الموضوع: أيهم أفضل لضغط الكاوتش 32/29 ----- 36/33 ؟

المشاركة الأصلية كتبت بواسطة y2y1500

حرام عليك .. ده واضح انك ما ظبتش الضغط اول ما جبتها زيرو لأنهم بيعملوها 40 او اكتر عشان بتتركن فى ساحات تخزين فترات وبتلاقى اول ما تدخل العربية ورقة صفراء معلقة فى مراية الصالون بتنصحك باعادة ضبط ضغط الاطارات
------------------------------------


مقاسات ايه ويابانى ايه ؟!!! والعربية متجمعة وبتتركب فى مصر .. بالذمة ده رد يتقال من واحد شغلته فى الكاوتش !!!
ما كان اولى بيهم ما يلزقوش اى ورق على اى عربية وهى خارجة من المصنع ويسيبوا الموضوع زى ما يشوفوه الاخوة الدكاترة بتوع الكاوتش
وبالنسبة لتغيير منسوب الضغط والعربية هى هى ما اتغيرش فيها مسمار
ضغط ال36-33 اتطبق من اول 6-2010 او بعدها لأن نص العربيات (220 عربية) اللى مع اصحابى فى الشركة 32-29 والنص التانى 36-33 والاستلام كان بين 5-2010 و7-2010
والتغيير ده جه عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات
واللى عاوز يسمع مزيد من الاستفسارات يتصل بالخط الساخن 16244 او يقوم بزيارة اقرب فرع لمركز خدمة معتمد من نيسان وهايسمع احلى فتى



كلمتى (ويميزه) معناها مش ميزة ولا ايجابيات ولكن بمعنى صفته وفيه بيحصل كذا - اعذرنى لسوء التعبير - اما خفة الباور فبتكون افضل للى بيسوق جوة البلد ووسط الزحمة ويا سلام لو كانت سيدة او بنت بقى شوف هاتتعامل ازاى وحضرتك ماشى وراها والشارع كله واقف
الخلاصة:
36-33 افضل للسواقة جوة البلد حتى90-100 كم/س
32-29 افضل للسواقة ع الطرق السريعة فوق ال100 كم/س
ومش عارف حضرتك جبت منين ضغط 33-30 ؟!!!
هل ده حل وسط بين الضغطين ولا عن تجربة افضل ولا ايه بالزبط ... ارجو الافادة لأنى باشوف برضه اعضاء بيعملوه كله 33

لا المقاس المذكور ده عن تجربه افضل طبعا مش بناء على تعليمات من حد وبعدين 33 امامى ده موصى عليه من قبل المصنع وده انا مفضلش انه يتغير عن كده لان لو فرده كاوتش ضربت منك على سرعه عاليه لا قدر الله مش حتعرف تتحكم فى السياره من اصله لكن لو بالخلف حتكون عمليه التحكم ايسر بكتير من الامام غير كده بقى بقى حنقلل 3 درجات فقط بالخلف وده عشان المساعدين من الخلف بترتاح اكتر فى المطبات وبتكون السياره مرتاحه معاك وده رأى الشخصى اما بالنسبه لزياده معدل ضغط الاطار من 32امامى الى 33 امامى كما ذكر بعض الاخوه الكرام ان ده عشان ان الباور يكون خفيف معاك كده كده انا مغيرتش منه حاجه حيفضل زى مهو المعدل المذكور وبعدين فيه ملحوظه ذكرها اخ فاضل بيقول ان السياره متجمعه هنا اوك مختلفتش معاه فى النقطه دى بس لو يقدر يدينى مبرر للنصائح اليى قالت عليها الشركه المصنعه بزياده فرق الاطارات من 30 لموديل حتى نص 2010 وبعد كده خلته 33 امامى بدون التغيير فى خصائص الكاوتش ياريت يقولى غير موضوع الباور ده لان الباور ده اصلا خفته مش ميزه ابدا كما ذكر البعض وخصوصا فى السرعات العاليه بيكون خطر جدا واى هزه بسيطه فى الدركسيون بتكون بحساب ومكلفه اوى اوى لصاحبها لو اساء تقديرها صح عشان كده انا مش شايف ابدا من وجهه نظرى انى اتحايل على استهلاك البنزين شويه او انى اخف الباور شويه انى ازود معدل ضغط الاطارات وده عشان يكون الباور خفيف لا انا عن نفسى مقتنع بموضوع الباور الثقيل وانصح اى شخص لو بيسافر كتير يبعد عن الباور الكهربا خالص وخصوصا لو كان من هواه السرعات العاليه فى السيارات التى تقل قيمتها السعريه عن 160 الف جنيه وزى مقولت انت اخى الفاضل ينصح زياده الضغط فعلا فى حاله السير فى البلد للمعدل المذكور بتابلوه السياره الجانبى لكن لو انت على طريق سريع يبقى تخليه زى الموديلات القديمه افضل مليون مره وخلى الباور تئيل وده ميزه فى السرعات وليس عيب لان فى الطرق المفتوحه الكاوتش بيسخن مع الاسفلت فى الصيف خصوصا وبيتمدد ساعتها بتكون انت برضه فى امان لان التمدد مش بيكون كتير اقصى حاجه درجتين فوق معدله بس المهم الباور يكون رزين عشان كده بنصح بتقليل الضغط فى السفر سواء صيف او شتاء داخل البلد معروف انت حتمشى على سرعه كام حتى لو حصل تمدد فى الصيف داخل البلد مش حيكون خطر عليك فى الحاله دى التمدد بيكون اكثر على الطرق المفتوحه نظرا لان السياره تسير فتره كبيره وخصوصا فى الصيف بالنهار كمان بدون توقف ولو محمله كمان تفرق بالنسبه لتعرض الاطار للخطر بشكل اكبر ولو حتلاحظ معظم مشاكل انفجار اطار السياره حتلائيه على الطرق السريعه مش داخل البلد للعوامل المذكوره اعلاه يبقى الخلاصه خليك فى الامان احسن غير كده جوه البلد خليك على المنصوص بالكتالوج 36 امامى و33 خلفى ولو انى مش مرحب بيها لانها بتكون على حساب الشعور بالمطبات القاسيه وتلف عفشه السياره فى وقت اقل من المفروض انها تحتاج صيانه فيه ولو على انا شخصيا انا قولت بالنسبالى بفضل 33 امامى و30 خلفى ولو حابب تكون على مواصفات المصنع حيبقى 32 امامى 29 خلفى للموديلات القديمه ومش شايف فيها مشكله اصلا عن نفسى لان اوزان السياره هى هى سواء حديثه او موديل قديم وكمان الجنط r15/65/185زى مهو يبقى مفيش مبرر لللزياده اصلا عن ذلك اتمنى اكون استطعت اجابتك واجابه معظم الاخوه الزملاء الافاضل ولكم جميعا تحياتى واسف للاطاله عليكما بس حبيت اتكلم بشكل مستفيض اكتر لتعم الفائده على الجميع والله الموفق