الموضوع: للمناااااااقشة : طريقة لزيادة أداء المحرك وخفض درجة الحرارة واقتصادية في البنزين

هو فكرة بس لازم يبقى ليه ضوابط معينة لكل سيارة ومعايير مناسبة ويبدأ التطبيق العملى ليه على مستوى العالم من شركات كبيرة

ياريت لو حد فاهم فى الميكانيكا يقول رايه وايه نظام الكلام ده وينفع ل ايه ومينفعش لأيه ؟؟

حوار جامد جدا بس عايز حد يكون مهندس ميكانيكا يفيدنا فيه

يا جماعة انتوا عارفين ان وش السلندر دة هو اساس اختلاف شركات السيارات
يعني ان فكرة الموتور في العالم كلة واحدة بلا استثناء يعني عمود كرنك وبساتم وشنابر ودراع بيل وحدافة وطرمبة زيت وخلافة كل دة بيكون موتور لكن؟؟؟؟؟؟؟ وش السلندر هو اساس اي ابتكار في المحركات لكونة بيقوم علي عمليات حسابية معقدة في دخول الوقود والهواء وتزامن الأحتراق باستعمال الشرارة ونوع الوقود المستخدم ونوع العادم الخارج منة وهل يمكن اضافة شاحن تربو ام لا وهناكما يحتوي علي بوجية اشعال واحد او اثنان وهناك ما يحتوي علي تاكية وغيرة علي بلف زيت او كستبان وفي نوع كربراتير ونوع انجكشن ونوع نصف انجكشن....اما محركات الديزل فتختلف لأحتوائها علي رشاشات وانضغاطها يختلف عن البنزين وخلافة...........اذن ما زال الأبتكار مستمر ولا يتوقف في هذا الجزء تحديدا والراجل الهندي دة فهم نقطة مهمة وهي نفس الفكرة اللي احنا بنعملها لما نخرط او نكشط وش السلندر وهي اضافة جوان تاني لتعويض الخرط وتكبير حجم غرفة الأحتراق لتبريد الموتور هو عمل كدة من غير كشط يعني عمل اماكن تعوض مساحة حجم غرفة الأحتراق وكبرها وعلي فكرة اقسم بالله العظيم الفكرة دي بحذافيرها راودتني لكني لم انفذها
شكرا طارق اسيوط

متااابع

على فكرة يا جماعة الفكرة مش تكبير حجم غرفة الحريق لان لو غرفة الحريق لو كبر حجمها من غير ما تغير جوان وش السليندر وتجيب واحد السمك بتاعة اتخن العربية هتسخن جامد عشان معدل الحرق هيزيد مع الفرق هنا ان العزم مش هيزيد لان ظغط الهوا والبنزين هيكون فى مكان اوسع فكده البستم مش هينزل لتحت بنفس القوة اللى كانت قبل كده لكن الراجل الهندى ده مواسعش غرفة الحريق هو عمل حاجة زى مجارى كده من غير ما يطله عن حدود غرفة الحريق فى وش السليندر السؤال هنا بقى المجارى دى او القنوات دى بتعمل اية عشان تقلل استهلاك بنزين وتقلل من الحرارة وتعلى عزم العربية مع العلم ان لو العزم زاد البنزين لازم يكون استهلاكة اعلى عشان بتحرق زياده والحرق الزياده يعنى زياده فى درجة الحرارة واللى عملة ده لو صح يبقى فعلا لازم يطلق علية اختراااااااااع