رابطة مالكى الاكسيل-الجزء الثانى

**ahmedameed** · 22-09-2012 06:02 PM

المشاركة الأصلية كتبت بواسطة engonear

لا طبعا كلام خاطئ واى موتور استيراد بيركب على العربيه لازم يكون عن تجربه ولو فى اى عيب بيرجع لصاحب المحل علطول وازاى ميكانيكى يقول ان الموتور الاستيراد لازم يتعمله شنبر امال انا شارى موتور ليه علشان اعمله عمره وسعر الموتور غالى وكمان عايز يعمل فيه شغل لازم حضرتك تبعد عن الراجل دا وتشوف ميكانيكي بيخاف ربنا علشان تتعامل معاه.

المفروض انهم جايين مع الموتور الجديد وحالتهم كويسه

الكبالن نوعها صينى ولا كورى علشان بتفرق جامد والعفشجى هو اللى بيركبهم مش الميكانيكى لان لو فيهم اى غلطه علطول هتبوظ واحسن كبالن كورى اصلى راس الكوبلن ب110ج.

يبقى المشكله مش فى كل اللى اتغير وكلفك حوالى 145ج دا غير العطله وفى الآخر طلع العيب من الشداد.

انا مع حضرتك فى الكلام بس العيب كان فى نقص الخبره ومشكلة قلة الضمير عند الصنايعيه وعدم احترامهم للناس ومش عارفين انها وسيلة انتقال ودى ارواح بشر مش لعبه فى ايديهم وبأكد فى كلامى ان العربيه مش اى حد يصلحها لازم يكون واحد معرفه وبيراعى ربنا فى شغله .

انا عملت كدا اخدت عربيه مفيهاش غلطه والحمد لله وربنا كرمنى فيها وجيت اصلح حاجات بسيطه زى الكبالن او اغير زيت فتيس او اغير ترموستات الحراه وترموستات كوع الميه يعنى شغل لوعيل فى الورشه هيعمله واتفاجئ ان معلمين كبار مش عارفين يشتغلوا ولو عمل شغل ما بيراعيش ربنا فى شغله لدرجة انى اشتريت عده وابقيت اصلح العربيه بنفسى من الكتالوج ولو فى حاجه صعبه اروح للصناعيى واقله صلحلى الجزء دا يقوم يفتيلك باى كلام وفى الآخر بصمم انى يشتغل اللى قلتله عليه وبس لا اكتر ولا اقل

شكرا علي ردودك القيمه.. وجزاك الله خير..الكبالن صيني فعلا لكن المشكله الاساسيه عندي للامانه مش في الكبالن الخارجيه (الراس) ولكن في الكبالن الداخليه اللي ماسكه في الجير بوكس..وبتعمل طقطقه في الطوالي فقط وليس في الملفات..وفي ميكانيكي وصفلي واحد في شارع صلاح الدين بيبيع الكوبلن الداخلي فقط (بيحله من الكوبلن) الواحد ب 100 جنيه كوري اصلي..

**singary2010** · 22-09-2012 06:29 PM

المشاركة الأصلية كتبت بواسطة magoda

أنا لما بمشى على سرعه وبكون قافل الازاز بلاقى تيار هوا بيعدى من الازاز يعنى الازاز بيسرب هوا وده بيتهيألى اللى بيخلى العربيه ردومة من جوة هو الحل الوحيييد فوطة زفرة وتطوق كل يوم

فى ناس بتنظف العربيه من جوه تقريبا كل اسبوع مره انما كل يوم ده صعب شويه

**magid1010** · 22-09-2012 10:26 PM

المشاركة الأصلية كتبت بواسطة singary2010

السلام عليكم ورحمته الله وبركاته
عندى مشكله وهى ان كل يومين انظف العربيه من الداخل من التراب ودى حاجه تعبانى جدا
مع انى بشوف عربيات لما تتقفل ما فيش ذرة تراب تتدخل جوه العربيه
ياريت لو فى حد عنده حل للموضوع ده

اللهم صل على محمد وعلى آله وصحبه أجمعين

حبيب قلبلى محمد و احشنى ممكن المشكله وده اكيد من الكاوتش بتاع الباب انا بدور عليه لانه مهرى عندى

المشاركة الأصلية كتبت بواسطة amoor89

حد عنده فكره عن سعر المساعدين الخلفى kyb عاملين كام + الدنجل استيراد وشداد الفتيس ودراع الكوبلن سواء جديد او استيراد

انا جبت مساعدين مونورو زيت على غاز من هشام لهيطه فى التوفقيه اعتقد الجوز كانو ب 380 جنيه من سنتين و عليهم ضمان

**Magoda** · 23-09-2012 12:10 AM

انا عندى الكوبلن اليمين وانا باخد ملفات ساعات يطقطق وساعات لا والجانب الشمال كويس
ينفع امشى عادى عليه ولا فيه خطورة
والمساعدين اللى ورا عندى هلكوا اخر حاجه
الفكرة ان مش معايا فلوس دلوقتى ده يأثر على حاجه فى العربيه ولا بيييس ودوس بنزين

**amoor89** · 23-09-2012 12:35 AM

المشاركة الأصلية كتبت بواسطة magid1010

حبيب قلبلى محمد و احشنى ممكن المشكله وده اكيد من الكاوتش بتاع الباب انا بدور عليه لانه مهرى عندى

انا جبت مساعدين مونورو زيت على غاز من هشام لهيطه فى التوفقيه اعتقد الجوز كانو ب 380 جنيه من سنتين و عليهم ضمان

جلد الباب انا غيرته فى عربيتى من فتره بيبقى عند اى حد بتاع ابواب العربية كلها اتكلفت حوالى 120 بالتركيب ده الكلام ده فى البحيرة

**amoor89** · 23-09-2012 12:41 AM

المشاركة الأصلية كتبت بواسطة magoda

انا عندى الكوبلن اليمين وانا باخد ملفات ساعات يطقطق وساعات لا والجانب الشمال كويس
ينفع امشى عادى عليه ولا فيه خطورة
والمساعدين اللى ورا عندى هلكوا اخر حاجه
الفكرة ان مش معايا فلوس دلوقتى ده يأثر على حاجه فى العربيه ولا بيييس ودوس بنزين

اى حاجة فى العفشة بالذات اوعى تسكت عليها الكوبلن حاول تغيره فى اقرب وقت ممكن وابقى اكشف على الكوبلن التانى ويستحسن يتغيروا الاتنين مع بعض
اما المساعدين فدول اهم لانهم لو ضربوا خالص ممكن مع المطبات الشاسيه يشرخ لاقدر الله

**a7medsh3rawi** · 23-09-2012 12:52 AM

المشاركة الأصلية كتبت بواسطة magoda

انا عندى الكوبلن اليمين وانا باخد ملفات ساعات يطقطق وساعات لا والجانب الشمال كويس
ينفع امشى عادى عليه ولا فيه خطورة
والمساعدين اللى ورا عندى هلكوا اخر حاجه
الفكرة ان مش معايا فلوس دلوقتى ده يأثر على حاجه فى العربيه ولا بيييس ودوس بنزين

الكوبلن عباره عن رولمان بلى ليه حركه دائريه ومحكوم داخل دائره حديد ومحاط بشحمه من نوع خاص لمنع تاكل الرولمان واول ما الجلد تتقطع بيطلع الشحم وتبوظ الرولمان بلى ويبدا صوت الطقطقه .
والحل التعامل بهدوء مع الملفات وتحاول تدوس دبرياج علشان ماتحملش على الكبالن وان شاء مفيش خطوره منها.
المساعد بيحكم حركة الياي لاعلى ولاسفل حرصا على راحة الراكب فى الطرق الوعره وثبات السياره فى السرعات العاليه .
والحل تمشى بسرعه مناسبه لا تزيد عن ١٠٠ كم/س وما تحملش ركاب زياده او اوزان تقيله .
انا عندى نفس القصه ساعات يطقطق وانا كاسر شمال وساعات لا ووديتها لميكانيكى وعفشجى وقالولى مفيش حاجه وبعد كدا غيرت راس الكوبلن شمال وبرضو لسه المشكله زى ما هى مع العلم ان جلد الكوبلن يمين وشمال سليمه بس الجلد بتاعت الكوبلن الداخليه مقطوعه وبتطلع شحم .

**Magoda** · 23-09-2012 10:35 AM

المشاركة الأصلية كتبت بواسطة singary2010

فى ناس بتنظف العربيه من جوه تقريبا كل اسبوع مره انما كل يوم ده صعب شويه

أنا بقصد التابلوه انما العربيه من جوة لما يكون فيه مناسبة غير كدته هو اخرى امسح التابلوة والازاز اللى قدام واللى ورا وشكراً على كدته

**Magoda** · 23-09-2012 10:38 AM

وكمان انا قدام البيت عندى جبل لو سبتها مركونة يومين ألاقيها مردومة والناس اللى بتغسل العربيات عندى بدل ما يغسلوها بيوسخوها

**mohamed_salama** · 23-09-2012 11:03 AM

امبارح كان يوم شاق جدا يا جماعه وديت العربيه اللى انا لسه جايبها الاسبوع اللى فات للميكانيكى عشان اغير طقم السيور ولما فك عشان يغير سير الكاتينا لقاه مطقطق وممسوح لدرجه كبيره وساعتها قولت الحمد لله انى غيرته فى الوقت المناسب لانى متعود لما اجيب عربيه جديده لازم اغيره عشان ابقى ضامن نفسى والحمد لله تمام وروحت جبت طقم سيور عباره عن

سير كاتينه امانى 55 جنيه
سير الدينامو 25 جنيه كورى
سير التكييف 20 جنيه صينى

والميكانيكى بيفك لاقى فى ترشيح زيت من اولسيه فى الترس اللى فوق بتاع الكاتينا روحت غيرته بـ 5 جنيه
وكمان لقى وهو بيفك ان طرمبه الميه مرشحه ميه قومت مغيرها هى كمان كورى 100 جنيه

والميكانيكى ركب وكله تمام وبعدين قولتله انا حاسس ان العربيه بتسخن شويه قالى فى حساس فى كوع الميه من جوه لو راكب هشيله ومش هتسخن تانى منك
لما جه يفك كاوتشه الميه لاقاها ناشفه جدا ولما فكها قامت متكسره وكانها بلاستك مش كاوتش روحت جبت واحده غيرها بـ 20 جنيه

وطبعا جبت فلتر البنزين وغيرته بـ 20 جنيه كورى اصلى بس من غير العلامه المائيه بتاعه هيونداى
وفلتر الهوا فاك فلتر بـ 20 جنيه برضوا واعتقد كده العربيه من محتاجه حاجه تانى

فى ناس بتقولى غير بالمره البوجيهات بس انا فلست بصراحه والفلوس خلصت خلاص
هو كل اللى فاضل إن شاء الله تظبيط التكييف وكده ابقى عملت الصح فى العربيه

اه والمصنعيه 100 جنيه والكلام ده فى قويسنا