الموضوع: رابطة مالكى الاكسيل-الجزء الثانى

اعزائي الاكسلاويه..غبت عن اخر مشاركه نحو 3 اشهر حدث خلالها احداث جسام..صرفت خلالها مصاريف باهظه علي سيارتي الاكسيل..يعني نفضتني بجد ع الاخر..فقد تلف الماتور نتيجه اهمال في قياس الزيت بينما كان الماتور واضح انه كان خفيف وبياكل زيت..واضطررت الي شراء مكنه استيراد بدون جيربوكس ب 2000 جنيه..واستغليت الفرصه وقمت (عن طريق السمكري) بحل اللحام القديم في الشاسيه وعمله من جديد علي نظافه..وحتي لا يفتح الشاسيه قام العفشجي بتركيب شداد حديد بين المقصين..وقمت بتغيير الكبالن..

بعدها وجدت التكييف ضعف وبالفحص اتضح ان الكومبريسور ضعيف..فقمت بتركيب كومبريسور تويوتا ياباني استيراد ب 600 جنيه (طبعا تم تعديل قاعده الكباس ليناسب موتور الاكسيل) مع تغيير ماسوره الاكسبنش وشحن والذي منه يعني كله الف جنيه..بصراحه التكييف من ساعتها ماشاء الله تلاجه ودي يمكن الحاجه الايجابيه الوحيده في العربيه..

ثم بدءت الاحظ دخنه بيضه من الشكمان بعد تركيب الموتور الجديد..ولاحظت نقص الزيت بشكل سريع..ولما رحت للميكانيكي اللي ركب الماتور اتخانق معاه بتهمه انه دبسني في ماتور مفوت قاللي ان معظم المواتير الاستيراد لازم يتعملها شنبر بعد تركيبها وان ده شيئ معروف..مش عارف كلامه ده صح والا لا..ياريت تيفيدوني..

بعد كده دخلت في شويه مصاريف..البطاريه عمرها الافتراضي خلص جبت واحده جافه جديده..الدينامو باظ جبت واحد استيراد من شارع صلاح الدين ب 275 جنيه..فاكيوم التكييف باظ ركبت واحد استيراد..وكمان الكبالن اللي لسه مركبهم باظوا وماغيرتهومش حتي الان..

بعدها بدأت العربيه يبان فيها تزنيده غريبه مع الدواره والمشي..وبتزيد تدريجيا. لدرجه انها خلت العربيه مكعبله ومدربكه في المشي...فكرت في رولمان بيل العجل الامامي وغيرتهم 70 جنيه للعجله الواحده. غير مصنعيه الميكانيكي والخراط...وجبت 2 جوان شكمان الواحد ب 10 جنيه من شارع صلاح الدين..وظبطت زوايا ورصصت عجل ب 55 جنيه وبرضه صوت التزنيده مستمر..في النهايه اتضح ان السبب هو الشداد المعدن اللي اتركب بين المقصين علشان يمنع فتح الشاسيه -واضح انه مع المطبات-لزق في الجيربوكس من تحت فخللي العربيه مزنده..رحت للعفشجي وعدله بعيد عن الجيربوكس والحمد لله الصوت راح..

بكل اسف صرفت ع العربيه حتي الان حوالي 9 الاف جنيه..صحيح جبتها رخيص ب 27 الف..يعني وقفه عليا ب 36 الف..مش عارف تستاهل ام لا..لكن كفايه التعب والمجهود والعطله من الشغل..بصراحه انصح اي واحد بيشتري اكسيل انه مايخدهاش بأقل من 34 الف ويفحصها كويس علشان ما يتعبش زي ما تعبت..بصراحه ندمان اني ما بعتهاش من الاول بدل ما اصرف كل ده..وساعات بقول لنفسي ياريتني كنت جبت بالمبلغ ده او زودت عليه شويه -دايو نوبيرا وان بتاعت المعوقين كانت هتبي افضل بكتير..وحسبي الله ونعم الوكيل

السلام عليكم ورحمة الله وبركاته
اعجابى بالتواصل المستمر مع المنتدى والمنتديات الاخرى قرأت موضوع اود ان افيد بة احبائى فى نايل موتورزوهو زيت الماتور ونوعيتة
بعد بحث وعناء وتجارب متعددة عثرت على افضل زيت لماتور السيارات الملاكى وللعلم حالة الماتور مش بطالة يعنى كلامى يخص السيارات الملاكى الذى يرغب صاحبها فى الحفاظ عليها
نبدأ الموضوع الذى تم اقتباسة من الاخ المحترم / sayed2077 والذى قال :-
النهارده روحت غيرت زيت العربيه من التعاون
سوبر ستان 1000 كيلو

الى زيت التعاون الاصفر
XPL-SM

7000 كيلو


وزى ما هو باين ان اداء الزيت عالى جدا
اعلى من
زيت شل هيليكس الاصفر 5000 كيلو
و
زيت موبيل XHP

والزيت طبعا متعدد الدرجات 20-50

وطبعا انا من الناس اللى بثق فى زيوت التعاون ثقه عمياء
فعلا زيوت تستحق التجربه

وعموما من خلال تجربتى معاه نقدر نقول فوائده كالتالى:-
1:صوت منخفض تماما لماتور ال 128 بتاعتى رغم استعمالى بنزين 80 ورغم ضوضاء المحرك نفسه الغنية عن التعريف
(كل واحد يركب معايا ويسمع صوت الماتور يقول بسم الله ماشاء الله الماتور مالوش صوت )
2:اختفاء لخشونة الصوت اثناء العمل بطريقه سحرية (والله ساعات يبقى الماتور شغال وانا واقف فى اشارة وافتكر انه اطفى واجى ادور الاقيه شغال اصلا)

(مع العلم كل تجاربى السابقه مع اغلب زيوت التعاون اللى اتعاملت معاها (زيت التعاون الاحمر - زيت التعاون البرتقالى - زيت التعاون الاصفر اللى انا بجربه دلوقت)

3:الماتور سحبة اتحسن عن الاول بسبب ان الزيت اللى استخدمته المره ديه متعدد الدرجات بخلاف الزيوت اللى كنت بستخدمها قبل كدا كانت احادية الدرجه 50

4:السعر الرخيص والمناسب لمنتجات التعاون عموما
(هذكر اسعار المنتجات بعدين ان شاء الله)

5:يجمع ما بين العر المناسب والاداء العالى

6:تشجيع الصناعه الوطنيه

وعلى فكره الزيت لما روحت اشتريته اشتريته من بنزينة التعاون اللى فى مصر القديمه وخدمة تغير الزيت فيها من خلال تقيمى انا كويس اديها مثالا 8/10

وكان معاه هدية ميدلية مفاتيح جميلة جدااا بصراحه وعليها شعار التعاون

اليكم الصور

ديه صورة علبة الزيت وزى ما انتم شايفين العلبة متبرشمه كويس ازاى وتاريخ الانتاج لسه جديد الى حد ما



ودية الميدلية الهدية وموجوده جوة البرشام اللى متغلف بيه العلبة كلها بطريقة محكمة منعا لاى تلاعب



ودية الميدلية بعد ما فكينا البرشام البلاستيك من على الجركن بتاع الزيت (عجبانى جدا بصراحه)



وديه اثناء وضع الزيت فى المحرك



وسعر الزيت ده 107 جنية بالتغير

سعر ممتاز جدا بالنسبه لزيت نصف تخليقى يقدر يستحمل شغل 7000 كيلو بصراحه اكثر من ممتاز فعلا

نقدر نقول بحسبة بسيطه
ان كل 1000 كيلو هتصرف عليه زيت 15 جنية فقط

وبالنسبه لاسعار زيوت التعاون

1:زيت التعاون الاحمر 1000 كيلو (غير متوافر اداء للمحركات البنزين) مع العلم شغال كويس مع العربيات القديمة ولا انصح به للحديث ب 55 جنية

2: زيت التعاون البرتقالى 2000 كيلو اداء SF
ب 60 جنية

3:زيت التعاون الاصفر 5000 كيلو اداء SL
ب90 جنية

4:زيت التعاون الاصفر (اللى انا اشتريته ) 7000 كيلو
اداء SM
ب 102 جنية




و السلام عليكم ورحمة الله وبركاته

بداية يجب أن نعرف تركيبة السيارة …. فمثلاً ما هي الأجزاء الرئيسية للسيارة ؟؟؟؟ وما هي وظيفة كل جزء ؟؟؟
أهم أجزاء السيارة :
تتكون أي سيارة من عدة أجزاء مهمة لايمكن الاستغناء عنها وهي :
قاعدة السيارة (الشاسية)
المحرك (الماكينة)
صندوق التروس (الفتيس)
عمود الدوران (الكردان)
المحور الخلفي (الكارونة)
المحور الأمامي

قاعدة السيارة (الشاسية)
وهو جزء أساسي ومهم لأي سيارة لأنه يركب عليه جميع اجزاء السيارة
تتكون قاعدة السيارة من معدن ثقيل وقوي …. وهو عبارة عن خليط من المعادن
وإذا ما أصاب هذه القاعدة أي خلل أو مشكلة ….. فإنها تعرض سائق السيارة إلى خطر شديد
لذلك فإن القاعدة التي أصابها عوج أو كسر فإنها تقلل من قيمة السيارة مادياً ويجب عند حدوث عوج او انحناء فيه يتم معالجة فورا فمثلا في سيارات النقل فإن حدوث اي انحناء فيه يؤدي الي عدم استقامة لسير السيارة وهذا كمثال واحد فقط من الأخطار التي سوف تحدث.
كما أن معايير الأمن و السلامة تقل في السيارة
سؤال : أليس من الممكن لحم المعدن المكسور ؟؟؟ إذن لم الاستغناء عن سيارة مكسورة القاعدة ؟؟
نعم يمكن لحم المعدن المكسور …… ولكن …. لماذا تقل معايير الأمن والسلامة في سيارة ذات قاعدة ملحومة ؟؟؟
وذلك لإختلاف في خواص المعدن ونلاحظ ان المعدن الملحوم يقل في متانتة بعيدا عن منطقة اللحام وذلك لفقده بعض الخواص ولذلك يتوجب عملية المعالجة وهذا غير متوفر
المحرك (المكينة)
ما الذي يفعله المحرك ؟؟؟؟؟؟؟
بكل بساطة ….. يعمل المحرك بكل ما يحتويه من أجزاء ليعطينا في النهاية عمود يدور !!!!!!!
وهي وظيفة أي محرك احتراق داخلي ….. سواء محرك سيارة أو مولد كهرباء
كما نعرف فإن معظم محركات السيارات تكون في الأمام …..
وبعد المحرك يأتي صندوق التروس (الفتيس) يصل بينهما اسطوانة الدبرياش والديسك ويسمي كلاتش
فصندوق التروس يأخذ حركته من المحرك عن طريق العمود المتحرك (عمود الكرنك المركب عليه الفلام وهو يركب علية الكلاتش)
كيف يتحرك عمود الكرنك ؟؟؟؟
حتى نعرف كيف يتحرك عمود الكرنك يجب أن نفهم الأجزاء الرئيسية للمحرك
يتكون المحرك من جزئين رئيسيين
رأس المحرك
جسم المحرك
ماهو رأس المحرك( وش السيليندر) ؟؟؟
رأس المحرك هو ببساطة غطاء لجسم المحرك
ويحتوي على غطاء غرف الاحتراق (السلندرات)
وعلى صمامات دخول الوقود والهواء لغرفة الاحتراق وصمامات خروج العادم من غرفة الاحتراق
هذه""" الصوره عامة للمحرك …. رأس المحرك هو الجزء داخل المستطيل الأحمر

وهذه""صوره لرأس محرك مقلوب على ظهره
الدوائر المعلمة بالأرقام هي الصمامات

ماهو جسم المحرك ؟؟؟
يتضح من الإسم أنه الجسم الذي يحتوي بقية أجزاء المحرك
فهو يحتوي على غرف الاحتراق (السلندرات)
ويحتوي أسفله على عمود الكرنك
أما""البساتن وهي الأجزاء المتحركة داخل غرفة الاحتراق …. فوظيفتها توفير الضغط ومن ثم الحركة لعمود الكرنك


وهو العمود الذي نأخذ منه الحركة للسيارة
هذه"صوره غرف الاحتراق ….داخلها البساتن مرتبطة بعمود الكرنك

عملية الاحتراق الداخلي التي تجري في المحرك
الشوط الأول :
وهو شوط السحب
حيث ينزل البستن للأسفل مخلفاً تفريغ بالضغط
وبنفس الوقت يفتح صمام الدخول ليتم إدخال الشحنة( الهواء والوقود) وتكون 1: 15 في محركات البنزين لغرفة الاحتراق (السلندر)

الشوط الثاني :
وهو شوط الضغط …. حيث يرتفع البستم للأعلى ويضغط الهواء والوقود … مع مراعاة أن الصمامات

تكون مغلقة حتى لا يتسرب شيء … والأهم …. حتى يتم المحافظة على معدل الضغط داخل غرفة الاحتراق

الشوط الثالث :
وهو الشوط الفعال ……. ليه فعال ؟؟؟

لأن الطاقة أو الحركة تولد في هذا الشوط
حيث تشعل شمعة الاحتراقعلي توليد شرارة في غرفة الاحتراق مع ضغط الشحنة تعمل علي اشتعالها فيحدث انفجار نتيجة التمدد للغاز ويدفع البستن للأسفل

الشوط الرابع :
وهو شوط العادم ……. حيث يرتفع البستن للأعلى طارداً الغازات الناتجة عن الاحتراق ….. ويكون صمام العادم مفتوحاً في هذا الشوط

لاحظو في جميع الأشواط عمود الكرنك في الأسفل (باللون الأخضر)
مالذي يحصل له ؟؟؟؟؟
إنه يتحرك بدفع من البستن في كل شوط من الأشواط
وإليكم الحركة كاملة للأشواط الأربعة

صندوق التروس (الجير)
من إسم هذا الجزء نستطيع أن نعرف مكوناته …… هو صندوق يحتوي على مجموعة من التروس
بهذه البساطة أستطيع أن أصفه
هل سمعتم هذه العبارة من قبل : هذه السيارة تحتوي على أربع غيارات أو ست غيارات ؟؟؟
مالمقصود بهذه العبارة ؟؟؟
المقصود بعدد الغيارات هنا هو عدد التروس التي يحتويها صندوق التروس
فهنالك تروس متخصصة بالسرعات العالية
وهنالك تروس تمنح السيارة عزم أعلى
ولكل منهم استخدام مختلف
بعض اشكال الفتيس
إليكم "صوره التروس داخل صندوق التروس

ماهي هي حكاية فصل الحركة
وما علاقة الكلتش ( الدبراياش) بكل هذا ؟؟؟؟
الكلتش هو عبارة عن قطعة الوصل بين المحرك و صندوق التروس
حين نفصل الحركة عن السيارة فإننا نفصل اتصال صندوق التروس عن المحرك عن طريق الكلتش
وهذه هي "صوره الكلتش
:الصوره التي ناحية اليمين هي اسطوانة الدبراياش والتي ناحية الشمال يسمي الدسك والعمود يسمي عمو الدرك والبلية الصغيرة وبلية الفصل

حيث يتم تركيب الاسطوانة علي الحدافة وعليها الدسك ثم يركب بلية الفصل ويركب الفتيس فوقها

وهنا تجدون موقع الكلتش في السيارة

الحرف B

عمود الدوران (الكردان)
وظيفة هذا العمود هو نقل الحركة من صندوق التروس الي المحور الخلفي (الكرونة)
"الصوره توضح

لاحظوا الفتيس و عمود الدوران باللون الأحمر والمحور الخلفي باللون الأزق
الحقيقة أن هذا العمود ليس موجوداً بجميع السيارات
فسيارات الجر الأمامي لا تحتاج إلى هذا العمود إذا كان المحرك في الأمام
عرفنا كيف تتولد الحركة …… عرفنا وظيفة صندوق التروس (الجير)
الآن مالذي نفعله بهذه الحركة التي تم توليدها
باختصار نرسلها إلى العجلة (التاير) التي تدفع أو تسحب السيارة
إذا كان الدفع خلفي للسيارة …… والمحرك في الأمام (كحال معظم السيارت)
فإن الحركة تحتاج إلى أن تصل للخلف
لذلك فإن عمود الدوران يقوم بتوصيل هذه الحركة للخلف
أما إذا كانت السيارة سحب أمامي ….. يعني الحركة تأتي من العجلات الأمامية
فهي لا تحتاج إلى عمود دوران
إليكم التوضيح ""بالصور

سيارة ذات دفع خلفي
عمود الدوران هنا باللون الأزرق

سيارة ذات سحب أمامي
لاحظوا عدم وجود عمود للدوران

لو كان محرك السيارة في الخلف ….. والسيارة ذات دفع خلفي ….. هل تحتاج إلى عمود دوران ؟؟
طبعاً لا
في هذه الحالة ستحتاج إلى عمود دوران لو كانت ذات سحب أمامي وانما تحتاح الي مايسمي

coupling

وسمي نفس الإسم بالعربي كبلينج المحور الخلفي ( الكرونة)
ما هي وظيفته ……. كيف يكون شكله ….. وأين يكون مكانه في السيارة ؟؟؟؟
وظيفة هذا الجزء هامة جداً في السيارة
هو نقل الحركة من عمود الكردان الي العجلات وذلك عن طريق مجموعة ال

sprial gear

التي تتكون من ترس البنيون والتاج .

المشاركة الأصلية كتبت بواسطة ahmedameed

اعزائي الاكسلاويه..غبت عن اخر مشاركه نحو 3 اشهر حدث خلالها احداث جسام..صرفت خلالها مصاريف باهظه علي سيارتي الاكسيل..يعني نفضتني بجد ع الاخر..فقد تلف الماتور نتيجه اهمال في قياس الزيت بينما كان الماتور واضح انه كان خفيف وبياكل زيت..واضطررت الي شراء مكنه استيراد بدون جيربوكس ب 2000 جنيه..واستغليت الفرصه وقمت (عن طريق السمكري) بحل اللحام القديم في الشاسيه وعمله من جديد علي نظافه..وحتي لا يفتح الشاسيه قام العفشجي بتركيب شداد حديد بين المقصين..وقمت بتغيير الكبالن..

بعدها وجدت التكييف ضعف وبالفحص اتضح ان الكومبريسور ضعيف..فقمت بتركيب كومبريسور تويوتا ياباني استيراد ب 600 جنيه (طبعا تم تعديل قاعده الكباس ليناسب موتور الاكسيل) مع تغيير ماسوره الاكسبنش وشحن والذي منه يعني كله الف جنيه..بصراحه التكييف من ساعتها ماشاء الله تلاجه ودي يمكن الحاجه الايجابيه الوحيده في العربيه..

ثم بدءت الاحظ دخنه بيضه من الشكمان بعد تركيب الموتور الجديد..ولاحظت نقص الزيت بشكل سريع..ولما رحت للميكانيكي اللي ركب الماتور اتخانق معاه بتهمه انه دبسني في ماتور مفوت قاللي ان معظم المواتير الاستيراد لازم يتعملها شنبر بعد تركيبها وان ده شيئ معروف..مش عارف كلامه ده صح والا لا..ياريت تيفيدوني..

بعد كده دخلت في شويه مصاريف..البطاريه عمرها الافتراضي خلص جبت واحده جافه جديده..الدينامو باظ جبت واحد استيراد من شارع صلاح الدين ب 275 جنيه..فاكيوم التكييف باظ ركبت واحد استيراد..وكمان الكبالن اللي لسه مركبهم باظوا وماغيرتهومش حتي الان..

بعدها بدأت العربيه يبان فيها تزنيده غريبه مع الدواره والمشي..وبتزيد تدريجيا. لدرجه انها خلت العربيه مكعبله ومدربكه في المشي...فكرت في رولمان بيل العجل الامامي وغيرتهم 70 جنيه للعجله الواحده. غير مصنعيه الميكانيكي والخراط...وجبت 2 جوان شكمان الواحد ب 10 جنيه من شارع صلاح الدين..وظبطت زوايا ورصصت عجل ب 55 جنيه وبرضه صوت التزنيده مستمر..في النهايه اتضح ان السبب هو الشداد المعدن اللي اتركب بين المقصين علشان يمنع فتح الشاسيه -واضح انه مع المطبات-لزق في الجيربوكس من تحت فخللي العربيه مزنده..رحت للعفشجي وعدله بعيد عن الجيربوكس والحمد لله الصوت راح..

بكل اسف صرفت ع العربيه حتي الان حوالي 9 الاف جنيه..صحيح جبتها رخيص ب 27 الف..يعني وقفه عليا ب 36 الف..مش عارف تستاهل ام لا..لكن كفايه التعب والمجهود والعطله من الشغل..بصراحه انصح اي واحد بيشتري اكسيل انه مايخدهاش بأقل من 34 الف ويفحصها كويس علشان ما يتعبش زي ما تعبت..بصراحه ندمان اني ما بعتهاش من الاول بدل ما اصرف كل ده..وساعات بقول لنفسي ياريتني كنت جبت بالمبلغ ده او زودت عليه شويه -دايو نوبيرا وان بتاعت المعوقين كانت هتبي افضل بكتير..وحسبي الله ونعم الوكيل

أنا رأييى إن لمانلاقى سعر العربيه أقل من 32000 إعرف ان العربيه فيها حاااجة وفيها حاجه مش مظبوطة بس اللى حصل خلاص وانت شديها أنا رأيييى بقى انك تستخدمها فترة عشان تعبك ميروحش هدر وقدر الله وماشاء فعل ... وياريت تغير الميكانيكى

المشاركة الأصلية كتبت بواسطة singary2010

السلام عليكم ورحمته الله وبركاته
عندى مشكله وهى ان كل يومين انظف العربيه من الداخل من التراب ودى حاجه تعبانى جدا
مع انى بشوف عربيات لما تتقفل ما فيش ذرة تراب تتدخل جوه العربيه
ياريت لو فى حد عنده حل للموضوع ده

اللهم صل على محمد وعلى آله وصحبه أجمعين

أنا لما بمشى على سرعه وبكون قافل الازاز بلاقى تيار هوا بيعدى من الازاز يعنى الازاز بيسرب هوا وده بيتهيألى اللى بيخلى العربيه ردومة من جوة هو الحل الوحيييد فوطة زفرة وتطوق كل يوم

أنا بقى اللى بيجننى كل يوم أزاز العربيه اللى قدام واللى ورا نفسى ألافى حاجه تنضفهم .... أنا بعانى من الموضوع ده