الموضوع: تعالو نشجع بعض ونخس .. مسابقة للتخسيس.. ريجيم بدون حرمان

المشاركة الأصلية كتبت بواسطة kingrace

ما هي دي المصيبه انا بخلص شغل الساعه ١٢مساء يادوب الحق وجبة العشاء وانام

المشاركة الأصلية كتبت بواسطة kingrace

بالنسبه لزينيكال فكرته انه بيغلف الدهون اللي في الاكل و يمنع الجسم من امتصاصها وبكده الجسم بيحرق الدهون اللي فيه عشان يحافظ على الطاقه انا لسه اول مره استخدمه إن شاء الله اسبوع كده و اشوف النتيجه

اصل اختي جربت كذا حاجة قبل شيتوكل وزينيكال وميريديا ومفيش حاجة عملت معاها
وبعدين ادوية التخسيس لازم معاها نظام غذائي بردو

المشاركة الأصلية كتبت بواسطة tarekomar66

بص يا ستى اولا مشكوووووووره على مجهودك وتجربتك وانا نفسى اشارك معاكى البرنامج بس انا بصحى 6.30 ص واول حاجه بحطها فى معدتى بتبقى نسكافيه الساعه 8.30 وبالعافيه علشان اعرف اشرب سجاير ولما بفكر فى الاكل بيكون على الساعه 11.30 تقريبا واحرق بقى فى شاى ونسكافيه لغايه الغدا الساعه 5.00 بس بصراحه ها احاول افطر اول ما اوصل المكتب ونجرب "" بس انتى متأكده ان الاكل الصبح بيخلى الوزن ينزل مش يطلع ""

انا كمان باعاني من موضوع الاكل الصبح دة وباكل بالعافية
وبالعكس اي اكل بتاكله الصبح بيتحرق
المصيبة في اكل بالليل
عارف لو قسمت انت الوجبات بتاعتك بنفسك من غير نظام معين كل ساعتين حاجة هتنظم الحرق بتاعك وهتخس
يعني الصبح اول ما تصحى شريحة كيك مع كباية النسكافيه
اول ما توصل الشغل تاخد ربع رغيف مع بيضة مسلوقة او اي نوع جبنة او حتى سندوتش فول او طعمية واحد
بعد ساعتين تاخد ثمرة فاكهة موزة يوسفي او حتى بلحتين تلاتة
وبعد ساعتين خيارة
وبعد ساعتين ثمرة فاكهة تاني
هيكون الغدا قرب
تاخد وجبة الغدا السلطة مع اي نوع لحوم وطبق فيه 4 ملاعق رز و6 ملاعق خضار
وما تاكلش حاجة تاني بعدها
ولو جعت تاكل كباية زبادي او ثمرة فاكهة

صدقني امشي عالنظام دة بس تلتزم بيه هتخس وادعي لي
وطبعا مع شرب مية كتير بمعدل كوب ماء كل ساعة عشان يساعد عالحرق

المشاركة الأصلية كتبت بواسطة egyptiandiver

100 - 100 i am with you

ايوة كدة عاوزة تشجيع

المشاركة الأصلية كتبت بواسطة mahmoud_afifi

انا معاكم ان شاء الله بس للأسف مشكلتي اني مدمن بيبسي :((
هحاول ابطل والعب شوية رياضه وكمان اتعشى بدري ويكون خفيف. محتاج اخس بتاع 10 - 15 كيلو.

طب معلش سؤال.. انا لما برجع من الكليه بتغدى وبنام, فيها مشكله ولا لازم استنى شوية بعدين انام او المفروض مانامش ؟
اصل عندي مشكله في مواصلة اليوم ولازم انام فترة العصر دي.

اخطر الحاجة المياه الغازية
بتمنع الحرق تماما
واهم حاجة ما تنامش بعد الاكل مباشرة

المشاركة الأصلية كتبت بواسطة nonetta

السلام عليكم ورحمة الله وبركاته

انهاردة هنبدأ مسابقة للرجيم ..

رجيم بدون حرمان

هناكل فيه كل الأكل اللي بناكله

بس فكرة الرجيم إن إحنا ناكل من الأكل كميات معينة في توقيتات معينة

وفكرة انك تأكل كل حاجة ومعاها ألياف

السعرات اللي بتستهلك في هضم الألياف اكتر من السعرات اللي موجودة في الأكل اللي كلناه

هنبدأ رجيم مع بعضنا

بس اللي هيشترك يكون جاد

نخلي بالنا الريجيم دة بيخسسنا ببطء

يعني مش هنخس 20 كيلو في الشهر ولا حاجة - ممكن يعدي عليك أسبوع وزنك ما ينزلش - بس قياسات الجسم بتنزل عشان النزول بيبقى دهون

هنبدأ كل واحد يقيس وزنه وطوله

مش هنقول في وزن مثالي المهم ان كل كيلو بينزل بيخفف حمل على رجليك وفقرات ظهرك ونفسك ونومك بيبقى احسن

كل واحد هيدخل يشترك مش مهم يقول وزنه بعد أسبوع يقول نقص اد ايه

تعليمات اساسية هامة

- لا يوجد فاكهة ممنوعة

- الفاكهة لو دخلت الخلط تتخنا ناكلها زي ما هيا

- المياه الغازية بتمنع الحرق

- ممنوع طعام مقلي في زيت غزير بمعنى يمكن اضافة دهون عادية لتسوية الاكل لكن بدون القلي في زيت غزير

- لا يوجد اكل معين للريجيم هناكل كل حاجة

يعني مش يبقى عندك ربع رغيف تقول هاكل رغيف سن

مش يبقى عندك 3 ملاعق رز تقو هاكل 6 بسمتي

- هناكل اكل البيت

- جميع المشروبات شاي قهوة نسكافيه كاكاو اعشاب حليب كامل لبن رايب بدون سكر

- الريجيم دة للناس اللي بتصحى بدري

- لازم تاكل اول ما تصحى من النوم حتى لو مش جعان عشان الحرق يشتغل

- نشرب 10-12 كوب ماء يوميا او 4 ونص لتر عشان تزود الحرق او بمعدل كوب ماء كل ساعة

انا معاكى نشجع بعض ان شاء الله من بكرة

شكرا لموضوعك الجميل