حمد الله علي السلامة الاول,
78 سم, كويس كدة:ma:
عرض للطباعة
السلام عليكم ورحمة الله وبركاتهفين شباب الجيم انتوا شجعتونا وخلعتوا ولا ايه؟؟على العموم لمن يهمه الامر الحمد لله ربنا وفقنى واشتركت فى جيم قريب من البيتبس ليا استفسار الكابتن اللى ماسك الصاله وسنه (74 سنة) بيقول حاجة غربية الواحد المفروض يقعد 3 شهور يلعب على الاجهزة بس وميقربش من الحديد علشان يسخن العضلاتمع انى قلتله انى كنت بلعب سباحة وسلة وانا صغير ولسه سنى 30 سنة يعنى مش عجوز اوىفياريت حد يكتب برنامج تدريب امشى عليه وعدد التمارين ولكم جزيل الشكر
طيب حد من اكتوبر ومشترك فى نادى 6 اكتوبر ؟؟؟ يشجعنى اروح التراك اخس اخس اخس :)
والله يا فندم هو مكنش فيه تشجيع لتكمله الموضوع مش اكتر
سيبك من كلام الكابتن انتا اول 4 تيام العب على الاجهزه و بعد كده ابتدى اتمرن عادى واحده واحده وانا معاك اول باول
و بالنسبه بالبرنامج انا هعملو و اكتبهولك
طيب متقلى وزنك كام و طولك و نحسب نسبه دهونك كده و نخس سوا
أنا 74 كيلو
ونفسي اطلع فوق التمانين..
كنت ظبطت نفسي من فترة والنتيجة كانت وصلت لكده خلال شهر 30 يوم .. كل يوم جيم
http://im15.gulfup.com/2012-01-09/132606710531.jpg
بس بطلت تاني .. ووزني نزل من 78-79 لحـــــــــــــــــــــــ د 74 تاني
انا احب احيي صاحب الموضوع وكل المشاركين فيه
انا بقى مشكلتي ازليه
الكرش الكرش الكرش
انا طولي حوالي 173 وورني حوالي 75 او اعلى بكام كيلو بسيط
جسمي كله رفييع الا الكرش مصيبه عامل زي بطل الحوامل من الاخر هموت واقلبه مش قادر
ومش عارف اروح جيم خالص اليومين دول معييش عربيه وانا في الهرم مفيش جيم نضيف فيه مشايات الافي الجيزه بعيد اني اروحله مواصلات
هتجنن من كرشي ده لانه بقى محرج جدا ومش عارف اعمل ايه خالص
نزلت من 4 سنين جيم شهرين كنت مبسوط اوي خسيت وكرشي خس وظهري فرد دلوقتي الدنيا خربت اكتر من الاول
وبدخن عمر ما السجاير فرقت معايا بدخن وانا رايح الجيم واروح اتفحت هناك وانزل اشرب سجاير علطول وصدري طبعا بيتبهدل ب بلعب عادي
الكرش تحديدا ممكن تنزله ف البيت
يعني لو عاوز لياقة .. وبطنك تخس
عليك وعلى السويدي .. تمارين بطن متنوعة وضغط عالي وواطي .. وياسلام لو تعرف تعمل عقلة
ده هينزل كرشك أكيـــــــــــــــــــد
الجيم غالبا بيروحه الناس الي عاوزه تعمل عضلات .. أو إلي عاوزين يخسوا ومش لاقيين حد يشجعهم
احمد فارمااااا حبيبى :) استنى اوريك صورة مفاجأة ليا بعد الخسسان :) هههههه
شوية تشجعيع للناس الى مش عاجبها الكرش الصغير الى عندها وفاقدة الامل
http://imageshack.us/photo/my-images...326214775.jpg/
ImageShack® - Online Photo and Video Hosting
الصورة دى رحلة الكفاح :)
وانا لابس اسود (تخين يعنى ) اتصورتها مع احلى جروب عرفتهم من المنتدى هنا مش هاقول اسماء لانكم عارفينهم طبعا هما جروب
نيسان بقيادة احمد مصطفى
والتانية دى اتصورتها انا والقاهرة كلها هههههه
الفرق واضح بين الصورتين والوزن الى نزل كتييير درجة انى كسلت اخس تانى اة والله كنت فين وبقيت فييييييييين
الوزن فى الصورة الجديدة 107 تقريبا او 106
الوزن فى الصورة القديمة
-
-
-
-
-
-
138 اة 138 الرقم صح
يعنى خسيت بتاع 30 كيلو عايز اخس بتاع 15 تانى :)
حد بقى يشجعنى انا واقف دلوقتى على وزن 105 ولا حاجة
محمد
نزل الصور هنا .. مش عاوزين يظهروا عندي .. ولو ع التحميل .. رصيدي ف الفلاشة مش هيكفي تحميل
مش علرف احطها ازاى بس انت دوس على اللينك الصورة هاتتفتح بدون تحميل
ImageShack® - Online Photo and Video Hosting
http://imageshack.us/photo/my-images...326214775.jpg/
http://img861.imageshack.us/img861/5...9326214775.jpg
كويس والله يابوحميد...
جيم ده ولا ريجيم؟؟؟
محمد
حاول تجرب الحلقة العسكرية... هتبقا عليك جاااااااااااااااااااااااا اامدة جدااااااااااااااااااااااا اااااااااا
يعني هات الاجناب زيروو .. وفوق نمرة 1 .. ودرجها
هتبقا هايلة عليك على فكرة
وإوعى تطول شعرك تاني
لا رجيم وبس :) وهاموت واروح جيم بس مكسل :)
لا كلة الا شعرى انا باطولة تانى :)
[QUOTE=minicooper20;3874034997]والله يا فندم هو مكنش فيه تشجيع لتكمله الموضوع مش اكتر
سيبك من كلام الكابتن انتا اول 4 تيام العب على الاجهزه و بعد كده ابتدى اتمرن عادى واحده واحده وانا معاك اول باول
و بالنسبه بالبرنامج انا هعملو و اكتبهولك
السلام عليكم ورحمة الله وبركاته ..
شكرا جزيلا على رد سيادتك..
على العموم انا بقالى دلوقتى 2 تمرينا وان شاء الله انهاردة التمارينة رقم 3 وربنا يوفق ان شاء الله..
والحمد لله انا شايف ان بقى فيه تشجيع جامد من باقى الزملاء اهوه..
وهمتك معانا ان شاء الله فى البرنامج..
وجزاك الله خيرا اخى الكريم..
السلام عليكم ورحمة الله وبركاته ..
اخى الكريم انا لسه مستنى البرنامج التدريبى باذن الله ..
وشكرا لسيادتك مقدما
اسف على التاخير
سهل على فكره انك تخس لان اغلب وزن جسمك ماء
و تعرف تظبط اكلك و تجرى 4 ايام فى الاسبوع بنظام الفواصل و تنزل الجيم و الله هتخس بس يكون فيه اراده و لو عايز تدخل معاك حارق للدهون هيفيدك اوى انا كنت عمل حلقتين عن تنزيل الكرش و كنت كاتب فيهم حوارق الدهون بانوعها و اسعرها اقراها و انا معاك اهو و نتابع يوم بيوم سوا
عااااااااااااااش يا دوك دراعك حلو بس واضح ان البنج عندك قليل عايز تدوس شويه
وتظبط نفسك بقا فيتمانات و مكملات و نبطل سجاير و تراى بى و بيتولفكس دنتى عندك صيديله
هههههههههههههههههههه
و زود اكلك من النشويات و انتا هتزيد و انا معاك اهو
تانى حاجه مينففعش تتمرن كل يوم لازم تدى العضله فرصه للاستشفاء العضله بتكبر فى الراحه مش فى التمرين
و انا معاك يا دوك
اقولك نصحتى قدام رفيع و عندك كرش لازم لازم حارق دهون
صعب شغل البيت لياقه اكتر منو تخسيس او تضخيم
و انا كمان عايز اشوف
طيب يا عم منتا جاسمك قابل اهو متيلا بقا انزل الجيم و خلينا نضخم و نقسم
[QUOTE=elhelwany188;3874036759] من عنيا و عااااااااااااااش يا كوتش شد كده و خليك مستمر
البرنامج كالتالى
هتتمرن 4 يوم جنرال و تريح يومين
بعد كده تبدا .
الاحد بنج
الاتنين ضهر
الثلاثاء راحه
الاربعاء رجل
الخميس كتف
الجمعه دراع
السبت راحه و تكرر
السلام عليكم أولاً و الموضوع رائع خلاني أفكر أروح الجيم تاني
أنا آخر مرة روحت جيم من 15 سنة
أنا تخين وزني 120 كيلو و الطول 180 سم تقريباً
بس للأسف أنا مش عايز أخس ممكن عشان أنا خفيف شويه و ماكنتش باحس أن أنا تخين و خصوصاً لما أشوف العيال المسلوعة أبقا مش عايز أخس
بس مؤخراً بدأت أحس بوجع في ركبي و ساعات وجع في رجلي أنا كنت بامشي مسافات كبيرة جداً وماكنتش باتعب و لا أنهج حتى دلوقتي بقيت أنهج و المشكلة اللي مزعلاني دلوقتي أن أنا باقيت باسقع في الشتا و أنا طول عمري كنت بالبس نص كوم في الشتا و الله
أنا قررت مؤخراً إن أنا أروح جيم تاني أنا كنت بلعب حديد و بعدين الكابتن قالي ماتعلبش حديد و اشتغل على أجهزة السحب بأوزان خفيفة بس ده اللي خلاني أبطل أروح الجيم
السؤال ؟؟ ينفع أروح الجيم أجري شوية وبعد كده العب حديد عادي
و في حاجة مخوفاني بسبب وزني ياترى لعب الحديد مع الوزن هيأثر على الظهر أو على الركب أو على الرجل عشان الواحد زمان مش زي دلوقتي
و لوفي برنامج تدريجي أكون شاكر جداً
وشكراً
السلام عليكم ورحمة الله وبركاته ..
تسلم ايدك ياكابتن ..
بس لو فيها غلاسة شوية ممكن كل عضلة بالنسبة للمبتدئين اللى زى حالاتى ايه التمرينات بتاعتها ...
علشان زى ماقلت لسيادتك الصالة تعتبر من غير كابتن وبروح التمرين ايام السبت والاثنين والاربعاء ...
ومعلش يااخى الكريم انى بتقل عليك ..
وشكرا جزيلا ..
السلام عليكم ورحمة الله وبركاته أولا:
انا لسة مبتدأ في حكاية الجيم ولعب كمال الأجسام
وقررت اشتري جهاز المالتي جيم والدنابل والبارات
بسبب ان انا عايش في منطقة مفيش قريب مني اي جيم
فكنت عايز اعرف اماكن الشراء الحاجات دي والأسعار
وياريت بالتفصيل واكون شاكر لحضرتك :satelite:
بس ياباشا
انتا هتبدا تشترك فى الجيم بهدف ان وزنك ينزل مش بهدف تكوين جسم فاهمنى
هتبدا تجرى و تلعب بوزان خفيفه على الاجهزه مع تظبيط الاكل دى اهم نقطه و الاستمرار و انا معاك يا كبير
بص يا باشا انا هبعتلك لنك تمارين على الخاص بالصور
وكمان خش على اليو تيوب و اكتب بناء بطل كمال الاجسام احمد حموده و انتا تشوف تمارين فى فيديو
بص فى التوحيد و النور و فى كذا محل فى المهندسين و كام محل فى سيتى بيبيعو الحجات دى
بس يا ريت تدعبس كده على جيم لان التكلفه هتكون كبيره عليك
و عاش يا كبير
بص يا باشا ... معاك اخوك في الانسانية احمد .. انا عندي عشرين سنة و وزني 90 و طولي 180 يعني عايز اخس 10 كيلو و انا انشاء الله هنزل الجيم كمان اسبوع ...عايز امشي علي نظام يقسملي جسمي او يدفنشه مع دهون قليلة ..يا ريت تقولي النظام ايه و عايز اجيب واي بس بصراحة الميزانية صعبة شوية:36_1_31: في ياريت تقولي علي اي حد بيبيع الواي مثلا نص كيلو او كده ... و سؤال اخير نفسي اتعلم ايكيدو سيلف ديفينس ..بس المشكلة انهم في المعادي و المهندسين و للعلم انا من مصر الجديدة و تحديدا مساكن شيراتون:Copy of majd(4): .. ففيا يا ريت حد يقولي مكان بيعلمو فيه الايكيدو في مصر الجديدة ....
هو ايه امتنان ده ... و مكانو فين ده؟
موضوع جاااامد يارجاله بس لما دخلت حسيت اني مليش مكان مش مكاني xD
انا يا رجاله كنت 130 واكتر من كذا سنه
نزلت ال 30 وجسمي وقف علي كده وكان رجيم بس
عمري في حياتي مالعبت جيم وجسمي بحس انه مفيهوش عضلات نهائي
وطبعا بعد الحادثه والشرايح والمسامير عايز انزل وزني اكتر كرهت نفسي يارجاله
وداخل علي خطوبه وجواز مش عارف اعمل ايه
انصحوني
سؤال معلش
لو رحت الجيم وشيلت حديد هنزل وزن ؟ ولا هربي عضلات
ولو ربيت عضلات هتبقا من حجم الوزن يعني اللحم هيقلب عضل ولا ايه
ياريت يكون حد فاهمني لاني عايز اخس واربي عضلات لان جسمي مفيهوش عضل خالص
وخايف اروح وانزل واربي عضلات من اللحم ولما ابطل الاقي نفسي رجعت 150 تاني او رهرطت جامد
افيدوننييييي يارجااااااله بعد اذنكم
انا حاليا بزيد يعني بقيت 108 كيلو مثلا وطول 175 سنتي ش
وياتري في غلط علياه لو شلت حديد
انا عندي شريحه و8 مسامير في دراعي
ومسمار في عضمه الحوض الي ماسكه الرجل في خطر ولا ايه
امتنان ده بيتاع العسل و مكانو فى ميدان سفير قدام العئلات بيتاع العصير كده او فى مدبنه نصر جنب التوحيد و النور دول اقرب حاجه ليك
ممكن ياباشا تحسبلى نسبه دهونك بعد ازنك و اعتقد بلاش حديد لان فيه شرايح و مسامير و ممكن يحصل مضعفات اوحاجه بس ممكن اسال و ارد عليك فى حوار الشرايح و المسامير لان انا منصحكش بصراحه
لاكن كا تخسيس فاناتا قدام نزلت 30 كيلو يبقا جسمك قابل للنزول
و انا تحت امرك هتلى النسبه بس
تصدقوا انا ابتديت اقرا الموضوع متواصل ومقفلتوش
اىه الحلاوه دى يا رجالة نايل موتورز
انا عايز نصيحه مباشره
انا بحارب عشان اخس
اتابع انزل بتاع 8 : 10 كيلو وبعد كده منزلش جرام اقف ازيدهم هوا
وزنى العادى 105 وطولى 163 "فيل يعنى"
ومشكلتى فى جسمى كله
وبترتيب الاماكن المدمره
1 - اسفل البطن
2- الكرش "مش كبير وظاهر" بس متناسب مع الجسم المليان" - هوا الحاجه اللى بتنزل معايا بسهوله .
المطلوب منكم
1 - ايه احسن حارق دهون اجيبه من هنا "منين" او بره "السعوديه" .
2 - انا نازل الجيم من نص فبراير مع مراعاة الاكل "ايه المطلوب منى فى الجيم بالترتيب"
3 - بلعب "تنس طاوله" حوالى 4 ساعات فى الاسبوع على مرتين + 1/2 ساعه عجله ثابته كل يوم "ايه مطلوب تانى"
والف شكر على الرد .
لا كدا انا متابع معاكم
السلام عليكم ورحمة الله وبركاته
اقص عليكم رحلتى :)
انا كنت 98 كيلو جرام و الطول 173 او 175 بين الرقمين دول يعنى
نزلت فى خلال سنة الا كام شهر تقريبا وبقيت بفضل الله 71 كيلو جرام
كنت باكل قليل من اى اكل فى البيت وكنت بمشى شوية كل يوم وانا راجع من الكلية بمشى نصف الطريق
وطبعا دخلت فترة الامتحانات فى خلال شهر وكام يوم اصبحت 75 كيلو جرام وشوية فكة جرامات
وحالييا بحاول ارجع تانى ربنا المعين ان شاء الله
مشكلتى تتلخص فى انى عايز العب رياضة بس فى الدراسة مبيبقاش فى وقت نهائى
وبصراحة الوقت اللى بفضى فيه ودة نادرا بفضل انى انام شوية
وعشان كدة مش هينفع انزل جيم لانى مش هواظب
بس نفسى امارس رياضة بس الوقت مشكله كبيرة
الحل اية بقى يا استاذ مينى كوبر ( ياريت اسم حضرتك ) :))
الليبو سكس بلاك
طبعا دة منتج غنى عن التعريف ويقوم بحرق الدهون العنيدة الموجودة فى الجسم
الجرعات:- يوخز منة 3 حبات فى الصباح و3حبات اخرى بعدها بحوالى 5 ساعات
وهذا المنتج مخصص لما هم فوق ال21 سنة واثناء تناول هذا المنتج لا يجب
تناول اى نوع من المنبهات لانة يحتوى على نسبة عالية من الكافيين
لعدم التسبب فى الارق وقلة النوم
وهو يركز على حرق الدهون فى الجسم عامة وليس ممنطقة معينة
الهيدروكسى كت
هذا الحارق يتكون بشكل اساسى من الكافيين والشاى الاخضر ونبتة اليهومبى
واذا اجتمعت تلك المواد فلا زرة فات تقف امامهم
وهذا المنتج يركز على الدهون الموجودة فى الارداف والجزء السفلى من الجسم
الجرعات:- يوخز منة 3 حبات فى الصباح و3 اخرى بعد الجرعة الصباحية بحوالى 5 ساعات
الاوكسى ايليت برو
هذا المنتج ايضا غنى عن التعريف ويتميز بانة يقوم برفع دقات القلب
بشكل غريب فعلا وقد تصل نبضات قلب من يستعملة اثناء الكارديو الى 190 نبضة فى الدقيقة وهذا الذى لا يستطيع فعلة الحوارق الاخرى
الجرعات:- يوخذ منة 2 حبة ثلاث مرات يوميا
الانيمال كتس
يتميز هذا المنتج بانة يعمل فى صمت تام اى ان مفعولة ليس اثناء التمرين فقط ولكن يظل مفعولة فى الجسم لفترات طويلة منها فترات النوم
ويمتاز ايضا بانة يمكن الاستغناء عن الكافيين الموجود بة للذين لا يرغبون بتناول الكافيين ويتم ذلك بفصل الحبة الحمراء عن الباكت
الجرعات:- يوخز باكت كامل {بحبة الكافيين} فى الصباح وباكت اخر بعد الجرعة الاولى بحوالى 5 ساعات
طيب اسعارهم ايه
هما من 250 الى 300 جنيه
و بيتاجبو من سيتى ستارز و فى تجار كده بيجبو الحجات دى و بيبعوها
انا هساعدك انوى انتا بس
دى حوارق الدهون اللى مذكوره فى موضوع الكرش السؤال هنا
ايه الاحسن للأستخدام "وهل ممكن نوعين مع بعض ولا كده انتحار"
من هنا نفس جودة الحاجه اللى جايه من الخليج ولا بره احسن "او ارخص" .