يا شعب فيات العظيم-اجيب قطع غيار فيورا اصلية منين

**heshamzaky** · 25-01-2012 04:06 PM

العفو على اية
لو عاوز تقلب شكل العربية و تخلية حلو ركب الشبكة ال 4 فوانيس حا تغير منظر العربية فعلا لو شكل الشبكة عجبها طبعا .

**saadelden** · 25-01-2012 04:07 PM

هي مايلي توكيلها فين ؟ و عليها ضمان زي مونرو ؟

و بعدين خلو بالكو مرايات الفيات القديم و الشاهين الجديده كلها الازاز بتاعها وحش
انا مغير المرايات مرتين لان الدراع بتاعها بيبوظ و المرايه بتتحرق من الشمس و بتسود

بدور علي حد بتاع مرايات يعملي مرايتين مقعرين مش مستويين زي الي راكب فيها !

**heshamzaky** · 25-01-2012 04:11 PM

لو حابب تلعب فى الصالون شوف الطارة دى كدة
دى مومو اصلى على فكرة و عصاية الفتيس ابنوس برضو
دول شايلهم للذكرى طبعا ما بعتبش العربية بيهم
========================

**misoalex** · 26-01-2012 04:50 AM

مبروك يا باشا على العربيه ربنا يباركلك فيها ويديك خيرها ويكفيك شرها انت وافراد الاسره ان شاء الله

طبعا بعد كلام استاز هشام مفيش كلام
وافضل مرايات ليها هما بتوع الشاهين والله كان عندى جوز جديد مكنتش محتاجهم واديتهم لواحد صاحبى
والكراسى الافضل تغيرهم وتركب 2 بتوع لانوس او هيونداى حيبقو شيك جدا عليها ومريحين جدا وغير كده حيبقو سهل الحركه غير بتوعها

والمساعدين الامامى هات مونرو بالضمان وبتعيش وبتدى ثبات كويس وممكن الخلفى تجيب جوز استيراد لانهم بيعيشو ومش عليهم هلك زى الامامى

وبلاش موضوع مقاس الكاوتش الاصلى ده لان الاصلى بتاعها رفيع جدا ومش بيدى اى ثبات للعربيه خالص
واهم حاجه فى العربيه دى ظبط الزوايا وخصوصا الزوايا الخلفيه ومتخليش العجل مفتوح من فوق ومقفول من تحت حتى لو قالولك كده الفابريكه
خلى العجل واقف مستقيم زى ال 11 ولا مفتوح من فوق ولا من تحت والله الموضوع ده بيفرق جدا جدا جدا فى حجات كتير منهم الثبات واكلان الكاوتش

وربنا يباركلك فيها

**heshamzaky** · 26-01-2012 04:56 PM

يا باشا تسلم و تعيش و كلامك مظبوط جدا فى موضوع العفشة و ظبط الزوايا
ال 127 على فكرة كل فترة لازم تربط العفشة بتاعتها دى اساسى ههههه بجد و الله مش هزار
و الجلب الخلفية بتاعت المقص يفضل تشحيمها جيدا و تغطيتها بالشحم علشان ما تعمشل صوت تزيق من الخلف
و العجل الخلفى فعلا لازم يبقى مستقيم زى 11 لان البعض ممكن يقولك لآ نقفل العجل شوية علشان لما تحملها وزن زائد العجل يفرش بس دة مش مظبوط
لو عاوز تحمل اوزان جامدة فى العربية يا أما تركب ورقة سوستة جامدة يا فية ناس بتركب ورقة زيادة و دة مش حلو نهائيا

**heshamzaky** · 26-01-2012 05:03 PM

و دة شكل المقصات الخلفية و الجلب متشحمة

**misoalex** · 26-01-2012 08:23 PM

يا باشا تسلم و تعيش و كلامك مظبوط جدا فى موضوع العفشة و ظبط الزوايا
ال 127 على فكرة كل فترة لازم تربط العفشة بتاعتها دى اساسى ههههه بجد و الله مش هزار
و الجلب الخلفية بتاعت المقص يفضل تشحيمها جيدا و تغطيتها بالشحم علشان ما تعمشل صوت تزيق من الخلف
و العجل الخلفى فعلا لازم يبقى مستقيم زى 11 لان البعض ممكن يقولك لآ نقفل العجل شوية علشان لما تحملها وزن زائد العجل يفرش بس دة مش مظبوط
لو عاوز تحمل اوزان جامدة فى العربية يا أما تركب ورقة سوستة جامدة يا فية ناس بتركب ورقة زيادة و دة مش حلو نهائيا

فعلا هى عاوزه تربيط عفشه كل شهر وبالمره اللى بيربط يبص على كاوتشات الميزان وجلب العفشه لانهم اكتر حاجه تبوظ من المطبات
واللى بيحمى الجلب زى محضرتك قولت الشحم فعلا
فيه بنزينه عندنا كانت بترش زيت قديم على الجلب بعد الغسيل والعربيه مرفوعه وده كان بيخلى صوت العفشه واطى فعلا

والله انت موسوعه يا استاز هشام ربنا يباركلك ويخليك لينا

مفيش معلومتين بقى للسيينا ههههههههههههههههههه

**Karim_Monir** · 26-01-2012 11:54 PM

بجد متشكر ليكم ولمعلوماتكم
اول مرة اجربها مشوار النهاردة فعلا التزييق شنيع في العفشة
وطبعا رجعت للعفشجي اللي جنبي روقته وكنت هاعلقة على باب محله :-)
المساعدين هاجلها شويه لغاية ما مرحلة التعليم تخلص
الكراسي مش عاجباني
فعلا
والفكرة ان العربية داخلة تنجيد قريب قوي
عشان كدة مش عارف انجد بتوعها ولا اغير كرسيين ويعملو كام
ومش هايضقو العربية ؟
وهل هايركبو على نفس المجري ولا هاحتاج سمكري وسروجي يلحم وكدة
الغيار التاني فيها وشنيع ولقيت 127 كله كدة
وعندي طارة سبور ف الورشه بس مش لاقي زور فيات لسه
ولقيت جوز مرايات ابيزا 94 شكلها هايبقي حلو عليها ان شاء الله

**heshamzaky** · 27-01-2012 02:19 AM

بص يا باشا بالنسبة لموضوع تنجيد الكراسى
اقولك الى انا عملتة روحت اشتريت نص فرخ اسفنج مضغوط تقريبا كان 4 سنتى كثافة عالية مش فاكر سعرة بالظبط بس الفرخ ب 100 جنية تقريبا
المشكلة الى حا تواجهك لو فكيت الفرش الجلد الاصلى و جيت تركب التنجيد المشكلة ان الجلد بتاع العربية ممكن يتقطع من بعضة لانة بيبقى نشف شوية لازم الراجل يخلى بالة شوية
حا يقص الاسفنج و يتحط على القعدة و الظهر و يقل الكرسى و بعدها انسى على الاثل 3 سنين ان الكرسى التنجيد بتاعة يهبط تانى . بس لو الى بيسوق طويل شوية حا يضايقة لان دماغى كانت بتوصل للسقف بتاع العربية اول ما بتنجد الفرش هههههههههههههه
+ لو حاولت تسال عن كرسين 127 أعتقد حا تلاقيهم فى حدود 700 جنية على الاقل و المهم حالتهم أية
لو عاوز تشوف شكل المجرى و الفرش مفكوك اتفضل الصور ههههههههههههههه
= بالنسبة للزور و الله حاليا انا مش عارف الزور بتاع الطارة الاسبور بقى بكام بس زمان كان ب 100 جنية أعتقد حاليا سعرة اقل حا تلاقية فى شارع دمشق عارف محل ابراهيم بتاع الاستيكرات جنبة فخرى زلط هو المحل الى جنبة كان عندة زور. و الطارات الى فى السوق شكلها حلو بس خامات فى منتهى الرداءة الى فى الدنيا بتتقطم بسهولة
=و لو الكراسى لما بتيجى ترجعها او تقدمها معصلجة شوية رجع الكرسى حا تلاقى المجارى بتاعت الكرسى مربوطة بمسمارين كبار شوية اربطهم بس مش جامد أوى لان لازم يبقى فيهم شوية بوش و زيت المجارى حا تبقى زى الحلاوة فى الحركة معاك

**heshamzaky** · 27-01-2012 02:23 AM

مشكلة الفتيس فى الترس بتاع النقلة التانية لو عاوز تخلية ما يعملش صوت دى حركة بسيطة بس لازم تبقى واخد على العربية
و انت بتجيب التانى هاتة كأنك بتلف عصاية الفتيس نص لفة كدة مش حا يعمل صوت

الموضوع: يا شعب فيات العظيم-اجيب قطع غيار فيورا اصلية منين

LinkBack

أدوات الموضوع

عرض

-

-

-

-

المواضيع المتشابهه

اجيب منين قطع غيار هوندا سيفيك 76

عايز قطع غيار اصلية للسيراتو 2009 اجيبها منين؟؟

منين اجيب قطع غيار تويوتا

عايز اجيب قطع غيار اصلية بس مش عارف اتمانها كام يا ريت حد يعرفني

اجيب قطع غيار منين

الكلمات الدلالية لهذا الموضوع

المفضلات

المفضلات

ضوابط المشاركة