الموضوع: الكلام كتر عن رينو داستر؟

وعلشان محدش يتهمنى بالتحيز دي مشاركة للاخ formulator وهو لا معاه داستر ولا كارينز واحلى حاجة فيه ان كلامه عملي ومنطقي ومدعم بالصور

المشاركة الأصلية كتبت بواسطة formulator

+1
فعلا.. هى مالهاش علاقة بالكارينز:
عفشة الداستر الـ4*4 أجمد بكتيييييييير من عفشة الكارينز ..!! أداء, ثبات فـ الطرق النظيفة.. و نعومة وراحة فـ الطرق المكسرة..؟!!

خد بالك أنا بتكلم على الداستر الـ4x4 اللى جربتها (كانت بـ حوالى 140 ألف تقريبا), وطبعا أنت عارف الخطوة اللى جاية :
آدى عفشة الداستر.. هسيب الصور تبين التعقيد والحرفية بتاع النيسان:


ركز يا شهدى فـ الـindependent والملتى-لينك اللى بجد, شايف عمود الكردان واصل للـDifferential ازاى.. على فكرة switchable يعنى ممكن تسوقها 4x2

وآدى عفشة الروندو.. بس شيل البارات البيضاء بتاع Ultra-Racing


طبعا مش محتاج أقول انها متواضعة فنيا, بالمقارنة بالعفشات الملتى-لينك حتى.. مش بالـ4WD بقى..!!



الى حد كبير.. قد تكون محق فـ دى: قعدة الكارينز من جوا أفخم, والكماليات أكثر.. بس ماتنساش ان الـmaterial برضه بلاستيك (مش الكانترا وكاربون فيبر يعنى)..!!

لكن برضه الداستر full option كان فيها كل اللى يحتاجة السواق.. كله كهرباء, ملتى-فنكشن, تعديل وضعية, trip...etc, عادى يعنى.. مش أزمة ان مفيهاش bluetooth..
ياراجل كفاية زرار تغيير نظام الدفع.. Auto ولا Lock ولا 4x2.. حسب الطريق!



مفيش الكلام ده, off-road ولا city.. الداستر شغاااااااااال عادى جدو..!!! والمانيوال للسواقين, ولا أيه؟؟!

فى النهاية.. عايز أقول اننا بنقارن MPV بعربية Crossover أو Compact SUV.. الكارينز قوتها فـ الكماليات والصيانة واعادة البيع, والداستر فـ أمكانيات الشاسيه والعفشة والفتيس الـ6-مانيوال short-shift (ميقدرهاش غير السواقين)..!

بالتوفيق isA لصاحب الموضوع فى الأختيار.

المشاركة الأصلية كتبت بواسطة ashouhdy

مش حكاية غاوى فكرة الدفع الرباعى ولا لأ .... على قد ما انا محتاجة فعليا ولا لأ .... يعنى انا استخدامى عادى جوة المدينة لا عمرى فكرت اطلع سفارى ولا اطلع صحراء

بس كلامكم اقنعنى انها عربية حلوة والفكرة الاساسية هل انت فى استعداد تضحى بالاوتوماتيك والستب ترونيك و الصالون الداخلى من اجل 4*4 ولا لأ .. وهل مثلا لو غيرت وجبتها حستخدم ميزة ال 4*4 ولا حفضل برضوا مشغلها 4*2 ؟؟؟

ومن ناحية الفلوس فمش حخسر كتير لأن اللى معايا تمنها زيرو 143 الف بالاضافات الاصلية لو بعتها مش حزود غير 3 الاف جنية واجيب الداستر 4*4 زيرو ...

موضوع استخدامك للدفع الرباعي فده انت اللى تقدر تحدده
يعنى انا من سكان مدينة نصر ومتعود على ان البلاعة لازم تبقى فوق الشارع بشويتين ده غير المطبات اللى بقت بتتزرع مش تتعمل وكل يوم بتزيد فلازم عربية عالية زي الكارينز
بس لما تضيف انى بسافر الاقاليم والارياف كتير يبقى لازم 4*4 ماينفعش عربية عالية والسلام وخصوصا لما تبقى في بلد في الشتا والدنيا تمطر و5 دقائق تلاقي كل الطرق بقت برك طين العربية ال4*4 ممكن تغرز فيها اساسا وماتعرفش تطلع من البلد ده غير شوية الحاجات البسيطة زي لو بتحب تدخل الشاطئ بالعربية في المصيف والكلام ده
فلو انت اغلب استخدامك جوة المدينة يبقى الكارينز حلوة وعالية واوتوماتيك وده هايبقى اهم ليك