السلام عليكم ياجماعه انا هدخل فى الموضوع على طول انا ناوى اجيب بروتون جين2 قريبا جديده زيرو نظرا لما سمعته عن العربيه وانا ركبتها وسوقتها لانها كانت مع واحد صحبى بصراحه مفيش منافس ليها لو اتكلمنا على الفئه السعريه ملهاش مثيل بفلوسها مش هتركب حاجه فيها كل الامكانيات دى بس سؤالى ليكم موضوع تيل الفرامل العربيه اصلا نازله بالمشكله دى لما كانت مع صحبى جايبها زيرو العربيه كانت بتصفر من التيل وعرفت انها هى نازله بالعيب ده حتى التيل الجديد فى التوكيل لما تركبه بيصفر؟!!!!!ياجماعه بالله عليكم حد يعرف الموضوع ده اتصلح وعالجوه ولا لا؟!!!!فى موديل2012 لان لو لسه زى ماهو انا كده هتردد اشتريها رغم كل مميزاتها بس الواحد عاوز يحط القرش فى حاجه تخدمه مش تتعبه قدام بعد كده ؟وبعدين واحد قالى معاه بروتون برضو ان الحل فى موضوع التيل ده بتشترى الاصلى من بره التوكيل كمان معدى 1000ج وبيتغير كل 15الف كيلو تقريبا!!هل الكلام ده صحيح وايه هو الحل ياجماعه فى موضوع التيل وصفارته بتاع العربيه دى اكيد انتو راكبينها وقابلتكو المشكله دى لو سمحت جاوبونى ضرورى وافيدونى اكتر فى العربيه وعيوبها ايه تانى غير موضوع التيل ده قبل ماشتريها ياجماعه الف شكر ليكم وعلى المنتدى الجميل ده وعلى مواضيعكو الجميله المفيده وكتر خير المشرفين على القسم ده بجد ربنا يجزيكم خير