الموضوع: أيهم أفضل لضغط الكاوتش 32/29 ----- 36/33 ؟

المشاركة الأصلية كتبت بواسطة wshawky

بالمناسبه أنا عديت امبارح على بريدجستون علشان اضبط النيتروجين اللى كنت مظبطه من ٤ شهور و بقول للراجل يا ريت تزود لى العجل الراجل قاس او لقيته فاتح بقه و مندهش قوى و بيقوللى ٣٢ ايه و لا ٢٩ اللى بتقول عليه ده يا بيه ده انت قدام عندك ٤٠ وورا. ٣٧ و أنا شفت الارقام بنفسى و اخيرا عرفت العربيه كانت عامله زى الجمل كده ليه حتى لما اركنها جنب صنى تانيه و بصراحه حركه دايقتنى من بتاع الكاوتش اللى فى مودرن موتورز و بعد ما اتظبطت بقيت حاسس أنى قاعد على الارض لكن الاحساس بالمطبات طبعا بقى اقل و الدركسيون بقى خفيف عن الاول مش عارف ازاى و بافكر ارجعها على ٤٠ و ٣٧ تانى لانى اتعودت عليها كده :)

حرام عليك .. ده واضح انك ما ظبتش الضغط اول ما جبتها زيرو لأنهم بيعملوها 40 او اكتر عشان بتتركن فى ساحات تخزين فترات وبتلاقى اول ما تدخل العربية ورقة صفراء معلقة فى مراية الصالون بتنصحك باعادة ضبط ضغط الاطارات
------------------------------------

المشاركة الأصلية كتبت بواسطة elgdawy2007

لا الجديد بقى ان بتوع الكاوتش لما تقولهم 63 و 33 وتوريله المقاسات فى التابلوه بتاع السياره من تحت يقولك ايوه يا افندم بس دى مقاسات فى ظروف تشغيل داخل اليابان نفسها لكن مش فى مصر حتى توكيل السياره لما بتروح تشتريها من هناك يقولك روح شركه بريدجيستون انفخ العجل وفهمهم وهما حيدلوك على انسب طريقه لقياس الكاوتش ومبيدلكش اى معلومه تريحك بخصوص الموضوع ده عشان يفيدك بيها وبعدين فيه حاجه غريبه فعلا لاحظتها طالما موديلات 2010 مقاس الكاوتش فيها هو هو 15r/65/185 و كمان 2011 وموديل 2012 نفس المقاس برضه وبريدجيستون برضه ومفيش اى تغيرر حصل فى ثقل السياره ايضا طب ليه بقى موديل 2010 مقاسه 32 و 29 وموديل 2011 و 2012 63 امامى و 33 خلفى برغم ان محلش اى تعديل فى الكاوتش او وزن السياره دى فعلا بجد ملحوظه غريبه

مقاسات ايه ويابانى ايه ؟!!! والعربية متجمعة وبتتركب فى مصر .. بالذمة ده رد يتقال من واحد شغلته فى الكاوتش !!!
ما كان اولى بيهم ما يلزقوش اى ورق على اى عربية وهى خارجة من المصنع ويسيبوا الموضوع زى ما يشوفوه الاخوة الدكاترة بتوع الكاوتش
وبالنسبة لتغيير منسوب الضغط والعربية هى هى ما اتغيرش فيها مسمار
ضغط ال36-33 اتطبق من اول 6-2010 او بعدها لأن نص العربيات (220 عربية) اللى مع اصحابى فى الشركة 32-29 والنص التانى 36-33 والاستلام كان بين 5-2010 و7-2010
والتغيير ده جه عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات
واللى عاوز يسمع مزيد من الاستفسارات يتصل بالخط الساخن 16244 او يقوم بزيارة اقرب فرع لمركز خدمة معتمد من نيسان وهايسمع احلى فتى

المشاركة الأصلية كتبت بواسطة elgdawy2007

وكمان كلام الاخ الفاضل y2y1500
اليى بيقول فيه الآتى ................................



هو من امتى الاحساس بالمطبات والنقر والحفر بتدب وثبات اقل على سرعات عاليه يعتبر ميزه اخى العزيز!!!!!!!!!!!!

وكمان خفه الباور زى مقال بعض ناس فى ردودهم برضه متعتبرش ليها اى ميزه لانك فى الحاله دى حتحس ان السياره خفيفه بين ايديك على السرعات العاليه وبيكون خطر جدا فى حاله لا قدر الله صادف موقف غريب اثناء القياده يحتم عليك المناوره لسريعه بالسياره ايضا مش كده والا ايه!!!!

كلمتى (ويميزه) معناها مش ميزة ولا ايجابيات ولكن بمعنى صفته وفيه بيحصل كذا - اعذرنى لسوء التعبير - اما خفة الباور فبتكون افضل للى بيسوق جوة البلد ووسط الزحمة ويا سلام لو كانت سيدة او بنت بقى شوف هاتتعامل ازاى وحضرتك ماشى وراها والشارع كله واقف
الخلاصة:
36-33 افضل للسواقة جوة البلد حتى90-100 كم/س
32-29 افضل للسواقة ع الطرق السريعة فوق ال100 كم/س
ومش عارف حضرتك جبت منين ضغط 33-30 ؟!!!
هل ده حل وسط بين الضغطين ولا عن تجربة افضل ولا ايه بالزبط ... ارجو الافادة لأنى باشوف برضه اعضاء بيعملوه كله 33

المشاركة الأصلية كتبت بواسطة elgdawy2007

خليها 33 امامى 30 خلفى لو انت خارج البلد اما داخل البلد خليها 36 امامى و 33 خلفى لو كانت سيارتك بعد 2010 موديل