الموضوع: السرعه وعلاقة الاسطوانه بعدد لفات المحرك

المشاركة الأصلية كتبت بواسطة mmamdouh

كفائة المحرك برة الموضوع تماما يا جماعة

لفات الموتور المتحكم فيها الموتور و السرعة متحكم فيها سرعة دوران العجلات

طبعا مش معنى ان الموتور بيلف 3000 لفة فى الدفقيقة ان العجل بيلف 3000 لفة فى الدقيقة لان فية نسب تخفيض فى تروس الفتيس ثم فى الدفرنشيال فا غالبا بتكون لفات الموتور اكبر من لفات العجل الافى الخامس مثلا

معنى كدة ان نسبة التخفيض لكل نقلة معروفة مسبقا و كذلك نسبة تخفيض الدفرنشيال و دة مكتوب فى كتالوج العربية... اذا معنى كدة ان اى عربية فى الدنيا معروف لما تبقى على 3000 لفة هتدى سرعة كام طالما عارفين نسب التخفيض دى

طيب ازاى بيحصل فرق فى السرعات على نفس الrpm لنفس السيارة؟؟؟ دة مستحيل يحصل الا اذا كان الدبرياج بيفوت... طبعا كلنا عارفين ان الفتيس كلة تروس معدنية مسننة و مفيش اى نسبة هدر فى الحركة المنقولة فيه من اول عامود الدرك الى الكبالن... يعنى لو فيه هدر فى لفات الموتور مش هتبقى من الفتيس... و الموتور هو مصدر اللفات اساسا بالتالى مفيش غير الدبرياج

الدبرياج بطبيعتة بيعتمد على الاحتكاك لنقل الحركة من الموتور الى الفتيس بالتالى اى انزلاق فى الدبرياج هيسبب فى هدر بعض من طاقة المحرك اللى بتترجم فى شكل زيادة لفات المحرك مع ثبات السرعة

دى الحالة الوحيدة لاختلاف الrpm عن السرعة... غير كدة مستحيل

mmamdouh

اتفق معك تماما اخي الفاضل

طبعا كلام واضح ولا خلاف عليه

بس فيه نقطه واحده صغيره ممكن تعمل اختلاف بسيط في rpm عند نفس السرعه وهي ضبط الكهرباء فقط
يعني لو غيرت في زاويه الاشعال -5 درجات مثلا -عن طريق الاسبراتير (في السيارات التي بها اسبراتير عادي وليس الكتروني ) حيحصل تغير بسيط في عدد اللفات للمحرك عند نفس السرعه في حدود 100 - 200 لفه والكلام ده من تجربه فعليه اكتر من مره

والحقيقه معنديش تفسير لذلك
وشكرا للاستاذ محمد ممدوح علي الشرح المقنع

جاري حذف جميه مشاركات العضو بناء علي طلبه
مشرف عام 1

المشاركة الأصلية كتبت بواسطة eacho22

اتفق معك تماما اخي الفاضل

طبعا كلام واضح ولا خلاف عليه

بس فيه نقطه واحده صغيره ممكن تعمل اختلاف بسيط في rpm عند نفس السرعه وهي ضبط الكهرباء فقط
يعني لو غيرت في زاويه الاشعال -5 درجات مثلا -عن طريق الاسبراتير (في السيارات التي بها اسبراتير عادي وليس الكتروني ) حيحصل تغير بسيط في عدد اللفات للمحرك عند نفس السرعه في حدود 100 - 200 لفه والكلام ده من تجربه فعليه اكتر من مره
والحقيقه معنديش تفسير لذلك
وشكرا للاستاذ محمد ممدوح علي الشرح المقنع

.................................................. ..........*

.................................................. ..........*

المشاركة الأصلية كتبت بواسطة l0new0lf

.................................................. ..........*

ايه دخل نسبه الانضغاط في الموضوع
المقارنه بين السرعه وعدد لفات المحرك
وبعدين انا بتكلم عن تغير القراءه لنفس العربيه مش عربيه تانيه
يا ريت تقرأ المداخله مره تانيه