ايه مميزات وعيوب المحرك الديزل

**MMamdouh** · 28-05-2008 03:47 PM

المشاركة الأصلية كتبت بواسطة MEDO80

لا حاجة كمان الديزل مش محتاج صيانة زي البنزين و اعطالة اقل بكتير و خدمة شاقة عن البنزين بمراحل
دا غير ان فية ميزه عجيبة
العربية الديزل كل ما تسخن معاك في المشي بتسحب زيادة و الاداء بتاع المحرك بيعلي ( لية مش عارف) عكس البنزين الي لو العربية سخونيتها زادت تلاقيها ما بتسحبش

دة طبيعى لسبب بسيط

مواتير الديزل بتعتمد على تسخين الهواء بشدة عن طريق الضغط العالى ثم بخ زيت الديزل الى الهواء الساخن و دة بحد ذاتة يؤدى الى اشتعال الديزل داخل غرفة الاحتراق

المواتير الديزل نسبة الانضغاط فيها بتاع 1 الى 25 او اكتر و درجة الحرارة بتاعت الهواء قرب النقطة الميتة العليا بتوصل حوالى 450 درجة و بالتالى موتور الديزل يحب الهواء السخن و الضغط... يعنى احلى مواتير تشتغل فى الحر و مع التربو

العيب بتاع المواتير دى ان عشان تحقق الضغط دة لازم المكونات تبقى اوى بكتير من محركات البنزين و دة بؤدى لان الموتور الديزل يبقى اتقل بكتير من البنزين و كمان بسبب الحرارة العالية حتلاقى الرادياتير كبير و سعة دورة التبريد (عدد لترات الميه) اكبر بكتير من المواتير البنزين... ممكن تكون الضعف او اكتر

المعلومة المهمة هى ان فيه ناس حطت زيت قلية بدل زيت الديزل و المواتير اشتغلت عادى جدا... راجعوا الفيدوهات اللى على youtube

MMamdouh

**marsguy** · 01-06-2008 04:02 PM

المشاركة الأصلية كتبت بواسطة ahmed1981

الديزل مستورد بنسبة تزيد عن ال 90 % أما البنزين فهو منتج مصري وقد نستورد منه القليل فقط

حضرتك متأكد من الكلام ده؟

**Ibtal** · 02-06-2008 09:00 AM

.
For Diesel engine you need also a strong and in a good condition battery to start the engine

**ahmed1981** · 02-06-2008 12:35 PM

المشاركة الأصلية كتبت بواسطة marsguy

حضرتك متأكد من الكلام ده؟

لو فيه معلومات أخرى ياريت حضرتك تفيدنا بيه
وشكراً

**saber_edrees** · 21-06-2008 06:39 PM

الديزل غير ملوث للبيئة زي البنزين وده من اهم الاسباب اللي مخليه الاوربيون يتجهوا للمحركات الديزل

صابر

**Sameh** · 22-06-2008 06:51 PM

موضوع ممتاز
أنا سوقت باجيرو ديزل 2800 سى سى وبنزين 3800 سى سى الإتنين زيرو ، كل المشكلة كانت فى فرق الصوت العالى بتاع الديزل فقط ، أما السحب كان ممتاز وممكن أدعى إنى ماحستش بفرق ، بس فيه نقطة إن الأولى كانت مانيوال والتانية كانت أوتوماتيك

أعتقد موتور الديزل النضيف لما يكون عليه تربو فابريقه من شركة نضيفة هيكون أفضل بكتير من البنزين لأسباب إقتصادية وإعتمادية بغض النظر عن الضوضاء (البسيطة)

ويمكن مشكلة السحب اللى بنشوفها فى العربيات الربع نقل والميكروباص نابعة من نسب التخفيض اللى بتكون مظبوطة لصالح العزم مش السرعة عشان الحمولة ، إنما موتور الديزل بعزمه العالى على لفات منخفضة لما يتحط على جيربوكس رياضى يستفيد من إمكانياته دى ، أعتقد هيخرج أداء وتسارع هايل ، زى سيارة أودى الأخيرة

**monsif** · 27-07-2008 09:20 PM

موضوع ممتع اوى بس يا ريت حد يقولى انواع العربيات الصغيره الديزل الملاكى

**Zordon** · 27-07-2008 09:28 PM

انا بضم صوتى لصوتك و يا ريت حد يقول لنا عن العربيات الديزل اللى بتنزل مصر لانى شفت تقريبا معظم انواع العربيات على النت بتنزل بمحرك ديزل فى اوروبا

**M!NA** · 29-07-2008 12:02 PM

أنا اتصلت بتوكيل فولكس Dogus Auto اللي على أول مصر اسكندرية الصحراوي ناحية داندي
قالولي ان الكادي لايف ممكن تتزل ديزل بموتور 2000 سي سي بس لازم يكون مطلوب منها عدد
غير كدا مبتنزلش ديزل غير الفان منها و بتترخص نقل

فممكن لو عدد مننا عايزها ديزل و ملاكي (اللايف) نطلب من التوكيل و نشوف التكلفة هتكون كام

وده برضو ممكن يفتح لنا الباب أن أي توكيل لو جاتله طلبية كبيرة من عربيات بمواصفات معينة ممكن يوفرها

-

الموضوع: ايه مميزات وعيوب المحرك الديزل

LinkBack

أدوات الموضوع

عرض

-

-

-

-

المواضيع المتشابهه

مميزات وعيوب i 30

مميزات وعيوب

مميزات وعيوب

مميزات وعيوب

الفروق بين المحرك الديزل و الحمرك البنزين

الكلمات الدلالية لهذا الموضوع

المفضلات

المفضلات

ضوابط المشاركة