رابطة مالكى الاكسيل-الجزء الثانى

**F170** · 18-01-2012 07:07 PM

المشاركة الأصلية كتبت بواسطة aboassem

الاخ f17 جزاكم الله كل خير ....معلش سؤال هي بلية الدبرياج دي بكام ومصنعيتها كام واهو بالمرة اخليه يكشفلي علي الاسطوانة ومعلش تعبك معايا وربنا يبارك فيك

بسم الله الرحمن الرحيم .
مش متأكد من سعرها انا شفته قبل كده مش فاكر فين في قائمة اسعار الهايونداي الإيكسل بس هي عموما رخيصه مش غاليه بس مصنعيتها وشغلها غلسين شويه علشان هو بيحل الموتور (الأحسن)او بيفك كتير من تحت علشان يعرف يشتغل عليها هي زيها زي الدبرياج في شغله لإنها معاه في نفس المكان

**F170** · 18-01-2012 07:11 PM

المشاركة الأصلية كتبت بواسطة mimovet

المفروض بغير الميه كل اده ايه يعنى انا لومشيت من بنها للقاهره بلاقى القربه فاضل فيها شويه هل ده عادى ولا محتاج اغير طرمبه الميه والعادى انها تقعد اد ايه هل زى الانوس مثلا

بسم الله الرحمن الرحيم
هو المفروض في الشتا تبص على الميه مره كل 10 -15 يوم مشي جوه البلد العربيه لو مفهاش تسريب من حته المفروض متنقصش غير كل فين وفين خصوصا في الشتاء والموضوع ممكن ميكونش له دعوه بطرمبه المياه لأنه ممكن يكون خرطوم متأكل او الرادياتير منفس في العلبه اللي فوق فلما الميه تدخل بخار بتهرب .. الغطا بتاع الردياتير ..
أخر حاجه تفكر فيها الطرمبه طول ما انت مش شايف نشع ميه على جنب او تحت الموتور من ناحيه السيور

**wael6** · 18-01-2012 09:09 PM

المشاركة الأصلية كتبت بواسطة aboassem

سؤال تاني معلش
لما بدور العربية الصبح كان فية صوت وشة في بلية الفتيس ادوس دبرياج الصوت يروح مع العلم اني قست زيت الفتيس لاقيتة كويس والكلام دة الصبح بس يعني لما اروح الشغل العربية بركنها 8 او 9 ساعات لما ادور مفيش صوت وساعات ادور الصبح احيانا الصوت بردة مفيش مش عارف المشكلة اية قلت اسال لاحسن يكون الفتيس بيودع ربنا يسترها علينا
وجزاكم الله كل خير

الصوت ده من داخل الفتيس لانه بيروح مع دوسة الدبرياج ( لانك بتمور بتفصل تروس الفتيس )
لان العيب ده عندى
انما لو كان بيجي مع دوسة الدبرياج يبقي ده بلية الدبرياج اللى فى طقم الدبرياج نفسه
واكشف على الزيت ضرورى ومتمشيش بالعربيه وهى بارده ابدا
وشكرا جزيلا

**wael6** · 18-01-2012 09:15 PM

السلام عليكم
الزيت عندى بيسود بسرعه مع الاحتفاظ بلزوجته وعدم نقصانه مثلا على مسافة 500-600 كم مع ا لعلم انى بحط شل الاحمر 20-50 كل 1000 كم
تحوله للون الاسود مع الاحتفاظ بلزوجته وعدم نقصانه ده من ايه ؟
هل المكنة اللى بتوسخ الزيت وتغير لونه ؟ وهل هذا يعنى ان الموتور ميستحملش زيت مثلا يتغير على 3000 كم ؟
علما بان مشاويري قصيره وقليله داخل البلد فقط
وشكرا جزيلا

**mimovet** · 19-01-2012 12:32 AM

ماشى فى الصيف بغير ميه كل اد ايه بس انا بقولك لو جو البلد ممكن 5 ايام فى الشتاء واغير بس مش بشوف ميه يعنى كله تمام يبقى نقص من ايه وعندى كمان مقاس الزيت بينقص معنى مش عندى تسريب زيت فى ميكانيكى بيقولى ان المكنه خفيفه بس مفيش دخان ابيض ياريت حد يفيدنا

**ABOASSEM** · 19-01-2012 04:34 PM

شكرا علي الرد يا وائل وتكرم يا غالي

واكشف على الزيت ضرورى
كشفت والله وطلع كويس
ومتمشيش بالعربيه وهى بارده ابدا
طيب ايه الضرر معلش فاهمني
انا علي العموم لما بكون مستعجل بشغل الشفاط
وشكرا جزيلا وجزاك الله كل خير

**aboharb** · 20-01-2012 11:11 AM

ظهور مشكله البلف بتاع egr بيعمل صوت عالى وكمان الخرطوم اللى طالع منه ورايح على العمه بيسخن جامد لدرجة انه لسع سلك الاكسرتير والشفاط وطلع ريحة شياط ولما فصلته من عند العمه طلع دخنه سوداء هببت فلتر البنزين اضريت احطه تانى هو البلف ممكن افتحه وانظفه ولا ممكن يتغير علما انى مش لاقى ميكانيكى بيفهم فيه كل واحد يقولى تعالى بدرى وانا الغيه من عند مخرجه من غرفة الحريق واللى مجننى ان كل العربيات ملقتش فيهم البلف ده وحاسس والله اعلم انه سبب زيادة استهلاك البنزين فى العربيه مجرد احساس

**magid1010** · 20-01-2012 02:01 PM

[/right][/quote]

المشاركة الأصلية كتبت بواسطة aboharb

ان شاء مسافر الجونه قريب وده اول مره اسافر طرق طويل كده ممكن الوصيا المائة اللى اعملهم فى العربيه قبل السفر لحسن المشوار طويل وداخل على 900 كيلو رايح جاى ربنا يسترها معانا جميعا .

وحشتونى كلكم و الله بص يا سيدى انا بسافر كل 3 شهور العريش من طنطا يعنى 1000 كيلو بص اهم حاجه الاستبن و يكون معاك منفاخ اللى بيشتغل بالولاعه و اتكد من مياه الريداتير و البطاريه و شيك على العفشه و ربطها و ربنا يستر طريقنا

**magid1010** · 20-01-2012 02:04 PM

ممكن اعرف هو ممكن امشى على الاول و السرعه تكون قرب ال40 و التانى بتكون قرب ال60 علما ان ده حصل لما رحت اظبط الكربراتير و استهلاك البنزين بقى عالى بعد الموضوع ده ممكن يكون من رفع الكهربا للعربيه وشكرا العربيه 1300 اربعه غيار

**Tarek_Swelm** · 20-01-2012 08:33 PM

المشاركة الأصلية كتبت بواسطة magid1010

ممكن اعرف هو ممكن امشى على الاول و السرعه تكون قرب ال40 و التانى بتكون قرب ال60 علما ان ده حصل لما رحت اظبط الكربراتير و استهلاك البنزين بقى عالى بعد الموضوع ده ممكن يكون من رفع الكهربا للعربيه وشكرا العربيه 1300 اربعه غيار

هو صوت العربية علي السلانسية عالي عن قبل كدة ولا زي ماهو
الميكانيكي شكلة علا ظبط خليط البنزبن و الهواء للسلانسية بتاع الكربراتير , دة يعلي عدد لفات الموتور علي السلانسية و دة تلاحظة في الصوت العالي للموتور و انت واقف و ممور و طبعا دة بيزود استهلاك البنزين
و الطبيعي وقتها ان الموتور حيدخلة بنزين زيادة عن قبل كدة فالاول بدل ما يجيب 20 حيجيب 40 و التاتي بدل 40 حيطلع ل 60