الموضوع: يا شعب فيات العظيم-اجيب قطع غيار فيورا اصلية منين

المشاركة الأصلية كتبت بواسطة karim_monir

بجد متشكر ليكم ولمعلوماتكم
اول مرة اجربها مشوار النهاردة فعلا التزييق شنيع في العفشة
وطبعا رجعت للعفشجي اللي جنبي روقته وكنت هاعلقة على باب محله :-)
المساعدين هاجلها شويه لغاية ما مرحلة التعليم تخلص
الكراسي مش عاجباني
فعلا
والفكرة ان العربية داخلة تنجيد قريب قوي
عشان كدة مش عارف انجد بتوعها ولا اغير كرسيين ويعملو كام
ومش هايضقو العربية ؟
وهل هايركبو على نفس المجري ولا هاحتاج سمكري وسروجي يلحم وكدة
الغيار التاني فيها وشنيع ولقيت 127 كله كدة
وعندي طارة سبور ف الورشه بس مش لاقي زور فيات لسه
ولقيت جوز مرايات ابيزا 94 شكلها هايبقي حلو عليها ان شاء الله

كريم لو عاوز الغيار التانى ميزعقش معاك وانت بتجيبه
حط زيت تقل فى الفتيس ممكن 140 او اعلى لان التروس حتلاقيها اتاكلت شويه
ومتمشيش على الاول كتير يعنى اول متجيب الاول والعربيه تتحرك هات التانى على طول لان لما السرعه بتزيد على الاول التانى مش بيجى بسهوله

والكراسى بتاعه اللانوس رخيصه فى حدود 400 او 500 وفيه بتاعه الاكسنت كمان بس اللانوس اصغر وارفع فحتوسع الصالون معاك
والمجرى مش متأكد الصراحه حتتعدل ولالا لانى شوفتهم راكبين وشوفت بتوع النوبيرا كمان وهما راكبين فى 128 بس عادى لو حتتعدل متخافش بسيطه هى اصلا كراسى ال 127 ملحومه والمجرى متثبته بمسمارين صليبه يعنى حوار عبيط

ولو مش لاقى زور الفيات عندك قوللى كان فيه واحد هنا فى اسكندريه كنت جايبه منه لل 128 من فتره اكيد حلاقى عنده منه تانى

المشاركة الأصلية كتبت بواسطة heshamzaky

هههههههههه يا باشا العفو انت عارف انا ركبت السوبر فيورا 20 سنة تقريبا و حبيبتى هههههههههههه
لما تنزل القاهرة باذن الله نتقابل و نروح مع بعض الرحلة الى متفقين عليها ههههههههههههههههههههههههه ههههههههههههه

منا عارف انها عشره عمر معاك يا باشا

وان شاء الله قريب نطلع الرحله دى ههههههههههههههههههه

المشاركة الأصلية كتبت بواسطة heshamzaky

مشكلة الفتيس فى الترس بتاع النقلة التانية لو عاوز تخلية ما يعملش صوت دى حركة بسيطة بس لازم تبقى واخد على العربية
و انت بتجيب التانى هاتة كأنك بتلف عصاية الفتيس نص لفة كدة مش حا يعمل صوت

قصدك يلف العصايه نفسها كأنه حيفكها مثلا ولا ازاى عشان الموضوع ده كان عندى

انا عندى الحوار بتاع التانى دى حصل فجأه فى ال 128 ورحت للمكانيكى قاللى عادى زى محضرتك قولت
بس انا اكتشفت بعد كده انى لما حطيت زيت تقيل فى الفتيس مش فاكر 140 تقريبا او 180 حاجه كده مش فاكر
الصوت مبقاش بيجى خالص غير لما بحرق او امشى على الغيار الاول كتير لكن لما بهدى واسايس العربيه مكانش بعمل صوت بتاتا

المشاركة الأصلية كتبت بواسطة heshamzaky

أقولك يا باشا
انت بتجيب النقلة التانية على شكل رقم 2 لما تيجى تجيبة خلى حركة ايدك كانك بتعمل نص دايرة فى العصاية بتاعة الفتيس
مش عارف اشرحها بصراحة هههههههههههه
و على فكرة بلاش زيت الفتيس ال 140 دة لانى مرة بالغلط حطيتة حا يخلى الفتيس تقيل جدا جدا و خصوصا فى الشتاء فى الصبح اول ما تدور العربية حا تحس ان الفتيش ملزوق بغراء هههههههههههه
حط زيت فتيس 90 أحسن بكتير جدا الكيلو ب 24 جنية تقريبا
الزيت ال 140 لو فى مشحمة الكيلو ب 15 جنية تقريبا

لا مهو انا محطتش كله 140 ده كان كيلو فقط فوق اللى كان موجود وكده محستش بحاجه خالص
لان اكيد اللى كان موجود كانت لزوجته اقل وكانت قلت بفعل الاستعمال والحرق على الغيارات

انت قصدك اغير حركه العصايه فى المجرى نفسها من الاول للتانى بدل على طول اخليها تيجى سنه يمين وادخلها على التانى بعد كده
انا لما كنت بجيب العصايه عند المور واستنى ثانيه او 2 وبعد كده اجيب التانى مكانش الصوت بيطلع برضه بس دى حركه مش بحبها لانى بحب انقل بسرعه

و خلى السروجى يكشف لك على العزل اللى فى صدر العربية بالمرة لو يحتاج يتغير غيره

يا ريت توضيح للنقطة دى ..
أنا مسكت فى كلمة (عزل) لأن العربية صوتها جراااار .. فايه عزل الصدر ده؟ وهل بيخفض الصوت؟

المشاركة الأصلية كتبت بواسطة heshamzaky

بص حا احاول اشرحها بس ما تضحكش عليا ماشى هههههههههههههههه
انت لما بتجيب التانى مش بتجيب العصاية ناحية رجلك اليمين و بعدين لتحت صح كدة
لما تيجى تجيب العصاية على ناحية رجلك اليمين بدل ما الحركة مستقيمة بالعرض خليها شبة دائرية وضحت و لا مش باينة ههههههههههههههه :y_hi_3[1]:

اه حركه ايدى انا نفسها يعنى مش حركه العصايه