الموضوع: الكلام كتر عن رينو داستر؟

المشاركة الأصلية كتبت بواسطة bebo2000

سبحان الله
نفسي لما نيجي نقيم عربية نقيمها بمنتهى الحيادية وندى كل شيء حقه بعيد عن الاراء الانفعالية

يعنى المنتدى كله بيشكر في الميجان 2 ومحدش اشتكى منها خصوصا في الموديلات الاخيرة او على الاقل الماتور بتاعها مفهوش مشاكل ومع ذلك كل الناس مش عاجبها الداستر كعربية 1600سي سي مع انه نفس الماتور الميجان 2 ال k4m

كلنا بنشكر في الاكس تريل وبرضه بنتجاهل ان عفشة الداستر ال 4*4 نفس عفشة الاكس تريل الخلفية وده انا شوفته بعينى وغير قابل للجدال وكمان بنفس زرار الدفع الرباعي بتاعها
ومع ذلك نقول الداستر مش عارف ايه؟؟

يتبقى التابلوه والتقفيل
نعم التابلوه شكله وحش والتقفيل مش قد كدة بس مع ذلك مسمعناش عن حد جابها وكان فيها عيب تصنيع واللى يعرف حد لقى فيها مشكلة ياريت يقولنا مع اننا في المنتدى الكوري مطلع عنينا عيوب تصنيع ( اخوكم احد ملاك الافيو ) ومش على قد الافيو شوفوا الناس اللى بتموت على الطرق السريعة بعربيات فيرنا واكسنت الجديدة والسيراتو ومع ذلك بنروح نجبهم واحنا عارفين انهم بيتباعوا برة بنص تمنهم هنا وكماليات ازيد كمان ومع ذلك سعرهم في مصر قرب جدا من العربيات الياباني

ده غير ان كلنا معجبين بالنيسان قشقاي وبنتعمد ننسى انها 1600 برضه، مانيوال برضه، وكمان مفيهاش دفع رباعي ذي الداستر ( حتى لو كان مش قد كده يظل اسمه دفع رباعي ولا ايه؟؟ ) وبندفع 30 الف جنيه زيادة ( فلوس تجيب عربية تانية ) علشان السقف البانوراما والزينون والتكييف المزدوج والكماليات التانية

واخيرا رأي لصاحب الموضوع لو عاوز عربية قيمة مقابل السعر يبقى عليك وعلى الرينو داستر ماتور ممتاز عفشة نيسان ياباني غير اننا مسمعناش عن مشاكل فيها الى الان ده غير الجوائز اللى وخداها في فرنسا والمانيا ورومانيا وغيرهم وممكن تشوف الكلام ده على النت بنفسك واظن الاجانب لما بيقيموا حاجة بيقيموها صح ومن كل الجوانب مش من التابلوه وخاماته وبس
لكن لو بتاع منظرة زي اغلبنا يبقى عليك وعلى الرينو برضه بس الفلوانس هتلاقي فيها كل الكماليات اللى في الدنيا وكل عيوبها من وجهة نظري الطلعة البطيئة والحجم الكبير اللى ماينفعش في شوارعنا وطرق سواقتنا والمناورات اللى بنعملها علشان نعرف نروح بيوتنا كل يوم

وطبعا في النهاية انت بس اللى تقدر تحدد احتياجاتك ايه في العربية بتاعتك بغض النظر عن رأي الجميع
وتقبل مروري

واللة العظيم: اللة ينور عليك - كلام مقنع جدا.
لية بنحب نجيب اللى عارفينة و عارفين ان فية عيوب تحت مبدأ اللى تعرفة أحسن من اللى متعرفوش - و نبعد عن الجديد الكويس و نطلع فية القطط الفاطسة مع انة بشهادة اللى اشتروا العربية انها ناعمة جدا واداء قوى و عزل ممتاز و تقفيل جيد و لا يعيبها الا تواضع صالونها و دة وجدوا لة حلول شياكة برضة
بأذن اللة و بنسبة كبيرة جدا ح أتوكل على اللة فى أول ابريل الجاى و حأبقى أقولكم رأيى فيها بكل صراحة فى قسم الداستر و ح اقارن بينها و بين اليابانى اللى معايا دلوقتى بكل حيادية - بس ربنا يستر على مصر و يحفظنا جميعا و الدنيا تمشى كويس ان شاء اللة

انا معجب جدا بالداستر ، المشكلة انها مانيوال

مافيش امل تنزل اتوماتيك زى ما حصل فى القشقاى ؟؟؟

انا مش شايف الداستر سيئة لهذه الدرجة من جوه ، هيه مش مبهرة طبعا ، بس كله بتمنه دى سعرها محصلش هيونداى اكسنت !!!!!!!!!!!، العربية ابعادها ممتازة و تحس انك راكب جيب حقيقية ،،،،، بجد عربية مدرعة .....و شنطتها و همية ........... المشكلة الاساسية ان حرام حد يدفع فوق ال 100 الف و يسوق مانيوال و يتعذب فى الزحمة الى احنا عايشين فيها ليل نهار

حضرتك مينفعش تقارن القاشقاى بالداستر علشان المقارنه مش متكافئه فىثلا فرق فى السعر ٣٠ الف جنيه بس مقابل اسم صانع و توكيل محترم و كماليات كتيره و جوده تقفيل ( عربيه ياباني تقفيل انجليزى) عايز ايه تانى اكتر من كده. الداستر على عينا و راسنا و كل حاجه بس شكلها من جوه فقير جدا و ما تديش احساس انها عربيه غاليه و فى ناس كتير تستحرم تدفع فيها السعر ده و هى عباره عن لوجان من الداخل

المشاركة الأصلية كتبت بواسطة ashouhdy

رحت امبارح اجرب الداستر واقعد فيها

بس لم استطع تقبلها من الداخل ... التاابلوة و الخامات على دون المستوى جدا جدا

العفشة حلوة بس من جوة ....

المشاركة الأصلية كتبت بواسطة land_cruiser

حضرتك مينفعش تقارن القاشقاى بالداستر علشان المقارنه مش متكافئه فىثلا فرق فى السعر ٣٠ الف جنيه بس مقابل اسم صانع و توكيل محترم و كماليات كتيره و جوده تقفيل ( عربيه ياباني تقفيل انجليزى) عايز ايه تانى اكتر من كده. الداستر على عينا و راسنا و كل حاجه بس شكلها من جوه فقير جدا و ما تديش احساس انها عربيه غاليه و فى ناس كتير تستحرم تدفع فيها السعر ده و هى عباره عن لوجان من الداخل

انا معاك جدا في ان المقارنة مش متكافئة وخصوصا ان في 30 الف جنيه فرق كير بس اسمحلولي اسئلكم سؤال صغير
الموضوع ده في قسم ايه؟؟؟
الاجابة: في قسم سيارات الدفع الرباعي
يعنى باختصار لو الموضوع ده في قسم المقارنات او حد بيتكلم بوجه عام عن العربيتين يبقى علطول القاشقاي تكسب لاننا بنتكلم عن الاشيك واللى فيها فتحة سقف بانوراما وتكييف مزدوج الخ... بغض النظر عن الدفع الرباعي والعفشة
لكن مع وجود الموضوع في قسم ال 4*4 اسمحولي وبكل حيادية لازم الداستر تكسب لانها عربية دفع رباعي وحتى لما حد يرد عليا ويقولي ان ال 1600 سي سي ماينفعوش دفع باعي يبقى نقول ايه على اللى مفيهاش دفع رباعي من اصله وبرضه 1600 سي سي ؟؟؟
وبالنسبة لموضوع الاوتوماتيك ماهي القاشقاي مانيوال برضه ولا مانيوال القاشقاي اتوماتيك بالنسبة للداستر ؟؟؟
اما التابلوه فهو مش تابلوه 128 يعني هو بس مش في شياكة العربيات اللى في نفس الفئة السعرية وارجع واقول لو احنا بنتكلم عن عربيات دفع رباعي يبقى اخر حاجة نفكر فيها التابلوه
وحكاية اسم نيسان وعراقة نيسان والكلام ده ... ما هو رينو اشتريت نيسان ؟؟ يعنى نيسان حلوة ورينو اى كلام ؟؟ ده غير انهم بيشتركوا في تصميم وانتاج اى عربية جديدة وفي تبادل للخبرات بينهم بدليل ان عفشة الداستر هي نفسها عفشة الاكس تريل يعنى مابعدناش عن نيسان لمحبين النيسان وعلى فكرة ده من الاسباب اللى تخلى اى حد يشتري الداستر وهو مطمن ان فيها عفشة عربية بقالها سنين في الشوراع ومحدش اشتكى منها مش حاجة لسة مانعرفش ظروفها ايه

كلام جميل و كلام معقول ماقدرش اقول حاجة عنة