ..

**yehia** · 30-12-2011 05:42 AM

هل فيه أي أخبار عن داستر أوتوماتيك؟ وبالأخص الدفع الرباعي؟

وهل هي أوسع من الاكس تريل ولا أضيق ؟

وهل الشيفروليه الأورلاندو نزلت مصر بالفعل ولا لا؟ ولو نزلت يا ترى سعرها في حدود كام؟

معلهش أنا آسف اني طولت في الأسئلة لكن عشمنا في الاخوة الأعضاء كبير نستفيد منهم .......

**stonecoldmido5** · 15-01-2012 07:55 PM

مساء الخير ع حضرتك

المشاركة الأصلية كتبت بواسطة yehia

هل فيه أي أخبار عن داستر أوتوماتيك؟ وبالأخص الدفع الرباعي؟
انا لسه سائل في التوكيل و اكدوا انها مش نازلة ولا رباعي و لا ثنائي

وهل هي أوسع من الاكس تريل ولا أضيق ؟
الاكس تريل طبعا اوسع من الداستر , بس الداستر نفس نظام التعليق .

وهل الشيفروليه الأورلاندو نزلت مصر بالفعل ولا لا؟ ولو نزلت يا ترى سعرها في حدود كام؟
لا منزلتش , في الخليج بس
.......

**ashouhdy** · 15-01-2012 08:08 PM

شوف هى عربية ناشفة

بس فرق السما والارض بين النعومة والفخامة والاوتوماتيك بتاع الكارينز
تقفيل وجودة خامات لصالح الكارينز

شوف تقل باب الكارينز وخفة باب الداستر فى ايدك

شوف شكل فتيس الداستر عامل اذاى العصاية الطويلة دى وشوف الستيب ترونيك بتاع الكارينز

شوف فرق العربية من جوة

الداستر هاتها لو لييك فى ال offroad يعنى بتطلع صحرا ومناطق وعرة كتير

لكن لو استخدامك عادى ذينا يبقى ارشحلك الكارينز

غير ان اعتقد حتحس بصدمة حضارية بين صالون البومة وصالون الداستر

طبعا لصالح البومة

انا مش بقول ان الداستر وحشة

لكن دى عربية دفع رباعى بفتيس مانيوال مش استخدام عائلى للراحة والنعومة وكدة

حاجة اخيرة

اية الاوكرة بتاعة الداستر دى ؟؟؟ فى عربية ب 140الف تبقى الاوكرة كدة ...بلاستيك مقوى خفيف جدا

**الاحمدى موتورز** · 16-01-2012 06:59 PM

المشاركة الأصلية كتبت بواسطة beeronasr

ربنا يخليك - يا ريت اسمع اية عيوبها بالظبط من حد راكبها
عيوب غير عدم شياكة الصالون و دة انا قبلتة نظير اداء قوى

لوجان من جوة بس على الوجه الاخر ما فيش غير التريوس اللي ممكن تنافسها
وبرضوا التريوس الجي أكس فقيرة من جوة

**elmohandes1** · 16-01-2012 10:05 PM

شوف يا بيرو هى الداستر و سيبك من الكلام على الكارينز - من الاخر عربية فرنساوى متصنعه فى اوكرانيا و لكن الكارينز كورى - انا لو فى مكانك اركب الرينو و ماركبش كيا - السيراتو مثلا عربية ضايعه فى الثبات بتاعة جرى و بس و لو انت بتروح الغردقة كتير قولنا كام سيراتو شوفتها مقلوبه و متدمرة على طريق السخنة - من الأخر كيا منظر و بس.

**الاحمدى موتورز** · 17-01-2012 06:23 PM

المشاركة الأصلية كتبت بواسطة elmohandes1

شوف يا بيرو هى الداستر و سيبك من الكلام على الكارينز - من الاخر عربية فرنساوى متصنعه فى اوكرانيا و لكن الكارينز كورى - انا لو فى مكانك اركب الرينو و ماركبش كيا - السيراتو مثلا عربية ضايعه فى الثبات بتاعة جرى و بس و لو انت بتروح الغردقة كتير قولنا كام سيراتو شوفتها مقلوبه و متدمرة على طريق السخنة - من الأخر كيا منظر و بس.

اي عربية عالية ( SUV او 4*4) هتلاقي ثبتها في الضياع
بغض النظر عن ال 4*4 الغالي زي X و الكايين والباجيرو
العربيات دي فيها برامج ثبات واتزان خرافية افتح اي مانيوال منهم واقراه برامج لا مثيل لها عشان عالية
وال center of gravity بتاعتهم فوق فلازم برامج اتزان ESP وخلاص
انما داستر تيجو كارنز تيريوس اخف من السيراتو

**Land_Cruiser** · 17-01-2012 06:32 PM

هتلاقى اكتر من موضوع حلو عنها فى قسم الرينو و تجارب ملاكها و ممكن تدخل على القسم و تشوف و أنا جايبلك موضوع حلو قوى منهم فى الرابط التالى

http://www.nilemotors.net/Nile/165254-a.html