أتعلمت القيادة فين وازاي ؟!

**HRH_Sameh** · 25-05-2008 12:42 PM

انا اتعلمت السواقة بعد العربية !!
وكانت زيرو !!
شاهين موديل 2004 واللي علمني واحد قريبنا عندهم في البلد (أرياف) وبالليل !!!
اول مرة كنت اسوق عربية
الحمد لله الامور مشيت تمام وتاني يوم الصبح مشيت بيها ع الطريق السريع

**Xpert** · 25-05-2008 09:20 PM

المشاركة الأصلية كتبت بواسطة Ahmad Allawy

انا و الحمد لله باعرف نظريا الخطوات من وانا في اعدادي.. يعني بتاع 10 او 11 سنة..
من سنة اولي ثانوي بقي لما والدي رجع م السفر..
اتعلمت ووالدي علمني علي عربيتنا سيات 133..
الاول اتعلمت في الشارع تحت البيت..
وهي راكنة كنت باطلع قدام وورا لحد ما اتعودت علي الدواسات و حساسية العربية..
وبعدين بقيت باركنها انا..
و انقلها ف الشاره بالليل من مكان لمكان..

وبعدين قعدت فترة ف المقطم.. كنت بانزل كل يوم بالعربية و الف بيها حوالين البيت عشان الطريق كان فاضي..لوحدي خالص.,.
وبعدين غيرنا العربية و جيبنا ال125 ودي كانت بقي مغامراتي كلها بيها..
برضه كنت بالف بيها نفس النظام..و نزلت بيها مشوار كده في حالة وفاة و كان ابويا معايا.. بس انا اللي سايق.. بس كنت لسة مهوزو.. وبعدين بقي خلاص,, طلعت الرخصة و قضيتها..
فضلت معايا 6 سنين باتعلم فيها و الحمد لله ماهنتش العربية دي غير في شوية خرابيش و حاجات بسيطة

نفس النظام كده ..يقت و انا عندي 8 سنين .. في سويسرا في الجراج بتاعنا كنت باحرك العربيات قدام و ورا .. و علمت نفسي بنفسي ..

سقت معظم اللي ماشي علي عجلات .. جرار زراعي .. عربيات .. ربع نقل ... كده يعني .. باقي بقي النص نقل و النقل ...

**Ahmad Allawy** · 25-05-2008 10:08 PM

المشاركة الأصلية كتبت بواسطة Xpert

نفس النظام كده ..يقت و انا عندي 8 سنين .. في سويسرا في الجراج بتاعنا كنت باحرك العربيات قدام و ورا .. و علمت نفسي بنفسي ..

سقت معظم اللي ماشي علي عجلات .. جرار زراعي .. عربيات .. ربع نقل ... كده يعني .. باقي بقي النص نقل و النقل ...

عدي عليا الحمد لله النص نقل و الميكروباص كمان..
فاضل النقل التقيل..
و اللي نفسي فيه و هاموت عليه بقي.. الاوتوبيس.. نفسي..
بس اجيبه منين ده..؟؟ :) :)

**furp** · 25-05-2008 10:58 PM

اخوكم بقي ياجماعه

راح اتعلم في مدرسة المرور وطلعت الرخصه

وبعدين مكتفتش بكده
ورحت اتعلمت علي ايد مدرب في مدرسة المرور بس واحد تاني كان شاطر

ودلوقتي بسوق العربيه بس برضك حاسس اني موسوس شويه

مش عارف اجيب حد يعلمني علي عربيتي ولا اعمل ايه

**Ahmad Allawy** · 25-05-2008 11:00 PM

المشاركة الأصلية كتبت بواسطة furp

اخوكم بقي ياجماعه

راح اتعلم في مدرسة المرور وطلعت الرخصه

وبعدين مكتفتش بكده
ورحت اتعلمت علي ايد مدرب في مدرسة المرور بس واحد تاني كان شاطر

ودلوقتي بسوق العربيه بس برضك حاسس اني موسوس شويه

مش عارف اجيب حد يعلمني علي عربيتي ولا اعمل ايه

لا طبعا الوسوسة دي شيئ طبيعي في الاول..
مع الوقت هتكتسب الثقة..
اهم حاجة تثق في نفسك.. و متخافش من حد.. و خلي بالك من المرايات و الاشارات كويس جدا..
ولو غلطان او كسرت علي حد او كده خلي عندك ثقة.. و طلع ايدك و شاور واعتذر..
مش عيب.. بس هييخلي اللي انت غلطت معاه ده او كسرت عليه يسكت و ميتكلمش..
وولا يهمك من حد يزعق ولا حاجة..
لو كده مكانش حد اتعلم..
ياما الواحد اتشتم و اتهزق.. والوالد لطشه كمان.. :) عادي يعني..
توكل علي الله و دوس..

**tamim** · 26-05-2008 11:20 PM

اتعلمت على الجرار الزراعى
بس محدش علمنى وبسبب كده كنت هقع بيه من على مزلقان سكة حديد بالماتورة وربنا سترها
واليوم ده من اصعب ايام حياتى

**Nistelrooy** · 26-05-2008 11:53 PM

tamim

الحمدالله ربنا ستر

**Xpert** · 27-05-2008 04:52 PM

المشاركة الأصلية كتبت بواسطة tamim

اتعلمت على الجرار الزراعى
بس محدش علمنى وبسبب كده كنت هقع بيه من على مزلقان سكة حديد بالماتورة وربنا سترها
واليوم ده من اصعب ايام حياتى

نيييييييييييهعهعهعهع ... ماتفكرنيش

مره كنت سايق الجرار بتاعنا .. وانا سرحان ... و ما ادراك بقي من الجرارات اللي مافهاش عفشه دي ... (جرار روسي 70 معانا من الزيرو موديل 1990 ) ... كنت هارشق بيه في عمود بس طبعاُ ربنا ستر :D :embarrassed2:

**MMamdouh** · 27-05-2008 05:00 PM

اول طلعة كانت و انا عندى 9 سنين على عربية 125 و اول مرتين العربية نطت منى و ابويا زعقلى... المهم هو نزل و ركب جنبى سواق عربية نقل من بتوع الشغل عند والدى و قاللى براحة اعمل ايه فى الدبرياج و البنزين و طلعت منغير ما تبطل لاول مرة فى حياتى

بعد كدة كنت بتحجج بتغيير مكان العربية و هى مركونة و الف بيها فة ولا اتنين حوالين البيت لحد ما طلعت رخصة... و لسة لحد النهاردة بتعلم كل يوم حاجة جديدة

MMamdouh

الموضوع: أتعلمت القيادة فين وازاي ؟!

LinkBack

أدوات الموضوع

عرض

-

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

أمتى بتقول: كانت قرصة جامدة بس أتعلمت منها ؟

عند تهدئة سرعة السيارة أثناء القيادة دون توقف....وسؤال للماهرين في القيادة

أتعلمت السواقة على أية ؟ أول عربية خاصة بيك ؟ كان عندك كام سنة ؟

الكلمات الدلالية لهذا الموضوع

المفضلات

المفضلات

ضوابط المشاركة