رابطة مالكى الاكسيل-الجزء الثانى

**a7medsh3rawi** · 25-09-2012 04:26 PM

المشاركة الأصلية كتبت بواسطة magoda

أنا عندى لما بفرمل وأنا على سرعه العربيه عندى بتزحف والعجل بيصررخ ده معناه ان التيل وحش ولو هغيره هغير الامامى ولا الخلفى

ضغطة الفرامل بتعتمد على كذا حاجه اولها حالة الكاوتش ودرجة تماسكه مع الطريق وثانيا حالة العفشه علشان هى عامل مهم فى ثبات العربيه اثناء الفرامل وتوزيع الحمل على الاربع جوانب وثالثا لو الفرامل الاماميه بتمسك كويس وبتخلى العربيه تزحف يبقى اكشف عل الفرامل الخلفيه لازم تخلى بالك ان التيل الخلفى بيتاكل بسرعه عن الامامى وطبعا لو العفشجى بيراعى ربنا فى شغله هيظبط الاربعه على درجه فرمله واحده.

**al_manara** · 25-09-2012 08:37 PM

المشاركة الأصلية كتبت بواسطة engonear

ضغطة الفرامل بتعتمد على كذا حاجه اولها حالة الكاوتش ودرجة تماسكه مع الطريق وثانيا حالة العفشه علشان هى عامل مهم فى ثبات العربيه اثناء الفرامل وتوزيع الحمل على الاربع جوانب وثالثا لو الفرامل الاماميه بتمسك كويس وبتخلى العربيه تزحف يبقى اكشف عل الفرامل الخلفيه لازم تخلى بالك ان التيل الخلفى بيتاكل بسرعه عن الامامى وطبعا لو العفشجى بيراعى ربنا فى شغله هيظبط الاربعه على درجه فرمله واحده.

بالنسبة للتيل العكس هو الصحيح .
الامامي بيتم تغييرة قبل الخلفي . يعني الامامي هو الي بيتاكل قبل الخلفي .
وممكن تحتاج تغير الخلفي مع تغيير الامامي كل مرتين .

شوف اية اخبار التيل واية اخبار زيت الفرامل واية اخبار الطنابير ؟
وبعد مانتاكد ان العيب مش منهم يبقي الماستر ضعف .

**amoor89** · 25-09-2012 10:15 PM

المشاركة الأصلية كتبت بواسطة engonear

انا كنت زى حضرتك ومعتقد نفس الكلام.
علشان كدا حطيت ميه عاديه مفلتره وكل فتره بنضف دورة التبريد وخلاص وقلت ما هى طول عمرها المواسير مصديه وفوجئت اللى حصل ان الطرمبه باظت وبعد ما فكيتها لقيتها مصديه من كل حته والمواسير بايظه قمت مغير كله حتى غيرت ترموستات المراوح وترموستات الكوعه وحطيت ميه خضرا اسبانى والحمد لله ربنا سهلها واتصلحت .

انا عندى الدورة متبهدله جدا من الميه العادية بسبب المالك اللى قبلى ومضطر اكمل بميه عادية لانى خايف اصحى العفريت اللى نايم بالميه الخضرا

وكمان داخلين على جواز والعمليه تييييت خالص

**a7medsh3rawi** · 26-09-2012 03:52 PM

المشاركة الأصلية كتبت بواسطة al_manara

بالنسبة للتيل العكس هو الصحيح .
الامامي بيتم تغييرة قبل الخلفي . يعني الامامي هو الي بيتاكل قبل الخلفي .
وممكن تحتاج تغير الخلفي مع تغيير الامامي كل مرتين .

شوف اية اخبار التيل واية اخبار زيت الفرامل واية اخبار الطنابير ؟
وبعد مانتاكد ان العيب مش منهم يبقي الماستر ضعف .

ياه معقول الكلام دا ان التيل الخلفى بيستحمل حتى بعد تغيير التيل الامامى مرتين دا صحابى علطول بيغيروا التيل الخلفى يمكن كل شهر ولا يمكن علشان بيشدوا الهاند وهما ماشيين وبيعملوا حركات كدا بالعربيه فيقوم التيل يتاكل معاهم بسرعه.

**Magoda** · 26-09-2012 10:15 PM

المشاركة الأصلية كتبت بواسطة magid1010

احسن نوع و الله و عن تجربه نوع اسمه الجولد ب55 جنيه للامامى و ابعد عن الصينى ابو 35 جنيه وحش جدا و حيصفر من اول اسبوع

طب وإيه رأيييك فى Hi-Q علبة لونها أزرق ب 50ج بيشكروا فيها برضه

**al_manara** · 26-09-2012 11:59 PM

المشاركة الأصلية كتبت بواسطة magoda

طب وإيه رأيييك فى hi-q علبة لونها أزرق ب 50ج بيشكروا فيها برضه

جولد فعلا افضل .

**Magoda** · 27-09-2012 01:17 AM

المشاركة الأصلية كتبت بواسطة amoor89

انا عندى الدورة متبهدله جدا من الميه العادية بسبب المالك اللى قبلى ومضطر اكمل بميه عادية لانى خايف اصحى العفريت اللى نايم بالميه الخضرا

وكمان داخلين على جواز والعمليه تييييت خالص

بس المفروض على الأقل كل سنة وبالذات مع بداية الصييف تروح تغسل الريادتير وتظبط دورة الميه عشان تفوق العربيه ومش فارقه ممكن تحط ميه عاديه بس تشيك عليها من حين لأخر بعكس الخضرا بتنساها

**Magoda** · 27-09-2012 01:23 AM

نفسى أخلص من كابوس طرمبة الياور بعد ما اشتريت واحده استيراد وركبتها وكانت زى الفل بعد اسبوع الزيت كله وقع رحت للميكانيكى ظبط الأداء ومفيش اسبوع وباظ تانى رحتله تانى النهارده الدركسيون بقى ميه بس كل ما لف يمين أو شمال أسمع صوت أكنه سورى يعنى بينعر صوت عالى أوووى كلمت ميكانيكى قاله عادى هيروح ... أنا شكلى هفكها وهروح أرميها فى وشه وقوله هاتلى واحده تانيه !!!!!!!

**Magoda** · 27-09-2012 01:27 AM

هو ممكن أجيب طرمبة باور من عربيه تانيه تعديييل يعنى أخدها من فرنا أو لانوس مثلا ؟؟؟

**al_manara** · 27-09-2012 03:35 AM

المشاركة الأصلية كتبت بواسطة magoda

هو ممكن أجيب طرمبة باور من عربيه تانيه تعديييل يعنى أخدها من فرنا أو لانوس مثلا ؟؟؟

ممكن بتاعت اكسينت . من 200 الي 250 جنية . ومش هاتعدل حاجة خالص غير انك هاتغير الطنبورة ببتاعتك القديمة . لان الطنبورة شكلها مختلف .
والزيت الي بينقص شوف الكاوتش بتاع الاسكترا مقطوع ولا سليم .
والخرطوم الي راكب علي علبة الزيت بيرشح زيت ؟