يا شعب فيات العظيم-اجيب قطع غيار فيورا اصلية منين

**heshamzaky** · 23-01-2012 11:37 PM

لو حابب تعرض الكاوتش أفضل و انسب مقاس صح الصح
تركب مقاس 155-13-55

**yoko** · 23-01-2012 11:39 PM

الخبراء جابوا معاك من الأخر مقدرش أزود كلمه

**heshamzaky** · 23-01-2012 11:43 PM

بص يا باشا شايف كوم المرايات دة هههههههههههه أنا كنت شايف بعينى مراية الاونو و مسكتها بايدى و كانت ب 75 جنية و كنت حا أجيبها لما كان معايا السوبر فيور و حاولت اركب مراية التمبرا بس طبعا ما نفعتش لانها كبيرة و تقيلة فى الوزن نسبيا المرايات الى فى الصور بتاعت تمبرا بس فى النص كان فية مرايات لانشيا و سينا و اونو

**heshamzaky** · 23-01-2012 11:47 PM

و لقيت الصورة دى
على فكرة الحتة البلاستيك الى راكبة جنب الفانوس الخلفى بتاع الاشارة عبارة عن قطعة كبيرة واصلة لتحت النمرة بتاعت العربية

**heshamzaky** · 23-01-2012 11:50 PM

المشاركة الأصلية كتبت بواسطة yoko

الخبراء جابوا معاك من الأخر مقدرش أزود كلمه

يا باشا العفو
انت عارف انا بجد كنت بحب العربية السوبر فيورا دى فعلا لو حالتها كويسة زى الطلقة لو تعبت منك حا تقرفك جدا و تضايقك بجد

**heshamzaky** · 24-01-2012 12:01 AM

و طبعا السوبر فيورا فيها عيب صغير بس سهل جدا انك تتفادة
الشكمان
الشكمان متعلق فى جسم العربية ب 2 افيز من الوسط و كاوتشة نجمة من نهاية الشكمان
طبعا لو الشكمان جبط فى الرصيف الكاوتشة بتتقطع و الشكمان بيسقط على الارض و دى مشكلة كبيرة حا ابقى اقولك لية
الحل تجيب 2 كولية بلاستيك و تربطهم على الكاوتشة الخلفية بتاعت النجمة زى الصورة كدة
و على فكرة دى العلبة الاصلية بتاعت الشكمان بتاعت السوبر فيورا هو دة شكلها دى دى اسبانى تقريبا و محفور عليها كلمة سيات بالانجليزى
=============
علشان تقوى الشكمان لازم و حتما و لابد تروح لبتاع الشكمانات و تقول لة يركب خوصة للشكمان من الامام بتبقى خوصة صاج و مربوطة فى الماسورة من الامام و رابطة فى الفتيس بتاع العربية دى ب 20 جنية بالكتير بس ميزتها بتقلل الحمل على الكاوتش الى شايل الشكمان و فى نفس الوقت بتمنع ان الفرن بتاع الشكمان يتكسر لان الموضوع دة ممكن يحصل بسهولة لو الشكمان وقع و مشيت بية مسافة قصيرة الفرن حديد زهر سهل يتقطم و تمن الفرن حوالى 100 جنية غير العطلة طبعا

**minicooper20** · 24-01-2012 08:45 PM

معلومات ممتازه انا متابع بشغف

**maka** · 25-01-2012 10:55 AM

المشاركة الأصلية كتبت بواسطة heshamzaky

لو قصدك يا باشا المرايتين الى فى الصورة دى عربية اخويا هو كان جايبهم من سنة و نص تقريبا اعتقد الواحدة ب 60 جنية
لو مراية السوبر فيورا الاصلية جديدة احتمال و ليس اكيد
بص عارف شارع زكى ادخل من بدايتة من شارع رمسيس على ايدك اليمين محلات فية محل بيبع حاجات مرسيدس بعد المحل دة على ايدك اليمن برضو فية محل عامل فاترينة شوفت فيها مراية السوبر فيورا بس بيبعها من غير المثلث الى راكب على المرايا من الداخل و الخارج

لا يا باشا قصدى على المرياتان اللى حضرتك حطتهم فى الصورة لانهم اقصر من بتوع الشاهين , بس مش موجودين حاليا

المشاركة الأصلية كتبت بواسطة heshamzaky

بالنسبة للمساعدين المونرو طبعا لا جدال عليهم بس حا يبقو ناشفين شوية انا كنت مركب مساعدين مايلى بس مايلى الالمانى الاصلى كانو زماااان ب 300 جنية وقت ما كان اجدع مساعدين لل 127 ب 170 و 230 جنية
============

هو المونرو ناشف سنة بس ظابط العربية كويس فى الملفات , انا اول ما ركبته كنت مستغرب العربية اتلمت ازاى كده فى الملفات خصوصا ان العربية خفيفة