الموضوع: رابطة مالكى الاكسيل-الجزء الثانى

ازيكوا يا شباب عاملين ايه انا ضبط شويه فى العربيه

غيرت الجلد بتاع الكبالن الاربعه وجبت الواحده بـ 15 جنيه معاها الشحم بتاعها والافيزين بتوعها بلاستيك

وكمان الميكانيكى غسلى الكبالن ونظفهم قبل تركيب الجلد الجديد لان القدام كانوا متقطعين وهيبوظوا الكبالن لو كنت سبتهم وكمان ظبط التاكيهات لان صوت العربيه كان عالى جدا فى العد يعنى على طول فى صوت تكتكه ومش من الفتيس الصوت ده.
كمان كشفت على التكييف والحمد لله لقيته تمام اوى وشحنت بـ 150 جنيه وجربته بجد والحمد لله التكييف كويس جدا بس زعلت اوى لما شغلت التكييف وجيت اطلع بالعربيه قامت مبطله مع العلم انى شغلت البتاع اللى بيعلى العربيه لما اشغل التكييف كمان لما دوست بنزين اكتر شويه طلعت من غير ما تبطل ولكنى غير راضى على السحب مع التكييف خالص العربيه مش بتسحب كويس وانا مشغل التكييف مع العلم ان الراجل بتاع التكييف قالى ان التكييف اللى فى العربيه تكييف امريكى ممتاز جدا وده كان واضح فى درجه البروده بتاعته انا مش عارف هل فرق السحب ده ممكن يكون عادى ولا ايه مع العلم العربيه 1500 يعنى المفروض محسش الفرق الكبير ده فى السحب وكمان فى حاجه ايجابيه فى التكييف انه وصل لوقت معين وبعدين لقيت الكومبريسور فصل لان حسيت العربيه بتجرى يعنى لما بيسقع العربيه كويس بيفصل عشان مبيضغطش على المكنه وبعدين اشتغل بعد حوالى 15 او 20 دقيقه تانى وده انا بحسه من سحب العربيه بالاضافه لصوت تكه كده لما ييجى يفصل او يشتغل على العموم الحمد لله ويا ريت حد يقولى رأيه فى حوار السحب ده.

ثانيا الميكانيكى صحيح طلع الطنابير اللى قدام لقيت الحديده اللى بتبقى ورا الطنبوره دى مخبوطه قبل مكده وواكله فى الطنبوره حته كبيره اوى فكده لازم اغير الطنابير اللى قدام يا ريت حد يقولى هما بكام واجيب جديد ولا استيراد عشان هما لازم يتغيروا فى اقرب وقت ممكن

ثالثا رحت ظبط زوايا لان الكبالن لما اتفكت طبعا بوظت الزوايا ولسه هرصص بقه الاسبوع الجاى واضبط زوايا تانى لان الراجل قالى العجله الشمال مرحله 2 سم عن مكانها ولازم يتعملها زرجينه عشان تتظبط

رابعا واخيرا هحكيلكوا على موقف ظريف جدا مع الكاسيت والسماعات
جوز اختى ممتاز فى السوند سيستيمز انا بقه فكيت السماعات اللى ورا واللى قدام وقولتله يظبطهم عشان اظبط الصوت اللى فى العربيه وقولته ظبطهم على ما اجيب كاسيت يشتغل عليهم قالى والكاسيت اللى فى العربيه قولتله شكله تعبان كده وصينى تعبان اوى من اللى بشرايط ده قالى ماشى ابقى اجيبلك واحد كويس بتاع الانترا ولا حاجه المهم بعد ما خلصنا السماعات واشتريت سماعتين بدل اللى فى التابلوه قدام وركبتهم قولتله بدل ما اشترى كاسيت جديد دلوقتى ما تظبطلى اللى فى العربيه على ما اجيب واحد قالى فكه كده وهاته واول ما مسك الكاسيت قعد يضحك فبقوله فى ايه قالى انت عارف الكاسيت ده ايه قولتله ايه يعنى قالى ده كاسيت كلاريون قولتله وايه المشكله انا عارف انه شكله تعبان اصلا قالى ده كاسيت نظيف جدا قولته والله بجد ده كاسيت نظيف ! ! !
وانا اللى كنت ناوى ارميه يا حلاوه
المهم شغلهولى وبقى صوته الله واكبر فى العربيه تمام اوى اوى يعنى ولا كلمه صوت نقى 100 الميه

والحمد لله العربيه طلع فيها كاسيت وسماعات ورا تمام اوى وغاليين. الحمد لله فلوسى مرحتش بلاش

اه يا جماعه فى حاجه تانيه نسيت اقولها عن التكييف الراجل قالى ان التكييف فى ساعه كده بتتركب فى الفلتر بتاعه فوق كده وبتتركب فيه فيشه فوقه ,قالى بس لازم تجيب الامريكى عشان الكورى بتبوظ بسرعه وبتنفس الفريون اللى فى العربيه عشان كده لازم تجيب الامريكى بتاعها قولتله منين اجيب الامريكى قالى فى واحد فى طنطا بيبعها بـ 60 جنيه الراجل ده متخصص فى قطع الغيار الامريكى بس قولتله وايه لزمتها دى يعنى قالى دى بتفصل الكومبريسور لو فى مشكله حصلت فيه او الفريون اللى فيه خلص عشان ميبوظش ومهمه جدا عشان تحافظ على التكييف اللى فى العربيه وقالى لازم تجيبها لان التكييف اللى راكب غالى جدا ولازم تحافظ عليه كويس.

وانا عايز اسعار الحاجات دى برضوا 1- الجزء الفبر اللي موجود تحت الماتور علشان اللي معايا متكسر
2- زراير رفع زجاج الكهرباء الاربعة

يا جماعه انا عايز اعرف انا هنقل ملكيه العربيه بكام انا عربيتى 1995 و 1500 سى سى لو حد يعرف يا ريت يقولى ضرورى لانى هنقل الشهر الجاى ولو حد يعرف الترخيص بيكلف كام فى السنه عشان انا ناوى ارخصها سنه واحده بس لانى مش معايا فلوس دلوقتى عشان ال 3 سنين يا ريت تعرفونى ارجوكم لانى مزنوق جدا فى الحوار ده وشكلى هتسوح فيه

المشاركة الأصلية كتبت بواسطة mohamed_salama

يا جماعه انا عايز اعرف انا هنقل ملكيه العربيه بكام انا عربيتى 1995 و 1500 سى سى لو حد يعرف يا ريت يقولى ضرورى لانى هنقل الشهر الجاى ولو حد يعرف الترخيص بيكلف كام فى السنه عشان انا ناوى ارخصها سنه واحده بس لانى مش معايا فلوس دلوقتى عشان ال 3 سنين يا ريت تعرفونى ارجوكم لانى مزنوق جدا فى الحوار ده وشكلى هتسوح فيه

شكرا جدا يا جماعه انا دورت على المنتدى ولقيت موضوع فى اجابه السؤال.
نقل الملكيه حوالى 310 جنيه وهى عربيه مو 96 1500 سى سى
والترخيص من 320 الى 420 للسنه الواحده

المشاركة الأصلية كتبت بواسطة mahmmoud1980

ممكن اعرف سعر الحاجات دي 1- الجزء الفبر اللي موجود تحت الماتور علشان اللي معايا وقع واتبهدل
2- زراير رفع زجاج الكهرباء الاربعة 3- الساعة الرقمية اللي موجودة في التابلوة وشكرا

زراير رفع زجاج الكهرباء الرباعى بـ 180ج الأصلى (جديد) وياريت تجبهم جديد أحسن

طرمبة الباور اللى جبتها إستيراد طلعت بايظة وهرجعها وجيب واحدة تانيه وجبتها ب 250ج
إيه رأيكم أجيب واحدة جديدة كورى بـ 550ج أفضل ولا أخلينى على الاستيراد أصلى سمعت ان الطرمبة الجديدة اللى ف السوق كلها صينى ومبتستحملش أنتوا إيه رأيييكم