رابطة مالكى الاكسيل-الجزء الثانى

**F170** · 17-01-2012 04:12 PM

المشاركة الأصلية كتبت بواسطة mahmahmah31

متشكر قوي محدش رد شكرا

يا راجل متزعلش معلش ممكن محدش من اللي شافو المشاركة بتاعتك او مشكلتك مكانوش يعرفوا يردوا عليها
عموما الموضوع عندك كده في مبدإيا مشكله في جوان وش السليندر ممكن تكون العربيه سخنت منك جامد فالجوان قفع ( يعني الجوان مبقاش حاكم كويس ) لأن دي كده الميه بتاعه التبريد بتدخل غرفه الإحتراق وتتبخر وتطلع بإندفاع تاني والمخرج الوحيد بالنسبالها في الحاله دي بيكون الرادياتير زي ما بيحصل معاك كده و ممكن يكون ده عند بستم واحد او اتنين فالعربيه تدور بالإتنين او التلاته التانيين وبعد كده اول ما يحصل موضوع البخار ده بيخللي الموتور يقف ... و يارب تكون اهون من كده و أكون غالطان

**ABOASSEM** · 17-01-2012 04:15 PM

يارجاله الاكسيل مفيش مساعدة ليييه احنا مش متعودين علي كدة ههههه

**F170** · 17-01-2012 04:29 PM

المشاركة الأصلية كتبت بواسطة aboassem

بص يا سيدي فيه مركز اسمة الصفا ودة اللينك بتاعة http://www.nilemotors.net/nile/249389-a.html
اظن هيفيدك كتييير وممكن يصلحو لك القديم وان منفعش ممكن ايضا يفيدوك في موضوع ال1300 وال 1500 ويركبوه ليك وممكن كمان تبعت السؤال بتاعك او تتصل بيهم دي ناس محترمة جداااااا .......

بسم الله الرحمن الرحيم
الكاربيراتير واحد في الإتنين ده ينفع يركب مكان ده بالظبط بدون تعديل في الموتور لاكن هو الكاربيراتير المفروض يكون ليه دايرة تحكم فيه علشان ده بيكون كهربا الكهربائية بيلغوا فيه حاجات انا مش متأكد من تأثيرها على إستهلاك البنزين وشغل الموتور بصراحه

**F170** · 17-01-2012 04:31 PM

المشاركة الأصلية كتبت بواسطة aboassem

سؤال تاني معلش
لما بدور العربية الصبح كان فية صوت وشة في بلية الفتيس ادوس دبرياج الصوت يروح مع العلم اني قست زيت الفتيس لاقيتة كويس والكلام دة الصبح بس يعني لما اروح الشغل العربية بركنها 8 او 9 ساعات لما ادور مفيش صوت وساعات ادور الصبح احيانا الصوت بردة مفيش مش عارف المشكلة اية قلت اسال لاحسن يكون الفتيس بيودع ربنا يسترها علينا
وجزاكم الله كل خير

دي بلية دبرياج ملهاش دعوه بالفتيس من جوه وممكن تتغير او تتشحم لو الشحم بتاعها بقى قليل و بينشف بسبب البرد (بس لازم تتلحق قبل ما تنشف خالص وإلا لازم تتغير كلها )

**F170** · 17-01-2012 04:34 PM

المشاركة الأصلية كتبت بواسطة ABOASSEM

سؤال وعايز اجابة سريعة الله يخليكو
يا جماعة مؤشر الكيلو مترات بيتحرك ازاي يعني اول مدوس بنزين علي الغيار الاول
المؤشر بيتحرك ؟؟؟
ولا ايه نظامه لاني انا عندي المؤشر مش بيتحرك الا علي الغيار التاني بيبقي مستريح
ولوحبيت احركة علي الغيار الاول لازم احرق بنزين لغاية rpm يبقي عند 2.5
وصوت المكنة طبعا بيعلي حد يفيدني
وجزاكم الله كل خير

كده معقول هو الطبيعي بتاعه عند أغلب الناس انه يبدأ يتحرك على حوالي 20 - 25 كيلومتر في الساعه بيكون الrpm على الأول في حدود 2000-2500 انا عندي بيتحركقبل كده حاجه بسيطه يعني في حدود 15 يبدأ يقول

**F170** · 17-01-2012 05:04 PM

المشاركة الأصلية كتبت بواسطة aboharb

غيرت زيت من 3 ايام والزيت طلع زياده حوالى 3 ملى عن العلامه العلويه للمؤشرزيت شل الاصفر هل يؤثر ذلك على المحرك ولا ملهمش تاثير يا ريت الاخوه الاشاوس

اللى عندهم معلومه يفيدونى وجزاهم الله خيرا

,لا يهمك بس ميزيدش عن كده علشان لو الزيت لحق الكرانك ممكن يعمل فوم ولو ده حصل ضغط الزيت حيقل وممكن ميوصلش لفوق ( وش السلندر و الكامه وكده ). هو بيكون الفرق في عربيه بتاعتنا حوالي 1 سم فوق العلامة والله اعلم

**kindnight** · 17-01-2012 08:08 PM

شكراًلللأخ f17 علي مجهوده له مني كل تقدير

**ABOASSEM** · 18-01-2012 10:52 AM

الاخ f17 جزاكم الله كل خير ....معلش سؤال هي بلية الدبرياج دي بكام ومصنعيتها كام واهو بالمرة اخليه يكشفلي علي الاسطوانة ومعلش تعبك معايا وربنا يبارك فيك

**aboharb** · 18-01-2012 12:01 PM

ان شاء مسافر الجونه قريب وده اول مره اسافر طرق طويل كده ممكن الوصيا المائة اللى اعملهم فى العربيه قبل السفر لحسن المشوار طويل وداخل على 900 كيلو رايح جاى ربنا يسترها معانا جميعا .

**mimovet** · 18-01-2012 04:12 PM

المفروض بغير الميه كل اده ايه يعنى انا لومشيت من بنها للقاهره بلاقى القربه فاضل فيها شويه هل ده عادى ولا محتاج اغير طرمبه الميه والعادى انها تقعد اد ايه هل زى الانوس مثلا