الموضوع: تجربتى للالنترا بعد الصنى

شكرًا يا باشا على نقل التجربه مع الأخذ فى الاعتبار انها كانت مؤجره وده ممكن يكون السبب فى مشكله الفرامل مثلا او فى بعض المشاكل نتيجه الاستخدام الشاق و عدم الالتزام بمواعيد الصيانه الدوريه. هو الموديل اللى حضرتك بتقول عليه أنا كانت عندى واحده منه من كام سنه و هى عربيه جيده من خلال التجربه و بتجرى طبعا حلو و كمان واسعه و التابلوه بتاعها كويس و بعدين كانت بتنزل تقفيل كورى و تقفيل محترم جداً على فكره و استهلاكها للبنزين معقول و شنطتها كويسه و كمان الكنبه اللى ورا مش ضيقه. هو العيوب اللى كانت فيها ان باور الدركسيون كهربا و فى معظم موديلاتها ما كنش بيتقل مع السرعات العاليه و دى كانت مره هتعملى مشكله كبيره لانى كنت باجرى و جيت أخد ملف حاد شويه العربيه راحت معومه جامد و لميتها بصعوبه جداً و ربنا ستر و تانى حاجه انها بتحك فى كل المطبات فى علبه الشكمان او ممكن فى بطن العربيه حسب المطب و سرعتك و اخر حاجه ان أبعادها صعبه فى الركنه و الحاجات دى الحمد لله مش موجوده فى الصنى بس هى عربيه حلوة و أنا وباقدرها جداً لحد دلوقتى

المشاركة الأصلية كتبت بواسطة bakkarahmed

انا من ملاك الالنترا وسوقت النيسان قبل ما اشتري الالنترا(بتاعت واحد صاحبي) وانا باحترم النيسان لانها بتستحمل البهدله وعربيه معمره جدا بس مش هاتكلم عن العيوب بدل ما يحصلي حاجه في قسم النيسان.. بس كل اللي هاقدر اقوله ان كل واحد بيختار العربيه اللي بتتناسب مع شخصيته وطبيعه استخدامه انا باي حال من الاحوال ماقدرش استحمل شكل النيسان من بره وجوه ولا صوت ماتورها العالي مقارنه بالالنترا وحاسس انها قديمه علي العصر اللي عايشين فيه ( دي حاجات بالنسبه لي مهمه جدا) انما لا تنتقص من جوده واعتماديه العربيه اللي الكل بيشكر فيها ..
نيجي بقي للالنترا بالنسبه للباور الكهربا ده يعتبر متعه من متع القياده فعلا فيه سلاسه ونعومه ومتعه في السواقه ومسأله التعود عليه مش صعبه ومش بتاخد وقت ولكن بمجرد التعود عليه مش هاتعرف تسوق باور بعده وكل العربيات التكنولجي الحديث باور كهربا يعني التيدا باور كهربا وغيرها زي الشارك والنترا الجديده والاكسنت والباور في الالنترا بيتقل مع السرعه ومش مرعب زي ما الناس بتقول اما حكايه ابعاد العربيه انا شايف انها مشكله سواق واللي مش بيعرف يقدر ابعادها يروح يركب هاتش باك..
الصاون بتاعها مريح جدا وخاماته محترمه والتقفيل كوري 100% وهو افضل من اي تقفيل مصري بكل المقاييس
موضوع الاستابيليتي ماحستش بيه لاني مش باشد الا في طريق مفتوح وعارفه كويس ةلسه جايب بيها من اسبوع 220 وال ار بي ام كان علي 5 ونص تقريبا وكانت الامور كويسه انما في المجمل الجري والكلام ده مش ينفع في طرقنا واي عربيه مهما ان كانت انا باعتبرها شويه مسامير متربطه مع بعض ومتشاله علي كاوتش ..طيب طالما الغالب علي السواقه جوه البلد وفي الجري الطرق المفتوحه النضيفه يبقي انا الالنترا بتوفي الغرض تماما..وشكرا

تمام واله يا باشا انا بصراحة اتظبطن آخر تظبييييييط في السبع ....

وعملت حاجات كتير بس هاكنبها في تقرير لوحديها وكمان مستني ... باحسب استهلاك البنزين .... وغيرت زيت ليكوي مولي 4100 وكل ده ان شاء الله في تقرير مفصل تفصيلا دقيقا .... بس ممكن يكون بكرة ان شاء الله