وعليكم السلام ورحمة الله وبركاته. لو الموتور عند حضرتك 1500 سى سى ممكن تركب فتيس اوتو من غير ما تغير الموتور نفسه يعنى هتشيل الفتيس المانوال وتحط مكانه فتيس اوتوماتيك واير يعنى ما تحطش فتيس اوتو كهربا علشان هيحتاج ضفيره. اما لو 1300 سى سى هيبقى صعب تركب فتيس اوتوماتيك ولازم تبيع الموتور بال فتيس وتحط مكانه موتور 1500 بفتيس اوتو وممكن موتور اللانسر الكريستاله 98 هو نفسه موتور الاكسل.
تسلم يا كبير على الرد انا حاليا لا املك سياره و لكن انا مقدرش اسوق مانوال فى مصر هيجيلى انهيار عصبى
بحاول بقدر الامكان اوفر لنفسى بديل اوتو فى حدود المتاح 30 الف و لا افضل البرايد لان 1300 سى سى ضعيف خاصة العربيه كلها على بعضها ضعيفه كيك
اخيرا تفضلا منك
ما هو الفرق بين الفتيس الاوتو واير و كهربا ؟
يبقى لسه المشكله موجوده والعيب برضوا فى الطرمبه ولازم تتأكد ان زيت الباور نضيف والاحسن انه يكون موبيل . وهل والعربيه واقفه لما تيجى تلف يمين او شمال بتسمع صوت ونه او الباور بيكون تقيل ويخف ويرجع يتقل تانى.
لما صلحتها اول مرة وحطيت زيت موبيل ولما باظ تانى قالى انا خلطت زيت موبيل على زيت موتور عشان ينضف طرمبة الباور والكلام ده مدخلش دماغى بس قلتله ماشى .
[color="rgb(139, 0, 0)"]وايوة لما ببقى واقف والعربيه دايرة الباور بيكون تقيل ويخف ويرجع يتقل تانى[/color]
متشكر جدا لحضرتك بس للاسف انى من البحيرة وصعب اروح القاهرة فى الوقت الحالى بسبب شغلى
انا شكلى هولع فى العربية واخلص مع انها غالية عندى قوى بس مغلبانى :_alshmokh11:
كل العربيات مغلبه الناس انت بس واحدة واحده وهتبقى كويسة متعملش كل حاجه مرة واحده
أصدقائى الاعزاء
أولا انا فعلا زعلان وواخد على خاطرى لان محدش بيرد على مشاركاتى ... وكانى هوااا
المهم
ان شاء الله هجدد رخص العربية الشهر ده والعربية كانت محتاجة شوية تظبيطات لان فى خبطتين يمين وشمال ع الرفرفين الخلفين .... والكابون مفرق من العظم بتاعة ومقشر وكان واخد معجون مضيعن السوكتين اللى فيه وباب الشنطة قشرت عشان كانت واخده معجون كتير ومحتاجة ظبط الفوانيس مع الرفرف مع الكبوت .... هاصورها وهابعتها ان شاء الله
المهم سالت كذا صنايعى ... اتنين افتوا انى لازم اغير الكابوت والرفرفين الامامين عشان العربية تتظبط .... واحد منهم اقترح اشترى جديد والثانى اقترح اشترى مستعمل وارد الخارج
وفى واحد تالت قالى انا هاصلح لك الرفرفين والاكابوت وههتكلف حوالى 2000 جنية بالرش والدهان
الاثنين الاولين قالوا هتتكلف فى حدود 2600 بجانب المشتريات اللى هشتريها .... فانا محتار مش عارف اعمل ايه اشتغل مع مين واجيب جديد ولا استراد ولا اصلح الموجود مع العلم انى مش هبيع العربية حاليا
بص أنا ليا رأى وأنا بعمل كدته فى عربيييتى
شكل العربيه انا مش بهتم بيه العربيه وهيا مركونة فى الشارع بنزل بلاقيها مخبوطة وخبطات رخمة أنا اللى بهتم بيه صيانه العربيه الاساسيات يعنى انما الباقى لما بيكون معايا فلوس بظبطها واحده واحده وانا كمان بفكر ابيعها فمش ناوى ارش أو سمكرة بصلح اللى يستاهل ويخلى العربيه تمشى معايا كويس ويارب اكون أفدت
لما صلحتها اول مرة وحطيت زيت موبيل ولما باظ تانى قالى انا خلطت زيت موبيل على زيت موتور عشان ينضف طرمبة الباور والكلام ده مدخلش دماغى بس قلتله ماشى .
يعنى ازاى انضف طرمبة باور بزيت موتور والله يا جماعه حرام اللى بيعملوه الميكانيكيه دا ولازم حضرتك ترجعله وتقوله الطرمبه يا اما شغاله يا اما بايظه انما لو عايز تعملها نضافه حط زيت باور وحرك الدركسيون يمين وشمال لغاية ما الزيت يمشى فى الدوره كلها وبعد كدا هتفتح اللاكور وتفضى الزيت وتحط زيت موبيل بس اهم حاجه تفضى الهوا كله اللى جوا المواسير وتتأكد ان الطرمبه شغاله ومفيهاش عيب.
المفضلات