الموضوع: تجربتي مع اللوجان

لا حول ولا قوة الا بالله العلى العظيم ...
الموضوع قلب خناق .
بس هو فعلا الكلام مش منطقى خالص يعنى واحد معاه ياريس و بيقول ان ثبات اللوجان وحش و بيقول ان تكيف اللوجان ثلاجة !
واحد معاه كابرس و بيقول ان اللوجان سفاحة بنزين و ايضا تكيفها ثلاجة !
بجد والله ( لا تعليـــــــــق )
مع احترامى الكامل لحضرتك .
كلام حضرتك يدل على انك مركبتش اللوجان و لا تعرف شكلها حتى والله اعلم .
عامة اختلاف الرأى لا يفسد للود قضية و لو اتفقت الأذواق لبارت السلع و انا متفق مع حضرتك على حاجتين .
1- السقف فعلا بيتوسخ بسرعة و دة لأن لونه فاتح ( سكر فاتح ) شبيه بالأبيض فابالتالى مع عوادم السيارات و الأجواء المصرية لازم يتوشخ بسرعة .
2- فعلا اماكن ازرار الزجاج و الكلاكس مش مريحة و فعلا مكينة الزجاج اللى بتاعة باب السائق هى الوحيدة اللى بطيقة نسبيا و انا ناوى اقولهم عليها فى التوكيل فى صيانة ال 10 الاف كيلو .
انما استهلاك البنزين فالعربية اقتصادية جدا فى البنزين .
و معايا بقلها 11 شهر و الحمد لله مريحة جدا و ربنا يحفظهالى و يباركلى فيها .
انما من حيث التوكيل فأنا من محافظة الأسكندرية و بتعامل مع فرع العامرية و هناك ناس محترمين و متخصصين و متمكنين و ذوق جدا و استراحة مكيفة و فيها كافية و حاجة مزيكــــــــا من الأخر .
انما حتة ان رينو بتصنع عربيات علشان تقعد 4 سنوات فقط فدى حاجة جديدة شوية .
لما رينو بتصنع عربيات علشان تقعد 4 سنين فقط يبقى الصين بتصفع عربيات من الأساس ليه " مع احترامى للعربيات الصينى يعنى و لكل ملاكها "
بص يا باشا انا والدى اشترى عربية بولونيز و انا عندى 7 سنوات و كنت دائما بروح معاه للميكانيكى و انا بعشق العربيات جدا و بعشق كمان الحديث عنها تقدر تقول موهبة كدة و بعنها بعد 12 سنة و اشترينا هيونداى اكسنت و بعنا الأكسنت بعد 6 شهور و قررنا منركبش كورى تانى و خاصة ماركة هيوندا و الأغرب من ذلك بعد مبعنا الأكسنت اشترينا عربيا اسمها ( زوتى اكسبلوجن ) اللى منزلها المسلى و قعدت معانا 5 سنوات من غير منغيرلها بجيهات اساسا و لا حتى تيل فرامل و ركبت عربيات كتير زى الياريس و الألنترا و الأبترا و الريو و النوبارا و السينا ... الخ
و بصراحة اكتر عربية استريحت فيها اللوجان .
انت عارف عيبنا ايه اننا بنقارن اللوجان بعربيات من فئة اعلى من فئة 90-120 الف جنيه و دة بيظلم اللوجان بجد مع العلم ان المفروض ان سعر اللوجان الأصلى ميقلش عن 85000 جنيه هى رخيصة علشان اتفاقية اغادير مش اكتر و عامة هى سعرها فى السعودية من 36-48الف ريال .

المشاركة الأصلية كتبت بواسطة frhateg

48000 ريال = 77025 جنيه مصري ( التحويل ده بسعر اليوم ) و العربيات في السعوديه معلهاش جمارك و اعتقد ان السعر ده للفول اوبشنس . يعني سعرها في مصر ارخص . و علي فكره انا دخلت علي موقع بيأجر عربيات لشركات سعر تأجير اللوجان في الشهر 2250 جنيه و بيأجروا الصني ( نيسان ) ب 2300 جنيه والفيرنا 2000 جنيه و اللانوس 1800 جنيه و الانسر 2300 جنيه و اوبترا 2400 جنيه و افيو 2200 جنيه. و ده معناه ان اللوجان عربيه محترمه

اي كلام ... شكلك ما ركبتش عربيات اصلا !!

موضوع الثبات ... انا كان اخري بالعربية 180 كم/ساعة على الدائري لظروف الدائري لاني لسه ما جاتش فرصة اسافر بيها ... ربنا يبعت اي اجازة من عنده عاوز اكسر ال 200 واصورها :P

Logan 1.6.16v 210km/h stock - YouTube

الرب واحد والعمر واحد :D

أنا مش فاهمه
عملين تدفعو عن العربية ومستموتين قوي عليها ، وبابا جاب لوجن 2010 وانا فعلاً شفت العيوب دي فيها الي كتب عنها الراجل ده،وكذا مره نقولوا بعها بعها بعها دي عربية تعبانة ، وهو بيقلنا ربنا يسهل

ومش فاهمه كمان الناس بتشتريها علشان سعرها طيب مافي مليون ومليون عربية كويسة وغاليه وتمنها فيها مستعمله أستعمال خفيف ونضيف .

العربية الافيو دلوقتي مستعمله ب من ستين لسبعين الف
العربية السريون أتوماتيك وشكلها لزيز بحاجه وخمسين الف
الماتريكس كمان مستعملة تقدر تجبها بنفس السعر وعائليه ووسعة وكبيرة صحبتي جيباها بس بسم الله مشاء الله عليها تحفـــــــــــــــــة

اللنســــــر الي مفيش اتنين يختلفو عليها كمان بنفس السعر مستعملة
2007
والعربية اليباني حتى لو كانت قديمة وحلوة فهيا أحسن من عربية مغربي أصلها روماني ويقلك اتفاقية غدير ولا أغادير بلا غدير بلا سوسن دي عربية شكل ومنظر على الفاضي

ياسبحان الله طيب ما تقلي يا أبو العريف أخش فين ومخشش فين
تاني حاجة انا بكتب بسرعة وعلشان نسيت حرف الالف خلاص بقيت ولد يعني ونخش بأه في كلام مهلوش لازمة وانتي ولد لا انا بنت طب سمعينا صوتك طب أثبتي وكلام فاضي ملهوش لزمة

بس بصراحة بحييك أنتا كنت شغال مدقق أملائي ولا موجه لغة عربية قبل كده .

تالت حاجة الموضوع التاني بيتلكم عن أزاي أي أنسان يعرف العربية الكويسة من العربية الي مش كويسة والعربيات مش مخلوقة للرجالة بس ... انا مش عارفه أنتا عايش فين بس أحنا في مصر هنا عندنا عربيات وبنسوق عربيات وبنشتري عربيات ولازم نعرف العربية الكويسة من الي مش كويسة ... والستات من قديم الازل وهما أحسن ناس بينقو ، مش بس بينقو فساتين وينقو خضرة وفكهة وبسطرمة وسمك ، ولو مكنتش عارف في ستات بتسوق تكوسة كمان ولمكنتش عارف في ستات بيشتغلو في تجارة العربيات للبيع لحساب الغير ولو مكنتش تعرف كمان في ستات بتوصل طلبة وطلبات الصبح للمدارس ولو مكنتش تعرف في ستات دكترة وأساتذة ومهندسين كمان