الموضوع: النهاردة رفدت 23 عامل بسب 25 يناير

المشاركة الأصلية كتبت بواسطة lad

تمام كدا

المشاركة الأصلية كتبت بواسطة m.elwan

+1111
بالرغم من ان مختلف معاك فى اغلب ارائك السياسيه بس ده ميمنعش انى احييك على ردك الرائع المحترم

يا باشا العفو و بجد لا يصح الا الصحيح
بالنسبة لموضوع الاراء السياسية ليا اصدقاء من المنتدى ممكن نقطع بعض فى المشاركات بس لما بنشوف بعض على الحقيقة بالحضن و البوس و ضحك متواصل و الدنيا بمبى و زى الفل مفيش اى نوع من أى عداء نهائيا بالعكس تماما

المشاركة الأصلية كتبت بواسطة sherif_m72

انا برضه زيك صاحب عمل
بس انا بتعامل مع رجالتى بطريقه مختلفه عنك وبالتالى هما والله العظيم وقت اما بحتاجهم ومن غير امر والله بلاقيهم حتى لو كان فى ايام العيد والله
انت تعرف انى بروح لهم فى زيارات ولما بيكون عند حد فيهم فرح او مناسبه برضه بروح او ببعت حد ينوب عنى
(حاول تجرب طريقتى) والله انا اوقات مش بكون فى الشغل اساسا واللى بيتعمل بيكون اكتر من وجودى معاهم وده عشان ميحسسونيش ان فى غيابى هما بلطجوا

انا لما شوفت عنوان الموضوع قولت اكيد صاحب الموضوع بيقول نكته او حاجة كدة تفرفشنا
لما دخلت وشوفت الكلام صعقت , بس هقولكم على تجربه معايا انا شخصيا
انا مهندس فى المقاولون العرب وما ادراك ما المقاولون العرب
يعنى من الاخر شغل الحكومة الاصلى , عمال صباح الانتخة , ناس ماشيه بمبدا الى ما يخلصش النهاردة يخلص السنة الجايه , يا عم هى شركة ابونا , احنا اخدنا منها ايه , والمهندسين والناس الى فوق هما الى واكلنا والعه الكلام العارفينوا كلنا دة
وما تقدرش تعمل مع العمال او اى حد اى حاجة لانحنا شركة حكومة والاجازات والكلام دة من حق الناس
يوم التلات نزل قرار من ابراهيم محلب ان 10%من الناس تنزل الشغل يوم الاربع والجمعةوالتحركات تكون مواصلات من غير عربيات الشركة وطبعا الخميس والسبت ايام شغل عادى وطبعا دة خوف من السرقة او ان اى مشكلة تحصل , وقال هناخد فلوس زيادة عن اليومين دول
عارفين كام يا اصدقائى الاعزاء ؟؟؟؟25 جنيه للفرد عن اليوم الزيادة + مصاريف المواصلات
العمال هاجت علينا واحنا مالناش دعوة ودى اجازة رسمى والكلام الحلو دة , وناس تقولك احنا مسافرين وهناخد الخميس اجازة علشان يبقى كام يوم ورا بعض
انت بقى تتصرف ازاى فى موقف زى دة؟؟؟
موقعك ومعداتك وشغلك معرضين للتخريب وكل الى موجود فردين امن بالكتير اوى , والناس تقولك مالناش دعوة , يولع الشغل اخدنا منها ايه
ومش هتقدر تنزل 10% بس الناس هتقولك واشمعنا احنا
روحت بمنتهى العقل كدة قولنا الاتى :
العمال اليوميه برحتهم هو كدة كدة اليوم بيومة , بس ما يزعلش لما اجيب عامل تانى واديلوا اليومية بتاعتوا واخليه يكمل معايا
العمال المتثبتين نص الناس تنزل الاربع والنص التانى هينزل الجمعة وهكذا المهندسين
دة فرمان ومافهوش مناقشة ( مع انى مش بحب اسلوب الفرمان )
الملاحظات بقى يا شباب
المهندسين كلهم من الاول قالوا نازلين ودى بصراحة حركة تدل على انهم فعلا قدوة للناس
العمال ناس قليلة جدا قالت هتنزل من الاول علشان تاخد الفلوس الزيادة ( بمبدا اهى كام ساعة لا هنشتغل ولا هنعمل وهناخد فلوس ) والباقى للاسف نزل خوف من العقاب
الخلاصة : مع انى فى شركة حكومة وقانون العمل موجود , لاكن العامل المصرى لا يعرف قانون العمل ولا غير قانون العمل
ما يعرفش غير قانون واحد وبس وللاسف هو قانون الفلوس ( هتدينى فلوس عنيا ليك هتخصملى فلوس انا تحت رجليك)
والله والله والله لو عندك 10 عمال هتلاقى 2 ولا 3 بالكتير هما الى قلبهم على الشغل وبيشتغلوا حبا فى الشغل
والباقى عايز ياخد فلوس وهو نايم فى بيتهم
حاجة اخيرة احب اقولها , احنا كشركة ديما بنكون مضغوطين فى تسليم الشغل , علشان تشغل الناس وتسلم فى المعاد الغريب الى بيقولوا عليه لالااسف لازم تشغل الناس بنظام السخره وقانون العمل تسيبوا فى البيت قبل ما تنزل

ما فعلته قد يصح وقد يخطا
استفتي احد الشيوخ في هذا حتي لا تقع تحت العقاب الالهي