الموضوع: النهاردة رفدت 23 عامل بسب 25 يناير

سبحان الله من له الدوام
انا بستغرب من بعض الردود المستفزة واللي شايف فيها ناس مستقوية القلب على الغلابة
وبيوصفوفهم بابشع الصفات وكان المفروض الناس دي تكون عبيد ملهاش اي حقوق
ولاكن العكس اصحاب المال والاعمال ملايكة
اخيرا
اذا دعتك قدرتك على ظلم الناس فتذكر قدرة الله عليك

بعضكم متحامل عليا جدا زي ما اكون ابولهب و ماسك كرباج للناس ..... بالعكس انا بتعامل مع العمالة بتاعتي بكل ذوق و ادب و شياكة و زي ما انا بحب الناس تتعامل معايا لأني حاطط في بالي ان اللي انا هعمله معاهم لو حلو او وحش هيفضلي و يرجعلي تاني و كمان عشان انا اتظلمت جامد في شغلي اللي قبل ده عشان كده انا بحسس على الناس .... بس همه أخدوا اسلوبي ده طييبة و عبط مني و انهم هيقدروا يفرضوا اي حاجى عليا ... 7 يناير انا وافقت على طول مرفضتش انهم ياخدوه اجازة .... مع ان اي مصنع الناس شغالة ورادي فيه لا يوجد اجازة و الناس بتاخد بدل راحة بعد كده ... 25 يناير انا رفضت لأني لقيت الاسلوب تحدي من الاول و انهم عايزين يفرضوا عليا بالعافية و هوه كده و لما رفضت راحوا لموا بعض و اتفقوا محدش يجي .... طيب من 55 فرد اللي مجوش 23 عامل ...عارفين لو الناس كانت جت عادي و جم بعد كده قالوا ده مفروض كان اجازة و احنا مرضيناش نزعلك كان ممكن اديهم اجازة ......

لكن الموضوع كان فرض أمر واقع من العامل على ادارة الشركة و ده مبدأ مرفوض مهما كانت العواقب .... الشركة مالهاش دراع يتلوي

المشاركة الأصلية كتبت بواسطة mazagangee

بعضكم متحامل عليا جدا زي ما اكون ابولهب و ماسك كرباج للناس ..... بالعكس انا بتعامل مع العمالة بتاعتي بكل ذوق و ادب و شياكة و زي ما انا بحب الناس تتعامل معايا لأني حاطط في بالي ان اللي انا هعمله معاهم لو حلو او وحش هيفضلي و يرجعلي تاني و كمان عشان انا اتظلمت جامد في شغلي اللي قبل ده عشان كده انا بحسس على الناس .... بس همه أخدوا اسلوبي ده طييبة و عبط مني و انهم هيقدروا يفرضوا اي حاجى عليا ... 7 يناير انا وافقت على طول مرفضتش انهم ياخدوه اجازة .... مع ان اي مصنع الناس شغالة ورادي فيه لا يوجد اجازة و الناس بتاخد بدل راحة بعد كده ... 25 يناير انا رفضت لأني لقيت الاسلوب تحدي من الاول و انهم عايزين يفرضوا عليا بالعافية و هوه كده و لما رفضت راحوا لموا بعض و اتفقوا محدش يجي .... طيب من 55 فرد اللي مجوش 23 عامل ...عارفين لو الناس كانت جت عادي و جم بعد كده قالوا ده مفروض كان اجازة و احنا مرضيناش نزعلك كان ممكن اديهم اجازة ......

لكن الموضوع كان فرض أمر واقع من العامل على ادارة الشركة و ده مبدأ مرفوض مهما كانت العواقب .... الشركة مالهاش دراع يتلوي

يا باشا انا و انت اتشبهنا بحاجات كتير ..واحد بيقولك فلول !! وواحد يقولك انا عاوز اشتم !! وواحد يقولك متعجرف و حاجات غريبه
واتحدى ان اى واحد صاحب عمل و شايف العامل بيضيعله فلوسه الى تعب فيها ...هيكون رد فعلا مطابق للكلام النظرى الى بيقوله

المشاركة الأصلية كتبت بواسطة khaled ayman

يا باشا انا و انت اتشبهنا بحاجات كتير ..واحد بيقولك فلول !! وواحد يقولك انا عاوز اشتم !! وواحد يقولك متعجرف و حاجات غريبه
واتحدى ان اى واحد صاحب عمل و شايف العامل بيضيعله فلوسه الى تعب فيها ...هيكون رد فعلا مطابق للكلام النظرى الى بيقوله

عندك حق
الكلام حاجة و المواقف حاجة تانية

المشاركة الأصلية كتبت بواسطة mazagangee

بعضكم متحامل عليا جدا زي ما اكون ابولهب و ماسك كرباج للناس ..... بالعكس انا بتعامل مع العمالة بتاعتي بكل ذوق و ادب و شياكة و زي ما انا بحب الناس تتعامل معايا لأني حاطط في بالي ان اللي انا هعمله معاهم لو حلو او وحش هيفضلي و يرجعلي تاني و كمان عشان انا اتظلمت جامد في شغلي اللي قبل ده عشان كده انا بحسس على الناس .... بس همه أخدوا اسلوبي ده طييبة و عبط مني و انهم هيقدروا يفرضوا اي حاجى عليا ... 7 يناير انا وافقت على طول مرفضتش انهم ياخدوه اجازة .... مع ان اي مصنع الناس شغالة ورادي فيه لا يوجد اجازة و الناس بتاخد بدل راحة بعد كده ... 25 يناير انا رفضت لأني لقيت الاسلوب تحدي من الاول و انهم عايزين يفرضوا عليا بالعافية و هوه كده و لما رفضت راحوا لموا بعض و اتفقوا محدش يجي .... طيب من 55 فرد اللي مجوش 23 عامل ...عارفين لو الناس كانت جت عادي و جم بعد كده قالوا ده مفروض كان اجازة و احنا مرضيناش نزعلك كان ممكن اديهم اجازة ......

لكن الموضوع كان فرض أمر واقع من العامل على ادارة الشركة و ده مبدأ مرفوض مهما كانت العواقب .... الشركة مالهاش دراع يتلوي

يعنى اسمه ايه ده:::::تكبر\حب سيطره\عنجهيه \غرور- اسف انابوصف الجمله مش قصدى اساءه
يا استاذى مهو فعلا امر واقع لانه حقه مش حقك انت
هو انت عاوز العامل اللى عندك يذل نفسه الاول لغايه اما تتعطف عليه وتفكر اذا كنت تحاسبه عليه ولا لا
لو سمحت انا ليا سؤال
ليه انت وناس تانيه زيك بتعتبروا ان العامل ابن الجناينى او انه فرد امن مركزى؟
لكل طرف فى المشكله حق ولو كل واحد التزم بحقه هتستريحم بس لازم انت وانا وكل من كان فى رقبته عمال اننا منطلبش بمبالغه فى الحق ده و اما ميتنفذش يبقى الحد بالسيف هو الحل
والله محدش حمل دعوة المظلوم (شفت حالات بعينى)
وجرب انهم يدعولك (انا مجربها بنفسى)
اه نسيت اقولك انك فرد من مجموعه افراد جوه منظومه العمل (ومش صاحب الشغل) وانت الوحيد اللى فى مواجهه المشكله مش صاحب الشركه يعنى انت زيك زيهم يبقى بلاش تفترى عليهم

المشاركة الأصلية كتبت بواسطة heshamzaky

معلش العمال دى علشان غلبانة مش فاهمين حقهم و حضرتك لازم تعرف معلومة ممكن فقط تكون غايبة عنك
لو حا تنزل عامل يوم اجازة رسمية القانون بيقول تدى لة بدل عملة عن اليوم دة يومين أجازة
حبى حا تديلة يوم بدل و تخلص القصة
= لو العمال متأمن عليهم وراحو مكتب العمل ممكن جدا يرفعو عليك قضية و التسلسل بتاعها سهل و معروف جدا حضرتك حا تخرجهم أزاى من على شاشة التأمينات لازم يكتبو استقالة و يمضو لك على استمارة رقم 6 غير كدة حا تتحط فى خانة اخرى و هى الخانة الى بيتكتب فيها سبب ترك الخدمة مش حا تقدر تكتب فيها رفد شهادة الخبرة حضرتك ملزم بموجب القانون تكتب لة شهادة خبرة و ممكن باللغة الانجليزية لو العامل دة طلب كدة دة حقة و انت ملزم بكدة و تديلة ما تم ايداعة لديك من اوراق تخصة مثل شهادات الميلاد و الخبرة و خلافة
علشان تمشى العامل من عندك طالما لم يمضى فى الخدمة عندك اكثر من 10 سنوات لازم تخطرة قبلها بشهرين كتابة و لو زادت مدة خدمتة عن 10 سنوات تخطرة قبل ما تمشية ب 3 شهور
و يستحق يوم أجازة فى كل اسبوع بخلاف أجازتة الاسبوعية للذهاب للبحث عن عمل اخر و الاجازة دى مدفوعة من قبل صاحب العمل و اليوم الى العامل حا يحددة بمزاجة
يستحق ما تبقى لة من رصيد اجازات عن أخر 3 سنوات عمل
لو جيت تمشية قبل انتهاء فترة الاخطار الى هية شهرين حا تقبضهم لة كمرتب
و بالمناسبة المرتب مش حا يتخصم منة الضرائب و لا التامينات حا يقبضة كاملا
لو العامل رفع عليك قضية فى المحكمة حا تضطر انك تدفع لة شهرين مرتب عن كل سنة قضاها فى العمل لديك
و الفلوس دى حا تتودع فى خزنة المحكمة ما دفعتش ممكن المحامى يعمل حجز على المصنع بتاعك و لو مفيش فلوس يبيعو اى اصول ثابتة لحين سداد الديون
================================

أهم ما فى الموضوع تذكر أنك عاوز تقطع عيش بنى ادم شغال
و العامل دة هو الى بيدخلك الفلوس و الا حضرتك تقف تشتغل بايدك و توصفيك لهم بأنهم
((( للاسف العامل المصري لازم ياخد بالجزمة عشان يشتغل , لكن بالمعاملة الطيبة يتملعن )))
مش حلو و لا فية اى جدعنة فى الكلام الى حضرتك بتقولة
اعذرنى لصراحتى بس أنا مش بحب الظلم أو أنى افترى على حد كان ممكن تخصم لهم مش ترفدهم

+111111111111111

اسف على انى قلت عايز اشتم بس الكلام مستفز جدا
احقاقا للحق الشغل اللى فيه شيفتات محدش بياخد عطلات رسميه بس بياخدوا يوم بدل اجازه و يومين فلوس ده تبع قانون العمل او يومين اجازه و يوم فلوس او 3 ايام اجازه

طبعا اكيد حضرتك مش بتعمل كده ولو بتعمل كده كان زمان كل العمال عايزين يحضروا اليوم ده و اكيد مش حضرتك لوحدك اللى مش بتعمل كده برضه اكيد مجال عملك كله كده