الموضوع: تجربتي مع اللوجان

المشاركة الأصلية كتبت بواسطة me_medoo

مميزات اللوجن :
1- عربية صاروخ بل طيارة بل بوووورش رقم 2
2- السيارة أحسن عربية في الدنيا بل في العالم
3- التوكيل ممتاز بشكل رائع .
هو ده الي عوزين تسمعوه مني حاضر ومن عنيا ...

لكن أحقاقاً للحق زي مافي عيوب في مميزات :
1- العربية حجمها حلو .
2- عالية عن الارض .
3- مريحة في ركوبتها وواسعه.
4- يعد ثمنها معقول جداً وفي متناول الجميع .
5- شنطتها واسعة جداً.
6- تكيفها أكثر من رائع بل ثلاجة .
7- وموفرة في البانزين جداً بل انها بتشم البانزين شم .
وأعتذر عن موضوع البانزين لأني كنت بقارنها بعربية محترمة زي الكورولا 1600 ولا اليارس 1300 اليارس كل أسبوع بملها وفولها ب50 جنيه علشان كده انصدمت لمن كل يومين تلاته بفول بسبعين او خمسه وستين في اللوجن ودي غلطتي ... اني نسيت ان كل شركة ليها مدرسة ... وكتر خير اللوجن وكتر خير الي صممها وكتر خير الي استوردها وكتر خير الي اشترها وكتر خيركم ياشباب لحد كده ممكن نقفل بأه على الموضوع اللوجن أحسن ناس اللوجن أحسن ناس

حضرتك كدة اللي مش عاوز تتناقش يا فندم

المشاركة الأصلية كتبت بواسطة zkralla

,
وحضرتك برضه متفق ان من العيوب الى خلت اخونا الفاضل يبيع العربية ان مع فتح الاقزار الهواء بينكش شعره

غير انو بيطير شعرك وينعكشوو كأنك كنت بتتخانق .

ده عيب جل مش عيب عربية

ههههههههه حلو موضوع عيب جل ده :)

المشاركة الأصلية كتبت بواسطة mohamed_selim

شباب انا عندى رأى ... هو ليه بتحاولو تحجرو على رأى الراجل (مش كلكو فى ناس اتناقشت معاه عن تجربتها) و طبعا فى حاجات كتير هو بيشتكى منها ليها علاقه بطريقة السواقه او انه كان متوقع حاجه بناء على خبره معينه و ملقاهاش ... مفيش عربيه مفيهاش عيوب و مميزات ... عيوب عربيه عند شخص هى مميزات عند اخر و زى ماتقال لولا اختلاف الاذواق لبارت السلع
اللوجان عربيه ممتازه بالنسبه لفئتها السعريه بس فى ناس شايفه الفيرنا احسن ... رأيهم و هم حرين و فى ناس تقولك الاوروبى حتى لو تقفيل مغربى افضل ... برضه رأى يحترم

تقبلو مرورى

هو يا باشا الموضوع مش موضوع نقاش حول العيوب لأن العضو الفاضل ذكر نقاط مينفعش تبقى عيوب أصلاً........على سبيل المثال و ليس الحصر النقاط رقم 2 و 3 و 5 و 7 و 9 و 12 و 14

و لو عاوز تعرف ليه أقولك...........بس أنا هسألك الأول سؤالين:

أنت لو معاك عربية و فتحت الشباك بتاعها و لقيت شعرك بيتنعكش هتبيعها أو هتعتبر ده حتى عيب عربية ؟

العربية اللى معاك ( و أنا معرفش نوعها بالمناسبة ) هل لما بتستخدم المساحات بتمسح الأزاز كله و لا جزء منه ؟
و هل لما بتوقف المساحات المياه ممكن تنزل تانى ولا لأ ؟

كله كوم و موضوع ال 4 سنين ده كوم تانى..........العضو الفاضل أعتبر أن رينو متبعة السياسة دى و برضه أعتبر أن رينو مش بتبيع عربيات غير فى فرنسا بس.........هو لو رينو متبعة السياسة دى هتعرف تبيع عربيات عمرها الأفتراضى 4 سنين قدام كل شركات العربيات فى العالم اللى مش ببتبع السياسة دى ؟

معلومة صغيرة: العمر الأفتراضى لأى عربية فى أوروبا و أمريكا على ما أذكر كان 5 أو 7 سنين.....و ده أحد أسبابه غلو الأيدى العاملة عندهم..........يعنى لو أنت مش بتعرف تشتغل بأيدك و معاك عربية عاوزة نص عمرة مثلاً هتلاقى نفسك دافع نص سعر العربية فى السوق ما بين قطع غيار و مصنعيات......إن مكنش أكتر......و بالتالى اللى بيبقى عنده مشكلة فى عربية قديمة بيقيمها على الأساس ده.......سعرها كام فى السوق و هتكلفه كام علشان يصلحها و لو أشترى عربية تانية مستعملة بس أحدث شوية هتكلفه كام............و بناء عليه بيبقى أوفر له شوية أنه يشترى عربية تانية و يكهن الأولى.